ગ્રાહકોને પડયા પર પાટુ, ટેલિકોમ કંપનીઓએ Disney+ Hotstar સબ્સક્રિપ્શનની કિંમતોમાં કર્યો વધારો, જાણો કેટલો થયો ફેરફાર

સ્ટ્રીમિંગ સેવા Disney+ Hotstarએ તેના પ્લાન અપગ્રેડ કર્યા છે. તે હવે યુઝર્સને ત્રણ નવા પ્લાન દ્વારા તમામ કન્ટેન્ટના ઍક્સેસ આપશે. જેમાં મોબાઈલ પ્લાન 499, સુપર પ્લાન 899 રૂપિયા અને પ્રીમિયમ પ્લાન 1499 રૂપિયા વર્ષે માટે આવતું હતું. Disney+ Hotstar તેનું વીઆઈપી સબ્સક્રિપ્શન પણ પૂરું કરી રહ્યું છે.

આ ફેરફારને પગલે Airtel અને Jio સહિત ટેલિકોમ કંપનીએ તેમના પ્રીપેડ પ્લાન અપગ્રેડ કર્યા છે, જે અગાઉ Disney+ Hotstarર વીઆઈપી લાભ સાથે આવ્યા હતા. વોડાફોન-આઈડિયાએ પણ તેના પ્લાન 100 રૂપિયા સુધી અપગ્રેડ કર્યા છે, બાકીના લાભો સમાન છે. નવા પ્લેનમાં હવે Disney+ Hotstar મોબાઈલ સાથે આવશે. આ પહેલા વીઆઈપી પ્લાનની કિંમત 399 રૂપિયા હતી. Disney+ Hotstar મોબાઈલ પ્લાનની કિંમત 499 રૂપિયા હતી.

Viએ તેના પ્લાનમાં આ ફેરફારો કર્યા

Viના ડિઝની+ હોટસ્ટાર પ્લાનની કિંમત અગાઉ 401 રૂપિયા, 601 રૂપિયા અને 801 રૂપિયા હતી. આમાં 100 રૂપિયાનો વધારો કરવામાં આવ્યો છે અને હવે તેની કિંમત 501, 701 અને 901 રૂપિયા છે, પરંતુ તે બેનિફિટ સરખા છે. આ પ્લાન 28 દિવસ માટે 100GB ડેટા, 56 દિવસ માટે 200GB ડેટા અને 84 દિવસ માટે 300GB ડેટા ઓફર કરે છે. Jio અને Airtelની જેમ Vi પણ 2,595 રૂપિયાની કિંમતનો વાર્ષિક પ્રીપેડ પ્લાન ઓફર કરે છે, જે 365 દિવસની માન્યતા સાથે 1.5 GB દૈનિક ડેટા આપે છે.

આ તમામ પ્લાન ટેલિકોમ સ્પેશિયલ બેનિફટ સાથે અનલિમિટેડ કોલિંગ અને દરરોજ 100 SMS ઓફર કરે છે. Vi એક ડેટા પ્લાન પણ ઓફર કરે છે, જેની કિંમત 501 રૂપિયા હતી અને હવે તેની કિંમત 601 રૂપિયા છે. જે 56 દિવસની માન્યતા માટે 75 GB ડેટા આપે છે.

Jioએ પણ Disney+ Hotstar પ્લાનની કિંમતમાં વધારો કર્યો

Jioએ Disney+ Hotstar પ્લાન હવે 499 રૂપિયાથી શરૂ થાય છે અને 3 જીબી દૈનિક ડેટા અને 28 દિવસની માન્યતા સાથે આવે છે. બીજા પ્લાનની કિંમત 666 રૂપિયા છે અને તેમાં દરરોજ 2GB ડેટા અને 56 દિવસની માન્યતા આપવામાં આવે છે. આ પ્લાન પછી એક પ્લાનની કિંમત 888 રૂપિયા છે અને તેમાં 84 દિવસની વેલિડિટી સાથે દરરોજ 2GB ડેટા મળશે.

ડિઝની+ હોટસ્ટાર લાભો સાથે વાર્ષિક પ્લાન પણ છે, જે 365 દિવસની માન્યતા આપશે અને 2 જીબી દૈનિક ડેટા આપશે અને તેની કિંમત 2,599 રૂપિયા છે. આ તમામ પ્લાનમાં અનલિમિટેડ કોલિંગ અને દૈનિક 100 SMS પણ ઉપલબ્ધ છે.

Jio હવે એક ડેટા પ્લાન પણ ઓફર કરે છે, જેની કિંમત 549 રૂપિયા છે. જે યુઝર્સને 56 દિવસની માન્યતા માટે 1.5 GB ડેટા દરરોજ આપશે. દરમિયાન, જે યુઝર્સ પહેલાથી જ ડિઝની+ હોટસ્ટાર યોજનાઓ પર સબ્સ્ક્રાઈબ કરી ચૂક્યા છે તેઓ તેમના સબ્સ્ક્રિપ્શનના અંત સુધી તેનો ઉપયોગ કરી શકે છે, ત્યારબાદ તેમને લેટેસ્ટ પ્લાન પસંદ કરવા પડશે.

એરટેલ ડિઝની+ હોટસ્ટાર પ્લાનની કિંમત

એરટેલના પ્લાનની કિંમત હવે 499 રૂપિયા, 699 રૂપિયા અને 2,798 રૂપિયા છે. આ પ્લાન 28 દિવસ માટે દરરોજ 3GB ડેટા, 56 દિવસ માટે 2GB ડેટા અને 365 દિવસ માટે 2GB ડેટા ઓફર કરે છે. આ પ્લાન અનલિમિટેડ કોલિંગ તેમજ દરરોજ 100 એસએમએસ ઓફર કરે છે. આ પ્લાનમાં યુઝર્સને Amazon Prime Video Mobile Editionનું પણ ઍક્સેસ આપશે, જેથી મોબાઈલ યુઝર્સને ડિઝની+ હોટસ્ટાર તેમજ એમેઝોન પ્રાઈમનું પણ ઍક્સેસ આપશે.

આ પણ વાંચો : Afghanistan Crisis : પહેલા તાલિબાનીઓનાં હાથમાં આવી પડ્યા અને હવે ભૂખમરાની પરિસ્થિતિ ઉભી થવા તરફ

આ પણ વાંચો  :જાણો કેમ શ્રીલંકામાં આવી ઈકોનોમી ઈમરજન્સીની સ્થિતિ, ખાવા-પીવાની વસ્તુના પડી ગયા ફાંફા