Rajkot: દોઢ વર્ષથી ચાલતા બ્રિજનું કામ અધવચ્ચે જ અટકી પડતાં વાહનચાલકો પરેશાન, જુઓ Video
રાજકોટમાં કોન્ટ્રાક્ટ એજન્સીને ભ્રષ્ટાચાર કરવાની તક ન મળતા બ્રિજનું કામ અટકી પડ્યું છે. મહત્વનુ છે કે એકવાર જે રસ્તાનું ખોદકામ થયું, ત્યારબાદ એ રસ્તો ક્યારે બનશે, તે સવાલ સૌથી મોટો છે.
Rajkot: રાજ્યમાં રસ્તા ઓછા, અને સમારકામ થતાં રસ્તા વધુ હોય તેવી સ્થિતિ છે. તેમાં પણ એકવાર જે રસ્તાનું ખોદકામ થયું, ત્યારબાદ એ રસ્તો ક્યારે બનશે, તે સવાલ સૌથી મોટો છે. આવી જ સ્થિતિ રાજકોટમાં એઈમ્સ નજીક બની રહેલા નવા નક્કોર રોડની છે. મોરબી રોડથી જામનગર રોડ ન્યારા ગામ પાસે નીકળતા રોડ પર બ્રિજનું કામ અધવચ્ચે જ અટકી પડ્યું છે. જાન્યુઆરી 2022માં એમ્પલ નામની એજન્સીને કામ અપાયું હતું. જેની પૂર્ણ કરવાની સમયમર્યાદા ઓક્ટોબર 2022 હતી. પરંતુ હજુ સુધી આ કામગીરી માંડ 50 ટકા થઈ છે. ટલ્લે ચઢેલી કામીગીરને કારણે લોકો પણ પરેશાન છે.
આ પણ વાંચો : ફરી એકવાર ચડ્ડી બનિયાન ગેંગનો આતંક, 4 કારખાના સહિત 6 સ્થળે 2.17 લાખની રોકડ સહિતની ચોરી, જુઓ CCTV Video
એવી ચર્ચા છે કે, કોન્ટ્રાક્ટ એજન્સીને ભ્રષ્ટાચાર કરવાની તક ન મળતા બ્રિજનું કામ અટકી પડ્યું છે. વળી પ્રથમ તબક્કામાં નબળી ગુણવત્તાનું કામ થતું હોવાનું પણ સામે આવ્યું હતું. આ કંપનીએ સૌથી ઓછા ભાવ આપીને ટેન્ડર મેળવ્યું હતું. હવે કંપની લેબર ન મળતું હોવાના બહાના બતાવે છે. મનપાએ કંપનીને પહેલા પણ 10 ટકા પેનલ્ટી ફટકારી હતી. જો કે, હજુ સુધી સવા પાંચ કરોડના ખર્ચે અપાયેલું આ કામ આમ જ અટકી પડ્યું છે.
