Trending Video : ગુરુ શિષ્યના સંબંધો શરમસાર ! વિદ્યાર્થીનીઓ સાથે ડેમમાં નગ્ન નહાતો ઝડપાયો આચાર્ય, વીડિયો વાયરલ થતાં હોબાળો

રાજસ્થાનના અલવર જિલ્લામાંથી એક સનસનાટીભરી ઘટના સામે આવી છે. જેણે શિક્ષણ જગતને શરમજનક બનાવ્યું છે. થાનાગાઝી સબડિવિઝનમાં આવેલી પધકછાપલીની સરકારી ઉચ્ચતર માધ્યમિક શાળાના આચાર્યનો એક ખૂબ જ વાંધાજનક વીડિયો સોશિયલ મીડિયા પર વાયરલ થયો છે. જેના કારણે હંગામો મચી ગયો છે. વાયરલ વીડિયોમાં, આચાર્ય ધોરણ 9થી 12 ની છોકરીઓ સાથે ડેમના પાણીમાં નગ્ન સ્નાન કરતા અને મસ્તી કરતા જોવા મળે છે.

આ શરમજનક ઘટનાથી ગ્રામજનો અને વાલીઓમાં ભારે રોષ ફેલાયો છે. સૂત્રો અનુસાર, 15 ઓગસ્ટના રોજ સ્વતંત્રતા દિવસની ઉજવણી પછી, શાળાના આચાર્યએ વિદ્યાર્થીઓને સફર અને સ્વિમિંગ શીખવાનું વચન આપીને લલચાવ્યું હતું. ત્યારબાદ તે વિદ્યાર્થીઓને જંગલમાંથી લગભગ બે કિલોમીટર દૂર આવેલા ભાડજ ડેમ પર લઈ ગયો હતો. ડેમમાં લઈ જવામાં બાળકોમાં ધોરણ 9થી 12ની આશરે 20થી 25 વિદ્યાર્થીનીઓનો સમાવેશ હતો.

અનેક અકસ્માતના કારણે 4 વર્ષથી પ્રતિબંધિત છે ભાડજ ડેમ

આરોપો છે કે બાળકોને લાઇફ જેકેટ અથવા પૂરતા સલામતીના પગલાં વિના પાણીમાં જવાની ફરજ પાડવામાં આવી હતી, જોકે તેમાંથી ઘણાને બાળકોને તરવાનું આવડતું પણ નહોતું. ગ્રામજનો અને સ્થાનિક વહીવટીતંત્રના જણાવ્યા મુજબ, ભાડજ ડેમનો બંધ ફક્ત 5થી 6 ફૂટ પહોળો છે અને ઊંડાઈને કારણે ભૂતકાળમાં ઘણી દુ:ખદ ડૂબવાની ઘટનાઓ બની છે. સલામતીના કારણોસર, વહીવટીતંત્રે છેલ્લા ચાર વર્ષથી જાહેર પ્રવેશ પર સંપૂર્ણ પ્રતિબંધ લાદ્યો છે. આમ છતાં જવાબદાર પદ ધરાવતા આચાર્યએ નિયમોની અવગણના કરી અને વિદ્યાર્થીનીઓને આવા ખતરનાક અને પ્રતિબંધિત સ્થળે લઈ ગયો જેનાથી સુરક્ષા વ્યવસ્થા પર ગંભીર પ્રશ્નો ઉભા થયા છે.

પોલીસ અને શિક્ષણ વિભાગે શરૂ કરી તપાસ

સોશિયલ મીડિયા પર વીડિયો વાયરલ થતાં જ, મોટી સંખ્યામાં ગુસ્સે ભરાયેલા ગ્રામજનો અને વાલીઓ શાળામાં દોડી ગયા અને હોબાળો મચાવ્યો. માહિતી મળતાં જ સ્થાનિક પોલીસ દળ ઘટનાસ્થળે પહોંચી ગયું. થાનાગાઝી પોલીસ સ્ટેશનના ઇન્ચાર્જ રાજકુમાર મીણાએ જણાવ્યું કે પોલીસ ઘટનાસ્થળે પહોંચી અને આચાર્યનું નિવેદન નોંધ્યું. જોકે, હજુ સુધી કોઈ વિદ્યાર્થી, વિદ્યાર્થીની કે વાલી તરફથી કોઈ લેખિત ફરિયાદ મળી નથી. પોલીસ વીડિયોના આધારે આ મામલાની સંપૂર્ણ તપાસ કરી રહી છે. મુખ્ય બ્લોક શિક્ષણ અધિકારી શકુંતલા યાદવે જણાવ્યું કે છોકરીઓ, આચાર્ય અને વાલી પાસેથી પ્રાથમિક માહિતી એકઠી કરવામાં આવી છે. સમગ્ર મામલાની નિષ્પક્ષ તપાસ કરવા માટે એક ખાસ વિભાગીય ટીમની રચના કરવામાં આવી છે, જેના આધારે આગળની વિભાગીય કાર્યવાહી કરવામાં આવશે.

નોંધ : આ સ્ટોરી સોશિયલ મીડિયા પર કરવામાં આવેલી એક પોસ્ટ પર આધારિત છે. તેની TV9 ગુજરાતી દ્વારા સ્વતંત્ર રીતે ચકાસણી કરવામાં આવી નથી.

આ પણ વાંચો, Trending Video : બ્રેડ ખાવાથી ખરેખર કેન્સર થાય છે? વાયરલ દાવામાં કેટલું સત્ય છે ! જાણો