Funny Viral Video: આખલાએ ટ્રેનમાં મુસાફરીની મજા માણી, વીડિયો જોઈને લોકોએ કહ્યું- ‘તેની ટિકિટ ચેક કરો’

અહીંના મુસાફરોને ટ્રેનમાં (Local Train) મુસાફરી કરવા માટે ઘણી લડાઈ કરવી પડે છે. તમે આ વાત પરથી અંદાજ લગાવી શકો છો કે કન્ફર્મ ટિકિટ હોવા છતાં લોકોને સીટ મળતી નથી, પરંતુ જો આ ટ્રેનમાં આખલો ‘સવાર’ જોવા મળે તો? હા, તમે બરાબર વાંચ્યું છે, આ મામલો બિહારમાંથી (Bihar) બહાર આવ્યો છે. જેને જોયા બાદ લોકો ખૂબ જ આશ્ચર્યમાં છે.

આ મામલો બિહારના ભાગલપુરના પીરપેંતીથી સામે આવ્યો છે. જ્યાં એક આખલો લોકલ ટ્રેનમાં સામાન્ય મુસાફરોની જેમ મુસાફરી કરતો જોવા મળ્યો છે. આશ્ર્ચર્યની વાત તો એ છે કે આ આખલાને ટ્રેનમાં એ રીતે બાંધવામાં આવ્યો હતો, જે રીતે ઘરની આસપાસના તબોલામાં બાંધવામાં આવે છે. ત્યાં હાજર એક મુસાફરે આ દ્રશ્ય પોતાના કેમેરામાં કેદ કર્યું અને સોશિયલ મીડિયા પર શેર કર્યું. જે સોશિયલ મીડિયા પર ઝડપથી વાયરલ થઈ રહ્યું છે. જે જોયા પછી તમે ચોંકી જશો.

અહીં વીડિયો જુઓ……

अजब-गजब #Bihar : …जब लोकल ट्रेन में चढ़ा दिया सांड, मामला जमालपुर से साहिबगंज जा रही ईएमयू पैसेंजर ट्रेन का है.

वीडियो 👇 pic.twitter.com/Y3hTTBggcF

— Kumar Abhishek (TV9 Bharatvarsh) (@active_abhi) August 6, 2022

વાયરલ થઈ રહેલા વીડિયોમાં તમે જોઈ શકો છો કે EMU પેસેન્જર ટ્રેનમાં એક આખલો મુસાફરો સાથે મુસાફરી કરતો જોવા મળી રહ્યો છે. જેને જોઈને ઘણા મુસાફરો પરેશાન થઈ ગયા છે, જ્યારે ઘણા તે ડબ્બો છોડીને બીજા ડબ્બામાં ભાગી રહ્યા છે. ટ્રેનમાં નાના પશુઓ સાથે મુસાફરી કરવી સામાન્ય બાબત છે. લોકો ઘણીવાર નાના પ્રાણીઓ સાથે મુસાફરી કરતા જોવા મળે છે. પરંતુ મોટા આખલા સાથે ટ્રેનમાં મુસાફરી કરતા લોકો આ પહેલા ભાગ્યે જ જોયા હશે.

આ વીડિયો ટ્વિટર પર શેર કરવામાં આવ્યો છે. સમાચાર લખાય છે ત્યાં સુધી 62 હજારથી વધુ લોકો તેને જોઈ ચૂક્યા છે અને કોમેન્ટ કરીને તેમનો પ્રતિભાવ આપવામાં આવી રહ્યો છે. આ વીડિયો સોશિયલ મીડિયાના અલગ-અલગ પ્લેટફોર્મ પર વાયરલ થઈ રહ્યો છે અને લોકો સવાલ પૂછી રહ્યા છે કે આખલાને ટ્રેનમાં લઈ જવાની પરવાનગી કેવી રીતે મળી? તે જ સમયે, કેટલાક વપરાશકર્તાઓ એવા છે જેઓ પૂછી રહ્યા છે કે શું તેની મુસાફરી માટે ટિકિટ લીધી હતી.