‘National Herald Ki Loot’ લખેલા બેગ સાથે JPC ની બેઠક પહોંચી BJP સાંસદ બાંસુરી સ્વરાજ, વીડિયો થયો વાયરલ
મંગળવારે જ્યારે નવી દિલ્હી બેઠકના ભાજપ સાંસદ બાંસુરી સ્વરાજ 'એક રાષ્ટ્ર એક ચૂંટણી' પર સંયુક્ત સંસદીય સમિતિ (JPC) ની બેઠકમાં હાજરી આપવા પહોંચ્યા, ત્યારે તેમણે જે બેગ લીધી હતી તેમાં 'National Herald Ki Loot' લખેલું હતું.
Bansuri Swaraj National Herald Ki Loot Bag: મંગળવારે જ્યારે નવી દિલ્હી બેઠકના ભાજપ સાંસદ બાંસુરી સ્વરાજ ‘એક રાષ્ટ્ર એક ચૂંટણી’ પર સંયુક્ત સંસદીય સમિતિ (JPC) ની બેઠકમાં હાજરી આપવા પહોંચ્યા, ત્યારે તેમણે જે બેગ લીધી હતી તેમાં ‘National Herald Ki Loot’ લખેલું હતું.
બાંસુરી સ્વરાજે કહ્યું કે આ ખુબ ગંભીર બાબત છે કે 2000 કરોડ રૂપિયાની સંપતી કોડીની કિંમતે એટલે કે માત્ર 50 લાખ રૂપિયામાં યંગ ઇન્જિયા લિમિટેડે હડપી લીધી. તેમણે કહ્યુ કે યંગ ઇન્ડિયા લિમિટેડ એક એવી કંપની છે જેમાં 76 ટકા માલિકીનો હક ગાંધી પરિવાર પાસે છે.
#WATCH | Delhi: BJP MP Bansuri Swaraj arrives at Parliament Annexe building to attend JPC meeting on ‘One Nation One Election’ carrying a bag with ‘National Herald Ki Loot’ written on it pic.twitter.com/i4zhdkdF0m
— ANI (@ANI) April 22, 2025
બાંસુરી સ્વરાજ ‘National Herald Ki Loot’ લખેલી બેગ લઈને જતા હોવાનો વીડિયો ખૂબ જ ઝડપથી વાયરલ થયો. આ એક સીધો રાજકીય સંદેશ હતો કારણ કે તપાસ એજન્સી ED દ્વારા નેશનલ હેરાલ્ડ કેસમાં ચાર્જશીટ દાખલ કરવામાં આવી ત્યારથી દેશમાં રાજકીય વાતાવરણ ખૂબ જ ગરમ છે. બેગ વાળી ઘટના આ આ પહેલા પણ બની છે જેમા પ્રિયંકા ગાંધી Palestine લખેલી બેગ લઇને સંસદ પહોંચ્યા હત, બાંસુરી સ્વરાજે તેનો રાજકિય જવાબ આપ્યો હોય તેમ જણાઇ રહ્યું છે.
ચાર્જશીટમાં સોનિયા અને રાહુલના છે નામ
ED ચાર્જશીટમાં કોંગ્રેસના પૂર્વ અધ્યક્ષ સોનિયા ગાંધી, તેમના પુત્ર રાહુલ ગાંધી, સૈમ પિત્રોડા સહિત ઘણા નેતાઓના નામ શામેલ છે. બાંસુરી સ્વરાજ આ બેગ પોતાની સાથે લાવ્યા હોવાથી, સોશિયલ મીડિયા પર આ બાબતની ચર્ચા ફરી તેજ થઈ ગઈ છે.
આ સમય દરમિયાન બાંસુરી સ્વરાજે કોંગ્રેસ પર જોરદાર પ્રહારો કર્યા. તેમણે કહ્યું કે આ પહેલી વાર છે જ્યારે ભ્રષ્ટાચાર લોકશાહીના ચોથા સ્તંભ એટલે કે મીડિયામાં પ્રવેશ્યો છે. તેમણે કહ્યું કે EDની ચાર્જશીટ કોંગ્રેસના કાર્યપદ્ધતિ અને તેની વિચારધારા વિશે જણાવે છે, જ્યાં જાહેર સેવા માટે રચાયેલી સંસ્થાઓનો ઉપયોગ વ્યક્તિગત લાભ માટે થાય છે.
બાંસુરી સ્વરાજે કહ્યું કે આ ખૂબ જ ગંભીર મામલો છે અને કોંગ્રેસ પાર્ટી અને તેનું બાકીનું નેતૃત્વ આ માટે જવાબદાર છે. એ યાદ રાખવું જોઈએ કે EDની ચાર્જશીટ જાહેર થયા પછી, કોંગ્રેસના કાર્યકરોએ દેશભરમાં મોટા પાયે વિરોધ પ્રદર્શનો કર્યા હતા. ED ચાર્જશીટ પર 25 એપ્રિલે કોર્ટમાં સુનાવણી થવાની છે.
આવા વીડિયો અન્ય ચેટ કે એપ્સ દ્વારા વારંવાર શેર કરવામાં આવતા હોવાથી આવી ક્લિપ્સ ઝડપથી ફેલાઈ જાય છે. મોટાભાગના વાયરલ વીડિયોમાં મજા પડતી હોય છે. આવા જ વાયરલ વીડિયો જોવા માટે અહીં ક્લિક કરો.
