Viral Video: ક્રિસમસ લાઈટ્સથી શણગારેલી અદ્ભૂત ટ્રેન જોઈ લોકોને ‘હેરી પોટર’નો સીન આવ્યો યાદ
આ અદભૂત વીડિયો IAS અધિકારી ડૉ. એમ.વી. રાવે તેમના ટ્વિટર હેન્ડલ પર શેર કર્યો છે જે હાલ સોશિયલ મીડિયામાં વાયરલ થઈ રહ્યો છે ત્યારે વીડિયોના કેપ્શનમાં લખ્યું છે, 'ક્રિસમસ લાઇટ્સથી શણગારેલી સ્ટીમ એન્જિન ટ્રેન'.
આજે નાતાલનો દિવસ છે. આ ખાસ તહેવાર સમગ્ર વિશ્વમાં ખૂબ જ ધામધૂમથી ઉજવવામાં આવે છે. જેવી રીતે ભારતમાં દિવાળીનો તહેવાર ખૂબ જ હર્ષોલ્લાસથી ઉજવવામાં આવે છે, તેવી જ રીતે નાતાલ પણ ઉજવવામાં આવે છે. આ દિવસે તેઓ ખાસ કરીને ક્રિસમસ ટ્રીને શણગારે છે અને સમયે ઘર વગેરેને રોશનીથી શણગારે છે. માત્ર ઘર જ નહીં પણ રેસ્ટોરન્ટ વગેરે પણ શણગારવામાં આવે છે.
જો કે સોશિયલ મીડિયા (Social Media) પર દરરોજ ઘણા બધા વીડિયો વાઈરલ (Viral Videos) થાય છે, પરંતુ આ ખાસ અવસર પર એક ખૂબ જ શાનદાર વીડિયો વાયરલ થઈ રહ્યો છે, જેમાં એક ટ્રેન સંપૂર્ણપણે ક્રિસમસ લાઈટોથી શણગારેલી છે. લોકોને આ ‘અદ્ભુત’ નજારો (Amazing Viral Videos) ખૂબ જ પસંદ આવી રહ્યો છે.
વાયરલ થઈ રહેલા વીડિયોમાં તમે જોઈ શકો છો કે એક ટ્રેન પહેલાથી જ ટ્રેક પર ઉભી છે અને બાજુના ટ્રેક પર એક ટ્રેન આવી રહી છે, જેને જોઈને એવું લાગે છે કે જાણે તે ટ્રેનમાં આગ લાગી હોય અને તે રોકાયા વગર જ સળગી રહી હોય. તે આગળ વધી રહી છે. હકીકતમાં ટ્રેન એક સ્ટીમ એન્જિનવાળી ટ્રેન છે, જે સંપૂર્ણ રીતે ક્રિસમસ લાઇટ્સ (Christmas lights)થી શણગારેલી છે અને તેથી જ ટ્રેનને જોતા એવું લાગે છે કે તેમાં આગ લાગી છે અને ધુમાડો નીકળી રહ્યો છે.
A steam engine train decorated with Christmas lights
Hampshire, UK
📽️ Web @pareekhjain pic.twitter.com/Vz3Kyl46IN
— Dr. M V Rao, IAS (@mvraoforindia) December 24, 2021
આ અદભૂત વીડિયો IAS અધિકારી ડૉ. એમ.વી. રાવે તેમના ટ્વિટર (Twitter) હેન્ડલ પર શેર કર્યો છે અને કેપ્શનમાં લખ્યું છે, ‘ક્રિસમસ લાઇટ્સથી શણગારેલી સ્ટીમ એન્જિન ટ્રેન’. તેમણે કેપ્શન દ્વારા એ પણ જણાવ્યું છે કે તેમના મતે આ અદભૂત નજારો યુકેના હેમ્પશાયરનો છે.
ડૉ.એમવી રાવ દ્વારા શેર કરવામાં આવેલો આ વીડિયો અત્યાર સુધીમાં 3 હજારથી વધુ વખત જોવામાં આવ્યો છે, જ્યારે ઘણા લોકોએ આ વીડિયોને લાઈક પણ કર્યો છે. ત્યારે ઘણા લોકોએ આ વીડિયો પર શાનદાર કમેન્ટ્સ પણ કરી છે. એક યુઝરે લખ્યું છે, ‘સર ખૂબ જ સુંદર’, જ્યારે બીજા યુઝરે લખ્યું છે, ‘ખૂબ સરસ! અદ્ભુત’. તેવી જ રીતે અન્ય એક યુઝરે કોમેન્ટ કરી છે કે, ‘મને લાગ્યું કે તે હેરી પોટરનો સીન છે’.
આ પણ વાંચો: Christmas 2021: ક્રિસમસ ટ્રીના ઇતિહાસથી લઈને આધુનિક સાન્તા સુધી, જાણો નાતાલના તહેવારની રસપ્રદ વાતો
