Travel Tips: જો તમે સોલો ટ્રિપનું પ્લાનિંગ કરી રહ્યા છો તો આ બાબતોનું ધ્યાન રાખો

સોલો ટ્રિપ પ્લાન કરવાના ઘણા ફાયદા છે, પરંતુ આ દરમિયાન તમારે કેટલીક સાવચેતી પણ રાખવાની જરૂર છે. જો તમે પણ સોલો ટ્રિપ પ્લાન કરવાની તૈયારી કરી રહ્યા છો, તો અહીં તે બાબતો જણાવવામાં આવી છે જેનું ધ્યાન રાખવું ખૂબ જ જરૂરી છે.

Here are some things to keep in mind if you are planning a solo trip

TV9 Gujarati | Edited By: Bipin Prajapati | Updated on: Mar 02, 2022 | 3:24 PM

કેટલાક લોકોને ફરવાનો (Travelling) ખૂબ શોખ હોય છે. તેમને ક્યાંય જવા માટે તેમની સાથે કોઈની જરૂર નથી. જ્યારે પણ તમને ક્યાંક મુસાફરી કરવાનું મન થાય ત્યારે બેગ (Bag) પેક કરીને તમારી સફર પર નીકળી પડો. આ દરમિયાન રસ્તામાં મળતા વટેમાર્ગુઓ સાથે મિત્રતા થાય છે. સોલો ટ્રીપનો એક ફાયદો એ છે કે તમારે આના માટે વધારે પૈસા ખર્ચવાની જરૂર નથી. નાના બજેટ (Budget) માં તેનું આયોજન સરળતાથી કરી શકાય છે. ઉપરાંત, તમે તમારી ઈચ્છા અનુસાર આ પ્રવાસનું આયોજન કરી શકો છો. પરંતુ આ દરમિયાન તમારે કેટલીક ખાસ તકેદારી રાખવાની જરૂર છે જેથી તમને કોઈપણ પ્રકારની અસુવિધા ન થાય.

આ બાબતોને ધ્યાનમાં રાખવી જરૂરી છે

જ્યારે પણ તમે તમારી ટ્રિપની યોજના બનાવો છો, ત્યારે તેના વિશે ઘરના કોઈપણ સભ્યને સંપૂર્ણ માહિતી આપો. તમારો મોબાઈલ નંબર અને તમે ક્યાં રહો છો અને તમે ક્યાં ફરવા જવાના છો તેની સંપૂર્ણ વિગતો આપો. જેથી કરીને તમારા પરિવારના સભ્યો કોઈપણ પ્રકારની સમસ્યાના કિસ્સામાં તમારો સંપર્ક કરી શકે.
પ્રવાસનું આયોજન કરતી વખતે, તમારા બેંક ખાતામાં એટલા પૈસા હોવા જોઈએ કે તમે કોઈપણ સમસ્યામાં હોવ તો તમારો નાણાકીય વ્યવહાર ચલાવી શકો. થોડા પૈસા રોકડ વોલેટમાં રાખો. સાથે જ ડમી પર્સ રાખો જેથી ખિસ્સા કપાય તો મુશ્કેલીમાં ન પડો.
તમે જ્યાં પણ ફરવા જાવ ત્યાંના વાતાવરણ અને હવામાન વિશે ચોક્કસથી રિસર્ચ કરી લો. પછી તે મુજબ તમારી બેગ પેક કરો.
બેગમાં ઢગલો કપડા ન લઇ જાવ, નહીં તો તે તમારા માટે જ મુશ્કેલી ઊભી કરશે. તમને જરૂર હોય તેટલા જ કપડાં સાથે લો.

Web Stories View more

ઉનાળામાં આ વસ્તુઓનું સેવન કરશો તો ડિહાઇડ્રેશનનો શિકાર નહીં બનો

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

30 લાખની હોમ લોન પર કેટલી EMI ચૂકવવી પડશે, જાણી લો ગણિત

વિરાટ કે રોહિત નહીં, આ છે કથાકાર જયા કિશોરીનો ફેવરિટ ક્રિકેટર

ઉનાળાની ગરમીમાં ટ્રીપ પ્લાન કરતાં પહેલા જાણી લો 7 ટિપ્સ, નહીં તો વધશે મુશ્કેલી

રૂપિયા અને ડેબિટ કે ક્રેડિટ કાર્ડને એકસાથે ન રાખો. જેથી કરીને જો તમારા પૈસા ખુટી જાય તો તમે કાર્ડ વડે તમારું કામ ચલાવી શકો. આ સિવાય પૈસાને બે-ત્રણ ભાગમાં વહેંચીને અલગ-અલગ જગ્યાએ રાખો.
તમારી બેગમાં પેડ અને અન્ય જરૂરી વસ્તુઓ જેમ કે પેઇન કિલર, પાટો, ટોર્ચ, મોબાઈલ ચાર્જર વગેરે રાખો. ઉપરાંત, સંપૂર્ણ સુરક્ષા જોયા પછી રહેવા માટે હોટેલ પસંદ કરો. જો તમારે આ માટે થોડા વધુ પૈસા ખર્ચવા પડે તો પણ અચકાવું નહીં.
જો તમે પહેલીવાર સોલો ટ્રીપ પર જઈ રહ્યા છો, તો પહેલા એક નાની સફરની યોજના બનાવો. એકલા લાંબા પ્રવાસનું આયોજન કરવું યોગ્ય નથી.