WhatsApp તમને ટ્રાફિક ચલણ કપાવવાથી પણ બચાવી શકે છે ! ફોલો કરો આ ટિપ્સ

જો કે, વોટ્સએપ (WhatsApp)પર ઘણા સેટિંગ્સ અને વિવિધ વિકલ્પો આપવામાં આવ્યા છે. વોટ્સએપની ઉપયોગિતાને ધ્યાનમાં રાખીને ઘણી સરકારી સેવાઓ પણ વોટ્સએપ પર જ મેળવી શકાય છે. આ સિવાય વોટ્સએપની મદદથી યૂઝર્સને ચલણ કાપવાથી પણ બચાવી શકે છે. વાસ્તવમાં, જો બાઇક અથવા કારની આરસી, વીમો અને પીયુસી ન થયું હોય, તો ટ્રાફિક પોલીસ તેનું ચલણ કાપી શકે છે. આવી સ્થિતિમાં, વોટ્સએપ પર ડિજીલોકર(DigiLocker)ને ઍક્સેસ કરીને, ચલણ કાપવાથી બચાવી શકાય છે. વાસ્તવમાં, ઘણા કાર અને બાઇક ચાલકો RC અને વીમો ઘણી વખત ઘરે ભૂલી જાય છે, આવા લોકો માટે DigiLocker ખૂબ જ ઉપયોગી સાબિત થઈ શકે છે.

કેવી રીતે ઍક્સેસ કરવું

વ્હોટ્સએપ યુઝર્સ +91 9013151515 આ નંબરને સેવ કર્યા પછી, તેમણે અંગ્રેજીમાં hello અથવા hi ટાઈપ કરવું પડશે, ત્યારબાદ ચેટબોટમાંથી એક મેસેજ આવશે. આમાં, તમે કોવિન સેવા અને ડિજીલોકર સેવાનો ઉપયોગ કરી શકો છો. આ પછી, તમે જવાબ આપીને કોઈપણ એક સેવા પસંદ કરી શકો છો.

DigiLocker સેવાઓનો વિકલ્પ પસંદ કરીને, તમે લાયસન્સ અને વાહન નોંધણી જેવા દસ્તાવેજો ડાઉનલોડ કરી શકો છો. તમે પાન કાર્ડ વગેરે પણ ડાઉનલોડ કરી શકો છો. નોંધનીય વાત એ છે કે આની મદદથી યુઝર્સ ટ્રાફિક પોલીસને આરસી અને લાઇસન્સ વગેરે બતાવી શકે છે.

આ દસ્તાવેજો WhatsApp પર ડાઉનલોડ કરી શકાય છે

• પાન કાર્ડ
• ડ્રાઇવિંગ લાયસન્સ
• CBSE ધોરણ 10 પાસનું પ્રમાણપત્ર
• વાહન નોંધણી પ્રમાણપત્ર (RC)
• વીમા પોલિસી ટુ વ્હીલર
• 10મા ધોરણની માર્કશીટ
• 12મા ધોરણની માર્કશીટ
• વીમા પૉલિસી દસ્તાવેજો (ડિજિલોકર પર લાઈફ અને નોન-લાઈફ ઉપલબ્ધ છે)

કોવિનનો વિકલ્પ વોટ્સએપ પર વર્ષ 2020માં આવ્યો હતો

વર્ષ 2020 માં, WhatsApp પર MyGov હેલ્પડેસ્કએ કોવિડ સંબંધિત માહિતીના અધિકૃત સ્ત્રોતો તેમજ રસીનું સમયપત્રક સેટ કરવા અને રસી પ્રમાણપત્ર ડાઉનલોડ કરવાનો વિકલ્પ રજૂ કર્યો છે. હવે આ પ્લેટફોર્મ પર વિવિધ પ્રકારના દસ્તાવેજો ડાઉનલોડ કરવાની સુવિધા ઉપલબ્ધ થશે.