Viral : અજય દેવગણનો વીડિયો શેર કરતાં આનંદ મહિન્દ્રાએ કહ્યું ‘લાગે છે તમારે શહેર છોડવું પડશે’, જાણો શું છે મામલો
વીડિયોમાં અભિનેતા અજય દેવગણ સ્ક્રિપ્ટને વારંવાર બદલવાથી ચિંતિત જોવા મળે છે. તમને જણાવી દઈએ કે, આ વીડિયો મહિન્દ્રા બસ અને ટ્રક માટે શૂટ કરવામાં આવી રહેલી જાહેરાત દરમિયાનનો છે.
Viral: દેશના જાણીતા ઉદ્યોગપતિ આનંદ મહિન્દ્રા (Anand Mahindra) સોશિયલ મીડિયા પર ખૂબ જ એક્ટિવ રહે છે. જ્યારે પણ તે ટ્વિટર પર કોઈ પોસ્ટ શેર કરે છે, તે તરત જ વાયરલ થઈ જાય છે. હાલમાં તેમના એક ટ્વિટની ખૂબ ચર્ચા થઈ રહી છે. આ વખતે તેણે એક વીડિયો શેર કર્યો છે, જેમાં એક્ટર અજય દેવગણ (Ajay Devgan) વારંવાર સ્ક્રિપ્ટ બદલવાને કારણે ખૂબ જ પરેશાન દેખાઈ રહ્યો છે. તમને જણાવી દઈએ કે આ વીડિયો મહિન્દ્રા બસ અને ટ્રક માટે શૂટ કરવામાં આવી રહેલી એડ દરમિયાનનો છે. ઉદ્યોગપતિ મહિન્દ્રાએ પણ ટ્વીટમાં લખ્યું છે કે લાગે છે કે હવે મારે શહેર છોડીને ભાગવું પડશે.
શૂટિંગ દરમિયાન અજય દેવગણ પરેશાન થઈ ગયા !
આનંદ મહિન્દ્રાએ આ 11 સેકન્ડની વીડિયો ક્લિપ પોતાના ટ્વિટર એકાઉન્ટ પરથી શેર કર્યો હતો. સાથે તેણે કેપ્શનમાં લખ્યું, ‘મને કહેવામાં આવ્યું છે કે મહિન્દ્રા ટ્રક અને બસની જાહેરાતના શૂટિંગ દરમિયાન અજય દેવગણ પરેશાન થઈ ગયા છે. તે અમારી કોઈપણ ટ્રક સાથે મારી પાછળ આવે તે પહેલાં, હું આ શહેર છોડી દઉં તે વધુ સારું છે. પ્રોડક્શન યુનિટ દ્વારા વારંવાર સ્ક્રિપ્ટ બદલવાથી તે નારાજ છે.’
જુઓ વીડિયો
I was informed that @ajaydevgn lost his cool on a @MahindraTrukBus film shoot. I better leave town before he comes after me in one our trucks… pic.twitter.com/roXY7hIfRN
— anand mahindra (@anandmahindra) February 14, 2022
તમે વારંવાર સ્ક્રિપ્ટ કેમ બદલી રહ્યા છો ?
વીડિયોમાં તમે જોઈ શકો છો કે અજય દેવગન યુનિટને કહી રહ્યો છે કે, તમે વારંવાર સ્ક્રિપ્ટ કેમ બદલી રહ્યા છો ? આના પર તેમને જવાબ આપવામાં આવે છે કે વારંવાર નહીં, માત્ર ચાર વખત. આ પછી અજય દેવગન ગુસ્સે થઈ જાય છે. તમને જણાવી દઈએ કે મહિન્દ્રા ગ્રુપ અને અજય દેવગન વચ્ચે બધુ બરાબર છે, આ માત્ર એક પ્રમોશનલ એક્ટિવિટી છે.
આ પણ વાંચો : OMG: આ છે દુનિયાનું સૌથી અમીર બાળક, નવ વર્ષની ઉંમરમાં પ્રાઈવેટ પ્લેનનો માલિક છે આ ટેણિયો
