Amreli: આ તે કેવો વરસાદ! પાણીના પ્રવાહમાં 1 મીની ટ્રેક્ટર અને 4 બાઈક તણાયા, જુઓ VIDEO
Amreli Rainfall : વરસાદ માંડ પા પા પગલી ભરી રહ્યો છે, ત્યારે અમરેલીના આંબરડીમાં એવો વરસાદ જામ્યો કે 1 મીની ટ્રેકટર અને 4 બાઈક પાણીના ઘસમસતા પ્રવાહમાં તણાયા હતા.
Amreli: ગુજરાતમાં ધીમે ધીમે વરસાદનું આગમન થઈ રહ્યુ છે. જેને લઈને રાજ્યના મોટાભાગના વિસ્તારોમાં વરસાદી માહોલ જોવા મળી રહ્યો છે તો ક્યાંક નોંધપાત્ર વરસાદ વરસી ગયાના પણ સમાચાર સામે આવી રહ્યા છે. પરંતુ હજુ તો વરસાદ માંડ પા પા પગલી ભરી રહ્યો છે, ત્યારે અમરેલીના આંબરડીમાં એવો વરસાદ જામ્યો કે 1 મીની ટ્રેકટર અને 4 બાઈક પાણીના ઘસમસતા પ્રવાહમાં તણાયા હતા.
સાવરકુંડલાના આંબરડીમાં અનરાધાર વરસાદ પડવાના લીધે ગામના મુખ્ય બજારમાં જાણે ઘોડાપૂર આવ્યું હોય તેવા દ્રશ્યો સર્જાયા હતા. પાણીના ધસમસતા પ્રવાહમાં 1 મીની ટ્રેક્ટર અને 4 બાઈક પણ તણાયા હતા, જેથી અંદાજો લગાવી શકાય છે કે વરસાદ કેટલો વરસ્યો હશે.
મળતી માહિતી મુજબ ગામના મુખ્ય બજારમાં આવેલી SBI બેન્કના મકાનમાં પણ પાણી ઘૂસી ગયા હતા. બપોરના 2થી 3 વાગ્યા સુધીમાં તો 4થી 5 ઈંચ વરસાદ વરસી ગયો હતો. જેને લઈને ઘોડાપૂર જેવી સ્થિતિ સર્જાઈ હતી.
આ પણ વાંચો : Coronavirus : શા માટે ઘણા લોકોની તબિયત કોરોનાથી વધારે ખરાબ થાય છે? વૈજ્ઞાનિકોએ શોધ્યું તેનું કારણ
