Video: પોલીસ સ્ટેશનમાં ઘૂસવા આ હાથીએ કર્યો હુમલો, જોઈને પોલીસ પણ ચક્કર ખાઈ ગઈ!

Viral Video: સોશિયલ મીડિયા પર અવારનવાર પ્રાણી (Animals) સંબધિત વીડિયો વાયરલ થતા જોવા મળે છે. જેમાં કેટલાક પ્રાણીઓની હરકત જોઈને યુઝર્સ (Users) પણ ચોંકી જાય છે. કહેવાય છે કે હાથી સૌથી સમજદાર પ્રાણી છે, પરંતુ જ્યારે તેને ગુસ્સો આવે તો તે કોઈ પ્રાણીને પાછળ છોડતો નથી.

તાજેતરમાં આવો જ એક શોકિંગ વીડિયો(Shocking video) સામે આવ્યો છે. જેમાં એક હાથી પોલીસ સ્ટેશનમા (Police Station) ઘુસવા જે રીતે પ્રયત્ન કરી રહ્યો છે, તે જોઈને તમે પણ વિચારમાં પડી જશો.

હાથીએ પોલીસ સ્ટેશનમાં ઘૂસવા કંઈક આવુ કર્યુ

વાયરલ થઈ રહેલા આ વીડિયોમાં તમે જોઈ શકો છો કે હાથી અને તેનું બચ્ચું લોખંડની ગ્રીલની બારી પાછળથી સ્ટેશનમાં ડોકિયું કરતા જોવા મળે છે. અંદર પ્રવેશ મેળવવાના પ્રયાસમાં તે લોખંડની જાળી પર હુમલો કરતા જોવા મળે છે. વીડિયોમાં પોલીસ સ્ટેશનનો તુટેલો ગેટ પણ જોવા મળી રહ્યો છે. આ દ્રશ્યો જોઈને કોઈને પણ આશ્ચર્ય થશે.

મળતી માહિતી મુજબ આ ઘટના કેરળના (Kerala) પલક્કડ જિલ્લાના પરમ્બીકુલમ પોલીસ સ્ટેશનમાં બની હતી, જ્યારે એક હાથી અને તેના બચ્ચાએ પોલીસ સ્ટેશન અંદર પ્રવેશવાનો પ્રયાસ કર્યો હતો.

જુઓ વીડિયો

હાથીનું રોદ્ર સ્વરૂપ જોઈને યુઝર્સ આપી કંઈક આવી પ્રતિક્રિયા

આ વીડિયો સોશિયલ મીડિયા પ્લેટફોર્મ ટ્વીટર પર kerala police દ્વારા શેર કરવામાં આવ્યો છે. સાથે તેણે મલયાલમ ભાષામાં કેપ્સનમાં લખ્યુ કે,એક હાથી અને તેના બચ્ચાએ પોલીસ સ્ટેશન પર હુમલો કર્યો. આ શોકિંગ વીડિયો હાલ ઈન્ટરનેટ પર ધૂમ મચાવી રહ્યો છે.

વીડિયો પર કોમેન્ટ કરતા એક યુઝરે લખ્યુ કે,પહેલીવાર હાથીનો આટલો ગુસ્સો જોયો. જ્યારે અન્ય એક યુઝરે લખ્યુ કે, હાથીનો હુમલો ક્યારેક ખતરનાક સાબિત થઈ શકે છે. આ સિવાય અન્ય કેટલાક યુઝર્સ પણ પોતાની પ્રતિક્રિયા (Comments) આપતા જોવા મળી રહ્યા છે.

આ પણ વાંચો : બાઈક કે બસ ? જુગાડ બાઈકમાં અડધા ડઝનથી વધુ લોકોની મુસાફરી, જોઈને લોકો પણ હસીને લોટ પોટ થયા