દિલ્હીથી વડોદરા આવતા વિમાનમાં બૉમ્બ હોવાની અફવાથી દોડધામ મચી ગઇ હતી. એર ઇન્ડિયા ફ્લાઈટ AI-819 માં બૉમ્બ હોવાની અફવા ફેલાઇ હતી. આ અફવા ફેલાતા NSG કમાન્ડો, CISF, તેમજ સ્થાનીક પોલીસ બૉમ્બ સ્ક્વોડ સાથે તંત્ર દોડતું થયું હતુ. યાત્રીના જણાવ્યા અનુસાર 10 કિલોમીટર દૂર ફ્લાઈટને ગ્રાઉન્ડ કરવામાં આવી હતી.
ફ્લાઈટમાં મુસાફરી કરી રહેલા મુસાફરે આ વીડિયો બનાવ્યો હતો. AI- 819 ના યાત્રીઓને દોઢ કલાક ફ્લાઈટમાં બેસાડી રાખવામાં આવ્યા હતા.મોડી રાત સુધી ચેકીંગ બાદ બૉમ્બ ના મળતા તંત્ર અને યાત્રીઓએ રાહત મળી. AI – 819 ફ્લાઈટમાં 180 યાત્રી વડોદરા આવવા સવાર થયા હતા.બૉમ્બ હોવાની માહિતીથી કેન્સલ થયેલી ફ્લાઈટ આજે દિલ્હીથી વડોદરા આવવા પ્રસ્થાન કરી છે.