આ વ્યક્તિ એક સાથે વગાડી શકે છે 14 Instruments, વિશ્વાસ ન આવતો હોય તો જુઓ Viral Video
વાયરલ વીડિયોમાં એક વ્યક્તિ એક સાથે 14 ઈન્સ્ટ્રુમેન્ટ વગાડતો જોવા મળશે છે. વીડિયોમાં દાવો કરવામાં આવ્યો છે કે ભારતમાં આવી પ્રતિભા અનોખી છે.
ભારતમાં પ્રતિભાની કોઈ કમી નથી. સોશિયલ મીડિયા પર વાયરલ થઈ રહેલા વીડિયો આનો પુરાવો છે. હાલમાં જ સોશિયલ મીડિયા પર એક વીડિયો વાયરલ થયો છે, જેમાં ગ્લેડસન પીટર નામનો વ્યક્તિ એક સાથે 14 સંગીતના સાધનો વગાડતો જોવા મળે છે, જ્યારે નવાઈની વાત એ છે કે ક્ષય રોગના કારણે તેના ફેફસાંની ક્ષમતા માત્ર 40 ટકા જ રહી ગઈ છે. એક સાથે ઘણા વાદ્યો વગાડી શકે છે.
આ પણ વાચો: Viral Video: ઘોડી પર નહીં પણ ડોલીમાં લગ્ન કરવા પહોંચ્યો વરરાજા, તમે પણ જોવો આ ખાસ એન્ટ્રીનો વીડિયો
આ વ્યક્તિ પાસે 49 સંગીતના સાધનો વગાડવામાં નિપુણતા છે અને તે તેમાંથી 14 એક સાથે વગાડી શકે છે. તેમની તબિયત ખરાબ હોવા છતા, તેઓ સંગીત પ્રત્યેના તેમના જુસ્સાને છોડતા નથી અને પ્રેક્ટિસ કરવાનું ચાલુ રાખે છે.
View this post on Instagram
પીટર તેની પ્રતિભાના બળ પર ગિનીસ વર્લ્ડ રેકોર્ડ હાંસલ કરવાની આશા રાખે છે અને દાવો કરે છે કે તે ભારતમાં એકમાત્ર કલાકાર છે, જે એક સાથે 14 વાદ્યો વગાડી શકે છે. વીડિયોમાં આ વ્યક્તિની અનોખી પ્રતિભા જોઈને સોશિયલ મીડિયા યુઝર્સ દંગ રહી ગયા છે અને તેના જોરદાર વખાણ પણ કરી રહ્યા છે.
વીડિયો જોઈને લોકો આશ્ચર્યચકિત થઈ ગયા
પીટરનો આ રસપ્રદ અને પ્રેરણાદાયી વીડિયો એકસાથે 14 વાજિંત્રો વગાડતો ટ્રાવેલ બ્લોગર શેનાઝ ટ્રેઝરીએ તેના ઓફિશિયલ ઈન્સ્ટાગ્રામ પેજ પર શેર કર્યો છે અને તે વીડિયોમાં પીટર સાથે પણ જોવા મળી રહી છે. વીડિયોમાં પીટર હાથમાં ગિટાર પકડીને સ્લાઈડ વ્હિસલ અને હાર્મોનિકા વગાડતો જોવા મળે છે.
સાથે જ ઢોલ વગાડવા માટે તેણે પગમાં તાર પણ બાંધ્યો છે. વીડિયોના કેપ્શનમાં લખ્યું છે કે, આ વ્યક્તિ પાસે માત્ર એક જ ફેફસાં છે અને તે આ બધાં સાધનો વગાડે છે (માત્ર 40 ટકા ફેફસાંની ક્ષમતાવાળા પવનનાં સાધનો સહિત) હું ખૂબ જ પ્રેરિત છું! શું તમે? તે એક સાથે 49 વગાડે છે. કેટલો પ્રતિભાશાળી વ્યક્તિ છે.
