Gujarat Corona update : રાજ્યમાં કોરોનાના કેસમાં સતત વધારો, નવા 480 કેસ, એક્ટિવ કેસ વધીને 2749 થયા

Gujarat Corona update : રાજ્યમાં કોરોનાના નવા કેસ અને એક્ટિવ કેસોમાં સતત વધારો થઈ રહ્યો છે. 4 માર્ચ 2021ના દિવસે છેલ્લા 24 કલાકમાં રાજ્યમાં કોરોનાના નવા 480 કેસો નોંધાયા છે, આ સાથે આ સમયગાળામાં કોરોનાથી એક દર્દીનું મૃત્યુ થયું છે. 

આજે 4  માર્ચે રાજ્યના મહાનગરોમાં નોંધાયેલા કોરોનાના નવા કેસોની વાત કરીએ તો અમદાવાદમાં સૌથી વધુ 98, સુરતમાં 91, વડોદરામાં 80 અને રાજકોટમાં 45 નવા કેસ સામે આવ્યા છે. આજના દિવસે રાજ્યમાં 369 અને અત્યાર સુધીમાં 2,64,564 દર્દીઓ કોરોનાથી મુક્ત થઈ સાજા થયા છે. 

રાજ્યમાં કોરોનાના નવા કેસોની સાથે એક્ટિવ કેસોમાં પણ વધારો થઈ  રહ્યો છે. 4 માર્ચે રાજ્યમાં કોરોનામન એક્ટિવ કેસ 111 વધીને 2749 થયા છે, જે ગત દિવસે 3  માર્ચે  2638 હતા.