સુરત લોકસભા બેઠક પરથી કોંગ્રેસના ઉમેદવાર નિલેશ કુંભાણીના ફોર્મ વિવાદ મુદ્દે કોંગ્રેસે ભાજપ પર મોટો આરોપ લગાવ્યો છે. કોંગ્રેસ પ્રવક્તા મનિષ દોશીએ દાવો કર્યો કે સુરતમાં જે ખેલ ખેલવામાં આવ્યો છે તેની પાછળ ભાજપના પ્યાદાઓને કોંગ્રેસ ખુલ્લા પાડશે. એટલુ જ નહીં રમત રમનારા કોણ છે અને કોણે ધાક ધમકી આપી છે તે પણ સામે લાવવાની મનિષ દોશીએ વાત કરી છે. કોંગ્રેસે કેન્દ્રીય ચૂંટણી પંચને ન્યાયિક અને પારદર્શક રીતે ચૂંટણી યોજવા માટે રજૂઆત કરી છે.
આ તરફ ગુજરાત કોંગ્રેસના પ્રદેશ પ્રમુખ શક્તિસિંહે જણાવ્યુ કે ભાજપ હાર ભાળી ગયુ છે એટલે અમારા ઉમેદવારોને દબાવે છે. ભાજપે 4 સમર્થકોને દબાવીને ફોર્મમાં અમે સહી નથી કરી તેનુ પોલીસ જાપ્તા નીચે દબાણ કરતા ફોર્મ રદ થવાની વાત છે. ફોર્મ ભરતી વખતે ટેકેદારો અમારી સાથે હતા, કેમેરામાં પણ તેઓ આવ્યા હોવા છતા ક્યા કારણોસર તેમણે આ એફિડેવિટ કરી છે તે એક સવાલ છે. વધુમાં શક્તિસિંહે જણાવ્યુ કે ભાજપનો અહંકાર ભાજપને ડૂબાડી દેશે. રૂપિયાના બળે નેતા ખરીદી શકાય પણ જનતાના મત નહીં. 400 પારને બદલે ભાજપ તડીપાર થશે.
આ પણ વાંચો: ઉનાળાની ગરમીમાં તપી રહ્યું છે ઘર, AC કે કુલર વગર આ 6 જુગાડ વડે તમારું ઘર થશે કુલ કુલ
ગુજરાતના તમામ જિલ્લાના સમાચાર વાંચવા માટે અહીં ક્લિક કરો