Surat Video : પાંડેસરાની મીલમાં લાગી ભીષણ આગ, 3 કિલોમીટર સુધી ધુમાડાના ગોટે ગોટા જોવા મળ્યા

Surat News : રાજ્યમાં અવારનવાર આગ લાગવાની ઘટના બનતી હોય છે. ત્યારે ફરી એક વાર સુરતમાં આગ લાગવાની ઘટના બની છે. સુરતના પાંડેસરા વિસ્તારમાં આગ લાગવાની ઘટના બની હતી. સુરતના પાંડેસરાના અન્નપૂર્ણા મીલમાં આગ લાગી હતી. આશરે 3 કિલોમીટર દૂર સુધી આગના ધુમાડા દેખાયા હતા. જેના પગલે આસપાસના વિસ્તારોમાં અફરાતફરીનો માહોલ જોવા મળ્યો હતો.

ફાયર વિભાગની 4 ગાડી ઘટના સ્થળે

ધુમાડાના ગોટે ગોટા થતા સ્થાનિકોને શ્વાસ લેવામાં તકલીફ થઈ રહી હતી. ઘટનાની જાણ થતા જ ફાયર ફાઇટરની 4 ગાડીઓ ઘટના સ્થળે પહોંચી હતી. ફાયર વિભાગે ભારે જહેમત બાદ આગ પર કાબૂ મેળવ્યો છે. જો કે આ દુર્ઘટનામાં કોઈ પણ જાનહાનિના સમાચાર પ્રાપ્ત થયા નથી.