એક સમય હતો. જ્યારે લોકો ગમે ત્યાં જવા માટે ઘોડાગાડી (Horse-drawn carriage) કે બળદગાડાનો (Bullock carts) ઉપયોગ કરતા હતા, પરંતુ આજના સમયમાં બજારમાં આવા એક કરતાં વધુ વાહનો આવી ગયા છે. જે આંખના પલકારામાં રસ્તાઓ પર દોડી જાય છે. જો કે, પહેલા અને આજના વાહનોમાં સૌથી સામાન્ય જોવા મળતું એક વ્હીલ છે. અગાઉ ઘોડાગાડા અને બળદગાડામાં પણ તેનો ઉપયોગ થતો હતો અને આજે પણ તેના વિના કામ થઈ શકતું નથી. મોટા એરોપ્લેન પણ પૈડાં અને ટાયર વગર ચાલતા નથી. જો કે, તમે ટ્રેક્ટરના ટાયર તો જોયા જ હશે કે તે કેટલા મોટા હોય છે, પરંતુ આજકાલ સોશિયલ મીડિયા પર એક વીડિયો વાયરલ (Viral Video) થઈ રહ્યો છે, જેણે બધાને આશ્ચર્યમાં મૂકી દીધા છે.
આ વીડિયોમાં એક ટ્રક પર વિશાળકાય ટાયર દેખાય છે. હવે લોકો આટલું મોટું ટાયર જોઈને આશ્ચર્યચકિત થઈ ગયા છે કે તેનો ઉપયોગ ક્યાં થતો હશે. વીડિયોમાં તમે જોઈ શકો છો કે એક ટ્રક રોડ પર તેની સ્પીડ પકડી રહી છે. તેના પર મોટા ટાયર ચઢાવવામાં આવ્યા છે. તે એટલા મોટા છે કે તેને જોયા પછી સમજાતું નથી કે આ ટાયર કઈ કારના હશે. ટાયરની વિશાળતા જોઈને લોકો આશ્ચર્ય અને મૂંઝવણમાં પણ છે. આ વીડિયો રસ્તામાં જતી એક વ્યક્તિએ પોતાના મોબાઈલ કેમેરાથી શૂટ કર્યો છે, જે સોશિયલ મીડિયા પર વાયરલ થયો છે.
આ ચોંકાવનારો વીડિયો (Shocking Video) સોશિયલ મીડિયા પ્લેટફોર્મ ઈન્સ્ટાગ્રામ પર bviralreels આઈડી નામ સાથે શેર કરવામાં આવ્યો છે અને કેપ્શનમાં લખ્યું છે, ‘આ ટાયર લગાવેલા ટ્રકનો અંદાજ લગાવો’. માત્ર 7 સેકન્ડના આ વીડિયોને અત્યાર સુધીમાં 28 લાખ 62 હજારથી વધુ વ્યૂઝ મળી ચૂક્યા છે, જ્યારે હજારો લોકોએ વીડિયોને લાઈક પણ કર્યો છે.
લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. એક યુઝરે લખ્યું છે કે, ટાયર સંપૂર્ણ રીતે ઢીલા છે, તેને ટ્રકમાં ક્યાંય બાંધવામાં આવ્યા નથી, તેથી તે રસ્તા પર ગમે ત્યાં પડી શકે છે. તે ખૂબ જ ખતરનાક બની શકે છે. એ જ રીતે, અન્ય યુઝરે કોમેન્ટ કરી છે કે, આ ‘મોન્સ્ટર ટ્રક’નું વ્હીલ હોવું જોઈએ.