Jio AirFiber ટૂંક સમયમાં થશે લોન્ચ, કેબલ વગર જ મળશે ઝડપી 5G નેટવર્ક
સરળ શબ્દોમાં કહીએ તો Jio AirFiber એક એવું ઉપકરણ હશે કે તમારે તેને પ્લગ ઇન કરવું પડશે. આ પછી તમને વાયર વગર ઇન્ટરનેટ મળશે. તે WiFi હોટસ્પોટની જેમ કામ કરશે, જેને તમે અન્ય ઉપકરણો સાથે કનેક્ટ કરી શકશો અને હાઇ સ્પીડ 5G નેટવર્કનો લાભ લઈ શકશો. Jio Airfiber ચલાવવા માટે ઉપકરણમાં ફક્ત Jio 5G સિમ કાર્ડ ઇન્સ્ટોલ કરવું પડશે.
Reliance Jio AGM 2023 Jio AirFiber: મુકેશ અંબાણીએ (Mukesh Ambani) રિલાયન્સની (Reliance) 46મી AGMમાં Jio Fiberની લોન્ચ તારીખની જાહેરાત કરી છે. Jio Airfiberની સેવા દેશમાં 19 સપ્ટેમ્બર (ગણેશ ચતુર્થી)થી શરૂ થશે. આ સેવાની મદદથી ઘર અને ઓફિસ દરેક જગ્યાએ Jio વપરાશકર્તાઓને હાઇ સ્પીડ ઇન્ટરનેટ સેવાનો લાભ મળશે.
દરરોજ 1.5 લાખ કનેક્શન ઇન્સ્ટોલ કરવામાં આવશે
ખાસ વાત એ છે કે આ એક વાયરલેસ ઈન્ટરનેટ સેવા હશે અને તેની સાથે કેબલ કનેક્શનની ઝંઝટનો અંત આવશે. મુકેશ અંબાણીના જણાવ્યા અનુસાર, Jio AirFiberની મદદથી દેશભરમાં લગભગ 20 કરોડ ઓફિસ અને ઘરમાં હાઈ સ્પીડ ઈન્ટરનેટ સેવા આપવાનો પ્રયાસ કરવામાં આવી રહ્યો છે. આ મુજબ દરરોજ Jio AirFiberના લગભગ 1.5 લાખ કનેક્શન ઇન્સ્ટોલ કરવામાં આવશે.
Jio AirFiber ને અન્ય ઉપકરણો સાથે કનેક્ટ કરી શકશો
સરળ શબ્દોમાં કહીએ તો Jio AirFiber એક એવું ઉપકરણ હશે કે તમારે તેને પ્લગ ઇન કરવું પડશે. આ પછી તમને વાયર વગર ઇન્ટરનેટ મળશે. તે WiFi હોટસ્પોટની જેમ કામ કરશે, જેને તમે અન્ય ઉપકરણો સાથે કનેક્ટ કરી શકશો અને હાઇ સ્પીડ 5G નેટવર્કનો લાભ લઈ શકશો.
ઈન્ટરનેટ સ્પીડ વધુ મજબૂત થશે
રિપોર્ટ્સ અનુસાર, Jio Airfiberની સ્પીડ 1 Gbps સુધી જઈ શકે છે. એટલે કે આ સ્પીડથી મિનિટોમાં ફિલ્મો ડાઉનલોડ કરી શકાય છે. આ સ્માર્ટફોન ડિવાઈસની જેમ તેને એક જગ્યાએથી બીજી જગ્યાએ લઈ જઈને તેનો ઉપયોગ કરી શકાય છે. તે વપરાશકર્તાઓને Jioની આ સેવાનો લાભ મળશે, જ્યાં હજુ સુધી બ્રોડબેન્ડ સેવા પહોંચી નથી.
આ પણ વાંચો : Online Shopping Fraud: જો તમે ઓનલાઈન શોપિંગ કરો છો તો રહો સાવધાન, ફેક વેબસાઈટ દ્વારા થઈ રહી છે છેતરપિનપિંડી
સારી વાત એ છે કે Jio Airfiber ચલાવવા માટે ઉપકરણમાં ફક્ત Jio 5G સિમ કાર્ડ ઇન્સ્ટોલ કરવું પડશે. આ ઉપકરણ ઘણા વેરિયન્ટ્સ અને રિચાર્જ પ્લાન સાથે લોન્ચ કરવામાં આવશે.
Jioની 5G સેવા દેશભરમાં ઉપલબ્ધ થશે
રિલાયન્સની AGM દરમિયાન મુકેશ અંબાણીએ એ પણ જણાવ્યું કે ડિસેમ્બર 2024 સુધીમાં Jioની 5G સેવા દેશભરમાં ઉપલબ્ધ થશે. અત્યારે દેશભરમાં 50 મિલિયન 5G ગ્રાહકો છે. આ સિવાય ફીચર ફોનનો ઉપયોગ કરનારા કુલ 25 મિલિયન યુઝર્સ છે.
ટેક્નોલોજીના તમામ સમાચાર વાંચવા માટે અહીં ક્લિક કરો
