Viral Video : ચૂલા વગર બની Omelette, ઉનાળાની કાળઝાળ ગરમીનો આવો વીડિયો તમે નહિ જોયો હોય
Man Cook Egg Without Stove : સોશિયલ મીડિયા પર એક વીડિયો વાયરલ થઈ રહ્યો છે, જેમાં એક બ્લોગર સ્ટવ અને આગની મદદ વગર પેનમાં આમલેટ બનાવતો જોવા મળી રહ્યો છે.
Man Makes Omelette Without Fire : છેલ્લા કેટલાક દિવસોથી હવામાન એ રીતે બદલાયું છે કે, દેશના કેટલાક ભાગોમાં લોકો તીવ્ર ગરમીનો સામનો કરી રહ્યા છે. દિલ્હી-એનસીઆરથી લઈને યુપી-બિહાર સુધી કાળઝાળ ગરમીને કારણે અહીંના લોકોની હાલત કફોડી છે. સ્થિતિ એવી છે કે કાળઝાળ ગરમી વચ્ચે કેટલાક લોકો સ્ટવ વગર પણ આમલેટ બનાવતા જોવા મળે છે. હવે સોશિયલ મીડિયા પર પણ તેની ચર્ચા થઈ રહી છે. વીડિયોમાં એક વ્યક્તિ એ કહેવાનો પ્રયાસ કરી રહ્યો છે કે તેના વિસ્તારમાં ગરમી કેટલી તબાહી મચાવી રહી છે.
આ પણ વાંચો : Viral Video: પોલીસકર્મીઓ જઈ રહ્યા હતા હેલ્મેટ પહેર્યા વિના, બે યુવતીઓએ સ્કૂટીથી કર્યો પીછો, જાણો પછી શું થયું
પશ્ચિમ બંગાળમાં પણ લોકો હીટવેવ સામે ઝઝૂમી રહ્યા છે. રિપોર્ટ અનુસાર અહીં તાપમાન 40 ડિગ્રી સેલ્સિયસ સુધી પહોંચી ગયું છે. લોકોને ઘરની બહાર નીકળવું મુશ્કેલ બન્યું છે. રાજ્ય સરકારે એક સપ્તાહ માટે તમામ શાળા-કોલેજો બંધ રાખવાની જાહેરાત કરી છે. આ દરમિયાન પશ્ચિમ બંગાળના એક વ્યક્તિએ ઘરે એક પ્રયોગ કર્યો, જે દર્શાવે છે કે અહીં હવામાન કેટલું ગરમ છે. વાયરલ ક્લિપમાં, બ્લોગર પુચુ બાબુ ઘરની છત પર સ્ટવ વગર પેનમાં આમલેટ બનાવતા જોવા મળે છે.
અહીં જુઓ, માણસે સ્ટવ વગર આમલેટ બનાવ્યું
વીડિયોમાં જોઈ શકાય છે કે બ્લોગર ટેરેસની રેલિંગ પર પેન રાખે છે. થોડી જ વારમાં તપેલી એટલી ગરમ થઈ જાય છે કે તેમાં ઈંડું ફોડતાંની સાથે જ આમલેટ બની જાય છે. વીડિયોના અંતે, તમે બ્લોગરને આમલેટ ખાતા જોઈ શકો છો.
આ વીડિયો ફેસબુક પર @puchubabuchandrani નામના એકાઉન્ટથી શેર કરવામાં આવ્યો છે. બ્લોગર પુચુ બાબુએ કેપ્શનમાં લખ્યું છે કે, જુઓ કેવી રીતે 46 ડિગ્રી તાપમાનમાં ટેરેસ પર આમલેટ બને છે. 3 મિનિટ 42 સેકન્ડના આ વીડિયોને અત્યાર સુધીમાં 18 લાખથી વધુ વખત જોવામાં આવ્યો છે, જ્યારે 42 હજાર લોકોએ લાઈક કર્યો છે અને લગભગ 1.5 હજાર લોકોએ કોમેન્ટ કરી છે.
ટ્રેડિંગ સમાચાર ગુજરાતીમાં વાંચો tv9gujarati.com પર
વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…
