Viral: રસ્તા પર એમ્બ્યુલન્સની પાછળ દોડતો નજર આવ્યો ઘોડો, કારણ જાણી થઈ જશો ભાવુક
વીડિયો આજકાલ ખૂબ જ વાયરલ થઈ રહ્યો છે, એક ઘોડાએ શું કર્યું છે તે જોઈને તમે ચોક્કસ વિચારમાં પડી જશો. વાસ્તવમાં ઘોડાનો જે વીડિયો (Horse Video) વાયરલ થઈ રહ્યો છે, તેમાં પણ આવો જ નજારો જોવા મળી રહ્યો છે.
સોશિયલ મીડિયા પર વિવિધ પ્રકારના વીડિયો અવારનવાર વાયરલ (Viral Videos) થતા હોય છે અને તેમાંના કેટલાક એવા હોય છે જે લોકોને આશ્ચર્યચકિત કરી દે છે, વિચારવા મજબુર કરી દે છે. આવો જ એક વીડિયો આજકાલ ખૂબ જ વાયરલ થઈ રહ્યો છે, એક ઘોડાએ શું કર્યું છે તે જોઈને તમે ચોક્કસ વિચારમાં પડી જશો. તમે જોયું જ હશે કે જો પરિવારમાં કોઈ બીમાર પડે છે તો પરિવારના બાકીના સભ્યો કેવી રીતે પરેશાન થઈ જાય છે અને જો કોઈને દવાખાને લઈ જવાની વાત આવે છે તો પરિવારના તમામ લોકો બીમાર વ્યક્તિ સાથે હોસ્પિટલમાં જાય છે. પરંતુ શું તમે ક્યારેય પ્રાણીઓમાં આવું કંઈ જોયું છે? વાસ્તવમાં ઘોડાનો જે વીડિયો (Horse Video) વાયરલ થઈ રહ્યો છે, તેમાં પણ આવો જ નજારો જોવા મળી રહ્યો છે.
વીડિયોમાં તમે રસ્તા પર દોડતી એમ્બ્યુલન્સની પાછળ દોડતો ઘોડો જોઈ શકો છો. ખરેખર, તે તેની બીમાર બહેન સાથે હોસ્પિટલ જઈ રહ્યો છે. મામલો એવો છે કે એક ઘોડીની તબિયત લથડી હતી. આવી સ્થિતિમાં, ડૉક્ટરો તેને એમ્બ્યુલન્સમાં મૂકીને ઉદયપુરની પશુ ચિકિત્સા હોસ્પિટલમાં લઈ જઈ રહ્યા હતા.
આ દરમિયાન એક ઘોડો પણ એમ્બ્યુલન્સની પાછળ દોડતો જોવા મળ્યો હતો અને લગભગ 5 માઈલનું અંતર કાપીને હોસ્પિટલ પહોંચ્યો હતો. જો કે, સૌથી સારી વાત એ હતી કે ઘોડી સાજી થાય ત્યાં સુધી હોસ્પિટલે બંનેને સાથે રાખ્યા હતા. હવે તમે સમજી શકો છો કે પ્રાણીઓમાં માણસો કરતાં ઓછી લાગણીઓ હોતી નથી.
This horse ran behind the ambulance taking his sick sister to the veterinary hospital in Udaipur, India. Hospital kept both of them together until the mare recovered. And we think animals have lesser feelings than us … (Via Channa Prakash) pic.twitter.com/sgV11DAglE
— Susanta Nanda IFS (@susantananda3) April 2, 2022
આ હૃદયસ્પર્શી વીડિયો IFS ઓફિસર સુસાંત નંદાએ પોતાના ટ્વિટર હેન્ડલ પર શેર કર્યો છે અને ઘોડા વિશે માહિતી આપી છે. માત્ર 23 સેકન્ડના આ વીડિયોને અત્યાર સુધીમાં 1 લાખ 74 હજારથી વધુ વ્યૂઝ મળી ચૂક્યા છે, જ્યારે 13 હજારથી વધુ લોકોએ વીડિયોને લાઈક પણ કર્યો છે.
તે જ સમયે, લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. એક યુઝરે લખ્યું છે કે પ્રાણીઓને આપણા કરતા વધુ લાગણીઓ હોય છે, જ્યારે બીજા યુઝરે લખ્યું છે કે, ‘પ્રાણીઓમાં વધુ સારી લાગણી હોય છે અને કોઈની મદદ કરવી સન્માનની વાત છે’.
આ પણ વાંચો: જો બાઈડને વ્લાદિમીર પુતિનને ‘ક્રૂર’ કહ્યા, રશિયા પર વધુ કડક પ્રતિબંધો લગાવવાની આપી ધમકી
આ પણ વાંચો: IPL 2022: ઋતુરાજના ફોર્મને લઈને જાડેજાનું મોટું નિવેદન, કહ્યું- કેવી રીતે વાપસી કરશે
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
Latest News Updates
