દહીં હાંડી ફોડવામાં શખ્સને વળી ગયો પરસેવો, લોકોએ કહ્યું ‘આ માટલું બનાવવારને આપો રોડનો કોન્ટ્રાક્ટ’
આજકાલ સોશિયલ મીડિયા પર એક વીડિયો વાયરલ (Viral Video)થઈ રહ્યો છે, જેમાં દહીંહાંડી તોડવામાં શખ્સને પરસેવો છૂટી ગયો છે, પરંતુ તેમ છતાં તે તૂટતી નથી. ત્યારે લોકોએ આ વીડિયો પર પોતાની પ્રતિક્રિયા આપી છે.
કૃષ્ણ જન્માષ્ટમી (janmashtami)નો તહેવાર દેશભરમાં ધામધૂમથી ઉજવવામાં આવ્યો છે. આજકાલ આ તહેવાર માત્ર દેશ પૂરતો સીમિત નથી રહ્યો, પરંતુ વિશ્વના ઘણા દેશોમાં રહેતા લોકો પણ તેની ઉજવણી કરે છે. આ વખતે કેટલાક લોકોએ 18 ઓગસ્ટે તો કેટલાક લોકોએ 19 ઓગસ્ટે જન્માષ્ટમીની ઉજવણી કરી. દહીં હાંડી જન્માષ્ટમીના બીજા દિવસે ઉજવવામાં આવે છે. તે તો તમે જાણતા જ હશો. જો કે આ તહેવાર મહારાષ્ટ્ર અને ગુજરાતમાં સૌથી વધુ લોકપ્રિય છે, પરંતુ આજકાલ દરેક જગ્યાએ લોકો દહી હાંડીનો કાર્યક્રમ ઉજવતા જોવા મળે છે. જો કે દહીંહાંડી તોડવા માટે ત્રણ ચાન્સ આપવામાં આવે છે, પરંતુ આજકાલ સોશિયલ મીડિયા પર એક વીડિયો વાયરલ (Viral Video) થઈ રહ્યો છે, જેમાં દહીંહાંડી તોડવામાં લોકોનો પરસેવો છૂટી ગયો છે, પરંતુ તેમ છતાં તે ફુટતી નથી.
વીડિયોમાં તમે જોઈ શકો છો કે પહેલા એક યુવક હાંડી તોડવાનો પ્રયાસ કરે છે. તે હાંડી પર 4 વખત નાળિયેર મારે છે પણ હાંડી તૂટતી નથી. આ પછી, બીજો યુવક હાંડી ફોડવાનો પ્રયત્ન કરે છે તે નાળિયેરથી હાંડીને ઘણી વખત મારે છે પણ હાંડી એવી છે કે તે ફૂટતી નથી. તે હાંડી તોડવાની ખૂબ કોશિશ કરે છે, પરંતુ તે તૂટતી નથી. હવે સોશિયલ મીડિયા પર હાંડી તોડવાનો આ પ્રયાસ ખૂબ જ ઝડપથી વાયરલ થઈ રહ્યો છે.
ये अंबुजा सीमेंट है, विराट कॉम्प्रेसिव स्ट्रेंथ 😄#Govindas #Janmashtami#happyjanmashtamipic.twitter.com/UokU2g5a0u
— Gaurav Agrawal (@GauravAgrawaal) August 19, 2022
આ મજેદાર દહીં હાંડી ફોડવાનો પ્રયાસ ગૌરવ અગ્રવાલે સોશિયલ મીડિયા પ્લેટફોર્મ ટ્વીટર પર શેયર કર્યો છે અને કેપ્શનમાં લખ્યું છે ‘યે અંબુજા સિમેન્ટ હૈ, વિરાટ કોમ્પ્રેસિવ સ્ટ્રેન્થ’. માત્ર 30નો આ વીડિયો અત્યાર સુધીમાં 25 હજારથી વધુ વખત જોવામાં આવ્યો છે, જ્યારે લોકોએ વિવિધ પ્રકારની ફની પ્રતિક્રિયાઓ આપી છે. એક યુઝરે લખ્યું છે, ‘માટલું છે કે પથ્થર’ તો બીજા યુઝરે લખ્યું છે કે, ‘માથું ફૂટશે પણ માટલું નહીં ફૂટે’. તેવી જ રીતે અન્ય એક યુઝરે ફની કોમેન્ટ કરતા લખ્યું છે કે, ‘કુંભારે કોઈ ષડયંત્ર રચ્યું હોય તેવું લાગે છે’.
Latest News Updates
