લાખોની કિંમતવાળી કાર લઈ વેચે છે શાકભાજી, સોશિયલ મીડિયા પર ખુબ લોકપ્રિય છે આ ખેડૂત, જુઓ Video
દુનિયા કહે છે કે ખેતી કરવી સહેલી નથી. આ જોખમી કામ છે. હવામાન પરિસ્થિતિઓથી લઈને આફતો સુધીની ઘણી મુશ્કેલીઓ ઊભી થાય છે. પરંતુ એ પણ સાચું છે કે તકનીકી પ્રગતિએ ખેતીમાં પણ મોટી ક્રાંતિ લાવી છે. ખેડૂતો પણ સમજદારીપૂર્વક ખેતી કરીને સમૃદ્ધ બની રહ્યા છે. આ જ કારણ છે કે મોટી સંખ્યામાં શિક્ષિત યુવાનો આ ક્ષેત્રે ભારે રસથી આકર્ષાઈ રહ્યા છે.
ક્યારેક ટ્રેક્ટર પર, ક્યારેક ઓટો રિક્ષામાં તો ક્યારેક મોટરસાઈકલ પર સવારી કરતા જોવા મળતા ખેડૂતોનો જમાનો કદાચ ગયો, હવે લક્ઝરી કારમાં બેસીને બજારમાં પાક વેચવા આવતા ખેડૂતોનો યુગ આવી ગયો છે. વિશ્વાસ ન આવતો હોય તો જાણી લો કેરળના આ ખેડૂતની કહાની. આ ખેડૂતે પોતાની મહેનતના કારણે મોટી સફળતા મેળવી છે. કેરળનો આ ખેડૂત કોઈ સામાન્ય વાહનમાં નહીં પરંતુ તેની ઓડી A4માં આવે છે અને બજારમાં લીલા શાકભાજી વેચે છે.
દુનિયા કહે છે કે ખેતી કરવી સહેલી નથી. આ જોખમી કામ છે. હવામાન પરિસ્થિતિઓથી લઈને આફતો સુધીની ઘણી મુશ્કેલીઓ ઊભી થાય છે. પરંતુ એ પણ સાચું છે કે તકનીકી પ્રગતિએ ખેતીમાં પણ મોટી ક્રાંતિ લાવી છે. ખેડૂતો પણ સમજદારીપૂર્વક ખેતી કરીને સમૃદ્ધ બની રહ્યા છે. આ જ કારણ છે કે મોટી સંખ્યામાં શિક્ષિત યુવાનો આ ક્ષેત્રે ભારે રસથી આકર્ષાઈ રહ્યા છે.
આધુનિક ટેક્નોલોજી દ્વારા સફળતા પ્રાપ્ત કરી
ટાઈમ્સ ઓફ ઈન્ડિયામાં છપાયેલા સમાચાર મુજબ કેરળના આ ઓડીવાળા ખેડૂતનું નામ સુજીત છે. તેઓ એવા યુવા ખેડૂતોમાંના એક છે જેમણે ખેતીની આધુનિક અને તકનીકી રીતે અદ્યતન પદ્ધતિઓ અપનાવી અને આજે તેઓ તેમના ક્ષેત્રમાં સફળતાનું ઉદાહરણ બની ગયા છે. જ્યારે લોકો તેને રસ્તાના કિનારે Audi A4 જેવી લક્ઝુરિયસ કાર પાર્ક કરીને શાકભાજી વેચતા જુએ છે ત્યારે તેઓ દંગ રહી જાય છે.
View this post on Instagram
સુજીત પોતાના વિસ્તારમાં ખૂબ જ લોકપ્રિય છે. સુજીતની ઘણા સોશિયલ મીડિયા પ્લેટફોર્મ પર પ્રોફાઇલ છે. દરેક પ્રોફાઇલ પર તે તેના ખેતરો, પાક અને તેના કુશળ કારીગરોની તસવીરો શેર કરે છે. આવી સ્થિતિમાં તેમની લોકપ્રિયતા વધુ વધી છે. સુજીતે કહ્યું કે તેમના જેવા ઘણા યુવા ખેડૂતો આ દિવસોમાં કોર્પોરેટનો પ્રભાવ ઓછો કરીને તેમની સાહસિકતા બતાવી રહ્યા છે અને ઓર્ગેનિક ફાર્મિંગ જેવી તકનીકોનો ઉપયોગ કરી રહ્યા છે.
સોશિયલ મીડિયા પર લોકપ્રિય છે ખેડૂત
ઈન્સ્ટાગ્રામ પર સુજીતની ઘણી તસવીરો અને વીડિયો છે પરંતુ એક ખાસ વીડિયો વાયરલ થઈ રહ્યો છે, જેમાં તે ખેતરમાં પાક ઉગાડતો અને પછી તેને કારમાં લઈ જતા બતાવવામાં આવ્યો છે. વીડિયોમાં તે પોતાની ઓડીને માર્કેટમાં લઈ જતો જોવા મળી રહ્યો છે. આ પછી તેને પ્લાસ્ટીકની ચાદર બિછાવીને તેના પર શાકભાજી વેચવા માટે મુકતો બતાવવામાં આવ્યો છે. વીડિયોમાં આગળ બતાવવામાં આવ્યું છે કે ટૂંક સમયમાં તેનો તમામ માલ વેચાઈ જાય છે. બધી ઉપજ વેચ્યા પછી તે તેની ભવ્ય કારમાં જતો રહે છે.
મળતી માહિતી મુજબ, સુજીતે આ ઓડી સેકન્ડ હેન્ડ ખરીદી હતી. આ કારની પણ પોતાની ખાસિયત છે. Audi A4 માત્ર 7.1 સેકન્ડમાં 100 કિલોમીટર પ્રતિ કલાકની ઝડપ પકડી લે છે. નવી Audi A4 રૂ. 44 લાખથી રૂ. 52 લાખની કિંમતની રેન્જમાં ઉપલબ્ધ છે. જો કોઈ ખેડૂત તેને ખરીદીને તેની જાળવણી કરવાની હિંમત બતાવે તો તે ખેડૂતનો જુસ્સો સમજી શકાય છે.
વાયરલ અને ટ્રેન્ડિંગના તમામ સમાચાર વાંચવા માટે અહીં ક્લિક કરો
