ટેમ્પો ડ્રાઈવરના ખુલ્યા નસીબ: વેક્સિન લેવાનો ડબલ લાભ, AMC ના વેક્સિન લકી ડ્રોમાં મળ્યો iPhone
Ahmedabad: ડ્રાઈવરની નોકરી કરતા યુવાનને AMC ના વેક્સિનેશન લકી ડ્રોમાં આઈફોન મળતા ખુશી છવાઈ ગઈ છે. કિશન મકવાણાએ 1 થી 7 ડિસેમ્બર વચ્ચે બીજો ડોઝ લીધો હતો.
Ahmedabad: વર્તમાન સમયમાં છેતરપીંડીની ઘટનાઓ વ્યાપક બની છે. તો લકી ડ્રોમાં ઈનામ લાગે તો પણ લોકો છેતરામણી સ્કીમ સમજી નકારી દે છે. આવો જ એક કિસ્સો અમદાવાદમાં બન્યો છે. રસીકરણ (Vaccination) પ્રત્યે લોકો ઉત્સાહી બને તે માટે કોર્પોરેશને (AMC) લકી ડ્રો વિજેતાને આઈ ફોન (iPhone) આપવાની જાહેરાત કરી છે. આ રસીકરણમાં બહેરામપુરાના ટેમ્પો ચાલક (Tempo Driver) કિશન મકવાણા આઈફોનના વિજેતા બન્યા છે.
આ લકી ડ્રોમાં કિશન મકવાણાનું નામ ખુલતા કોર્પોરેશન દ્વારા તેમનો સંપર્ક કરવામાં આવ્યો હતો. આ સંપર્ક કરાયો ત્યારે કિશનને આ કોઈ છેતરપીંડી માટેનો કોલ લાગ્યો હતો. અને આમ ફ્રોડ કોલ સમજીને કોલને સમજી નકારી દિધો હતો. જ્યારે કોર્પોરેશના કર્મચારીઓ કિશન મકવાણાના ઘરે જઈ વાસ્તવિકતા જણાવી ત્યારે તેમને આશ્ચર્યનો પાર ના રહ્યો. આખરે મેયર હસ્તે કિશન મકવાણાને 70 હજારની કિંમતનો આઈફોન આપવામાં આવ્યો હતો.