સ્માર્ટફોનની Touch Screen નથી કરી રહી બરાબર કામ, આ સરળ ટિપ્સથી કરો ઠીક

તમારી સાથે પણ એવું બન્યું જ હશે કે જ્યારે તમે તમારો સ્માર્ટફોન (Smartphone) ખોલો છો અને એપ ખોલવાનો પ્રયાસ કરો છો, ત્યારે ટચસ્ક્રીન યોગ્ય રીતે એક્સેસ કરી શકાતી નથી. તમારે ઘણી વખત ટચ (Touch Screen Problem) કરવું પડતું હોય છે, પછી તે યોગ્ય રીતે કામ કરે છે. જો તમારે સ્માર્ટફોનમાં દરરોજ આ સમસ્યાનો સામનો કરવો પડી રહ્યો છે તો સ્વાભાવિક છે કે આનાથી તમારો ઘણો સમય તો બગડતો જ હશે, જો તમે ઈચ્છો તો સરળ ટિપ્સની મદદથી આ સમસ્યાને થોડી જ મિનિટોમાં ઠીક કરી શકાય છે. આજે અમે તમારા માટે આવી જ કેટલીક ટિપ્સ લાવ્યા છીએ, જેની મદદથી આ સમસ્યાને સંપૂર્ણપણે ઠીક કરી શકાય છે.

હેવી ફાઈલો કાઢી નાખો

જો તમે તમારા સ્માર્ટફોનમાં હેવી વીડિયો રાખો છો જે બેસ્ટ ક્વોલિટીના હોય છે તો તેના કારણે સ્માર્ટ ફોનના પ્રોસેસર પર ઘણું દબાણ આવે છે. સ્માર્ટફોન માટે ભારે ફાઈલો વહન કરવું સરળ નથી. કેટલાક લોકો તેમની મીડિયા ફાઈલોને સતત સ્ટોર કરવાનું ચાલુ રાખે છે અને અંતે ફાઈલોનો ઢગલો થઈ જાય છે જે સ્માર્ટફોનની મેમરીને સંપૂર્ણપણે ભરી દે છે. આ ભારે ફાઈલોને કારણે પ્રોસેસર પર દબાણ એટલું વધી જાય છે કે તે યોગ્ય રીતે વર્ક કરી શકતું નથી અને ટચ સ્ક્રીન હેંગ થવા લાગે છે.

જો તમે પણ તમારા સ્માર્ટફોનમાં હેવી ફાઈલો સ્ટોર કરો છો તો આવું ન કરો અને આ ફાઈલોને અન્ય જગ્યાએ સ્ટોર કરો કારણ કે તેના કારણે સ્માર્ટફોન પર પ્રેશર ઘણું વધી જાય છે જે ભવિષ્યમાં આવી સમસ્યાઓનું કારણ બનશે. આવી ફાઈલો કાઢી નાખો અથવા તેને બીજી જગ્યાએ સ્ટોર કરો.

બિન જરૂરી એપ્લિકેશનો કાઢી નાખો

દરેક સ્માર્ટફોનમાં કેટલીક એવી એપ્સ હોય છે જેનો ઉપયોગ થોડી વાર જ થાય છે અથવા તો ક્યારેક એવું બને છે કે આ એપ્સનો મહિનાઓ સુધી ઉપયોગ થતો નથી. જો તમારા સ્માર્ટફોનમાં એવી એપ્સ છે, જેનો તમે ઉપયોગ નથી કરતા તો તમારે તેને તરત જ કાઢી નાખવી જોઈએ.

આ એપ્સ ડિલીટ થતાં જ પ્રોસેસર પરનું દબાણ ઓછું થઈ જશે અને તે યોગ્ય રીતે રિસ્પોન્સ આપવાનું શરૂ કરી દેશે અને પછી જ્યારે તમે ટચ સ્ક્રીનનો ઉપયોગ કરો છો, ત્યારે તે તરત જ રિસ્પોન્સ આપે છે અને તમે તમારું કામ ઝડપથી કરી શકો છો.

આ પણ વાંચો: Viral: Pushpa ફિલ્મના વિદેશીઓ પણ થયા દિવાના, પોર્ટુગીઝ પિતા પુત્રીનો ડાન્સ જોઈ લોકો દંગ

આ પણ વાંચો: Top 5 Vegetable crop: ફેબ્રુઆરીમાં વાવી શકાતી 5 મહત્વની શાકભાજી, જાણો વિગત