ભરૂચ : વાહન ચેકીંગ દરમિયાન રૂપિયા 500 જેવી દેખાતી નકલી ચલણની 5000 નોટ ઝડપાઈ, બે લોકોની ધરપકડ કરી પૂછપરછ શરૂ કરાઈ
ભરૂચ ક્રાઇમ બ્રાન્ચે હિસ્ટ્રીશીટરને રૂપિયા 500 જેવી દેખાતી 5000 નકલી નોટ સાથે ઝડપી પાડ્યા છે. ઝડપાયેલ આરોપીની પોલીસે પૂછપરછ શરૂ કરી ક્યાં કાવતરાના ભાગરૂપે આ નકલી પૈસાના બંડલ રાખવામાં આવ્યા હતા તે અંગે પૂછપરછ શરૂ કરી છે.
ભરૂચ : ક્રાઇમ બ્રાન્ચે હિસ્ટ્રીશીટરને રૂપિયા 500 જેવી દેખાતી 5000 નકલી નોટ સાથે ઝડપી પાડ્યા છે. ઝડપાયેલ આરોપીની પોલીસે પૂછપરછ શરૂ કરી ક્યાં કાવતરાના ભાગરૂપે આ નકલી પૈસાના બંડલ રાખવામાં આવ્યા હતા તે અંગે પૂછપરછ શરૂ કરી છે. બનાવ સંદર્ભે અંક્લેશ્વર શહેર “બી” ડીવીઝન પોલીસે તપાસ હાથ ધરી છે.
ભરૂચ ક્રાઇમ બ્રાન્ચે બે લોકોની ધરપકડ કરી
અંકલેશ્વર શહેર બી ડિવિઝન પોલીસ સ્ટેશનની કસ્ટડીમાં રાખવામાં આવેલા આ બે શખ્શોએ પોલીસને મૂંઝવણમાં મૂકી છે. 65 વર્ષીય નઝીરભાઇ હુસેનભાઇ મલેક અને 61 વર્ષીય ધનસુખભાઇ ચીમનલાલ વૈધ અંકલેશ્વર નજીકથી કારમાં પસાર થતા શંકાસ્પદ હાલતમાં ભરૂચ ક્રાઇમ બ્રાન્ચના સબ ઇન્સ્પેકટર એમ એમ રાઠોડની ટીમને મળી આવ્યા હતા. બંને જે કારમાં જતા હતા તે કારને અટકાવી તલાસી લેવામાં આવતા કારમાંથી રૂપિયા 500 જેવી દેખાતી નકલી ચલણના 50 બંડલમાં 5000 નોટ મળી આવી હતી જેની ઉપર ચિલ્ડ્રન બેંક ઓફ ઇન્ડિયા લખેલું હતું. આટલી મોટી સંખ્યામાં ચલણ જેવી દેખાતી નકલી નોટના બંડલોએ પોલીસને મૂંઝવણમાં મૂકી હતી. કારમાં સવાર બંને લોકો વિશે ઊંડાણપૂર્વકની તપાસ કરવામાં આવતા હિસ્ટ્રીશીટર ગુનેગાર હોવાનું પ્રકાશમાં આવ્યું હતું. આ મામલો કોઈ સામાન્ય બાબત નહીં પણ ગુનાહિત કાવતરાનો ભાગ હોવાની પોલીસને પ્રબળ શંકા થઇ હતી. બંનેની અટકાયત કરી પૂછપરછ શરૂ કરાઈ છે.
વાહન ચેકીંગ દરમિયાન શંકાસ્પદ નોટો મળી આવી
પોલીસ મહાનિરીક્ષક સંદિપ સિંહ તથા ભરૂચ જીલ્લા પોલીસ અધિક્ષક મયુર ચાવડાએ ભરૂચ જીલ્લામાં બનતા મિલકત સંબંધી તથા વાહન ચોરીના ગુનાઓ અટકાવવા તેમજ વણ શોધાયેલ ગુનાઓ શોધી કાઢવા અસરકારક અને પરીણામલક્ષી કામગીરી કરવા સુચના આપી છે. ભરૂચ ક્રાઇમ બ્રાન્ચના પોલીસ ઇન્સપેક્ટર એમ.પી.વાળાના માર્ગદર્શન હેઠળ ઉપરી અધિકારીઓની સુચનાઓ મુજબ મિલકત સંબંધી તથા વાહન ચોરીના ગુનાઓ શોધી કાઢવા લોકલ ક્રાઇમ બ્રાંચની અલગ અલગ ટીમો બનાવી સઘન પ્રયત્નો હાથ ધરવામાં આવ્યા હતા. સબ ઇન્સ્પેકટર એમ.એમ.રાઠોડની ટીમને નેશનલ હાઇવે નંબર 48 ઉપર વાહન ચેકીંગમા દરમિયાન કાર નંબર HR-26-BS-9555 માં શંકાસ્પદ લોકો હોવાની માહિતી મળી હતી.
નકલી ચલણી નોટોના 50 બંડલ મળી આવ્યા
આ કાર આવતા તેને ઉભી રાખી ગાડીના આર.ટી.ઓના લગતા કાગળો માંગતા ચાલકે ગાડીના કાગળો રજુ કરેલ નહિ જેથી શંકાસ્પદ લાગતા ગાડીમાં ચેક કરતા ગાડીમાંથી ભારતીય ચલણી નોટો જેવી ચિલ્ડ્રન બેન્ક ઓફ ઇન્ડીયાની નોટોના બંડલ મળી આવ્યા હતા. શંકાસ્પદ જણાતા બન્ને ઇસમોને કાર સાથે અંક્લેશ્વર એલ.સી.બી. ઓફીસ ખાતે લાવી મળી આવેલ નકલી નોટો બબાતે વધુ પુછપરછ કરતા તેઓએ કબુલાત કરેલ કે, તે અલગ અલગ જગ્યાએ ફરી અજાણ્યા લોકોને વિશ્વાસમા લઇ અડધી કિંમતમાં ચલણી નોટના બંડલની લાલચ આપી તેમની પાસેના અસલ રૂપિયા લઇ તેમને બાળકોને રમવાની નોટો પધરાવી દઈ છેતરપીંડીના ગુના આચરવાની પેરવીમાં હોવાનું જણાવ્યું હતું.
બને અગાઉ છેતરપીંડીના આશરે પાંચથી છ ગુનામાં પકડાયેલ હોવાની હકીકત જણાવતા પોલીસ એલર્ટ બની હતી. બંને સામે વિવિધ કલમ મુજબ કાયદેસર કાર્યવાહી કરી અંક્લેશ્વર શહેર “બી” ડીવીઝન પો.સ્ટે. ખાતે સોપવામાં આવેલ છે.
ધરપકડ કરાયેલ આરોપીઓ
- નઝીરભાઇ હુસેનભાઇ મલેક ઉ.વ. ૬૫ રહે, મ.નં. ૨૩, ગ્રીન પાર્ક સોસાયટી, ૧૦૦ ફુટ રોડ આણંદ
- ધનસુખભાઇ ચીમનલાલ વૈધ ઉ.વ. ૬૧ રહે, એ/૪૦૪, શ્રવણગ્રીન એપાર્ટમેન્ટ રીધમ હોસ્પિટલ પાછળ સમા સાવલી રોડ વડોદરા
આરોપીઓને ઝડપી પાડવામાં પો.સ.ઇ. એમ.એમ.રાઠોડ સાથે એ.એસ.આઇ. ચંદ્રકાંત , અ.હે.કો. જયરાજભાઇ, અ.હે.કો. ધનંજયસિંહ, અ.હે.કો. સંજયભાઇ, અ.હે.કો. વર્ષાબેન તથા અ.પો.કો મનહરસિંહ, આ.પો.કો. મેહુલભાઇ, અ.પો.કો.. નિમેષભાઇ, વુ.અ.પો.કો. હીરલબેન એલ.સી.બી ભરૂચનાઓ દ્વારા ટીમવર્કથી કામગીરી કરી હતી.
આ પણ વાંચો : ચીન નહીં, પણ ભારત સાથે 1 અબજ ડોલરની ડીલ કરશે Sheikh Hasina, કારણ જાણીને થશે આશ્ચર્ય
![રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ](https://images.tv9gujarati.com/wp-content/uploads/2024/09/ratan-tata-invested-in-goodfellows-shantanu-naidu-startup.jpg?w=670&ar=16:9)
![જાણો કેમ પૂજામાં આસોપાલનના જ પાનનો થાય છે ઉપયોગ જાણો કેમ પૂજામાં આસોપાલનના જ પાનનો થાય છે ઉપયોગ](https://images.tv9gujarati.com/wp-content/uploads/2024/09/Ashok-Plant-News-6.jpg?w=670&ar=16:9)
![ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો. ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો.](https://images.tv9gujarati.com/wp-content/uploads/2024/09/ukadiche-modak-7.jpg?w=670&ar=16:9)
![ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે](https://images.tv9gujarati.com/wp-content/uploads/2024/09/car-dashboard.jpg?w=670&ar=16:9)
![ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત](https://images.tv9gujarati.com/wp-content/uploads/2024/09/water-10.jpg?w=670&ar=16:9)
![આજનું રાશિફળ તારીખ : 07-09-2024 આજનું રાશિફળ તારીખ : 07-09-2024](https://images.tv9gujarati.com/wp-content/uploads/2024/09/cropped-WEB-STORY-THUMBNAIL-2-3.jpg?w=670&ar=16:9)