Tech News: ટ્વીટરે 8 ડોલર સબ્સ્ક્રિપ્શન પ્રોગ્રામ કર્યો સસ્પેન્ડ, આ છે કારણ
ટ્વિટરે આ અઠવાડિયે સબસ્ક્રિપ્શન સેવા ઓફર કરવાનું શરૂ કર્યું હતું. આ હેઠળ, જે કોઈ ટ્વિટર પર બ્લુ ટિક મેળવવા માંગે છે તેણે દર મહિને 8 ડોલર ચૂકવવા પડશે, તે પણ કોઈપણ વેરિફિકેશન વિના.
ટ્વીટરએ બ્લુ ટિક માટે 8 ડોલર સબ્સ્ક્રિપ્શન પ્રોગ્રામ સસ્પેન્ડ કર્યો છે. કંપનીએ આ નિર્ણય ફેક એકાઉન્ટ્સની વધતી જતી સમસ્યાને ધ્યાનમાં રાખીને લીધો છે. કંપનીએ તાજેતરમાં આ પ્રોગ્રામ લોન્ચ કર્યો છે. મીડિયા રિપોર્ટ્સ અનુસાર, ઘણા યુઝર્સ મોટી બ્રાન્ડ્સના નામે ફેક એકાઉન્ટ બનાવી રહ્યા હતા અને સિસ્ટમનો દુરુપયોગ કરી રહ્યા હતા. આ કારણે કંપનીએ આ નિર્ણય લીધો છે.
ટ્વિટરે આ અઠવાડિયે સબસ્ક્રિપ્શન સેવા ઓફર કરવાનું શરૂ કર્યું હતું. આ હેઠળ, જે કોઈ ટ્વિટર પર બ્લુ ટિક મેળવવા માંગે છે તેણે દર મહિને 8 ડોલર ચૂકવવા પડશે, તે પણ કોઈપણ તપાસ વિના. આ પહેલા એલોન મસ્કે ટ્વીટ કર્યું હતું કે બ્લુ ટિક માર્ક આપવામાં ઘણો ભ્રષ્ટાચાર થયો છે, તેથી કોઈ વિકલ્પ નથી. તેથી આગામી મહિનાઓ સુધીમાં આ ગોટાળાને ખતમ કરવો પડશે.
ટ્વિટરના ઉપયોગ માટે 8 ડોલરની જાહેરાત બાદ વિશ્વભરમાં તેનો ભારે વિરોધ થયો હતો. અમેરિકા, બ્રિટન સહિત અનેક દેશોની અગ્રણી હસ્તીઓએ ટ્વિટર છોડવાની જાહેરાત કરી. સાથે જ કેટલાકે મસ્કના નિર્ણયને લોકશાહી અને અભિવ્યક્તિની સ્વતંત્રતા પર મોટો હુમલો ગણાવ્યો હતો.
ટ્વિટરનું ગ્રે ‘ઓફિશિયલ’ લેબલ કેટલાક એકાઉન્ટ્સ પર પરત આવ્યું
અગાઉ, ટ્વિટરે ફરી એકવાર તેના કેટલાક મોટા એકાઉન્ટ્સમાં ગ્રે ઓફિશિયલ લેબલ ઉમેર્યું છે. કંપનીએ આ અઠવાડિયાની શરૂઆતમાં લેબલને ફરીથી લોંચ કર્યું, જ્યારે વિશ્વના સૌથી ધનાઢ્ય વ્યક્તિ એલોન મસ્કએ તેનું પદ સંભાળ્યું ત્યારે તેને બંધ કર્યાના થોડા સમય બાદ જ તેને શરૂ કરવામાં આવ્યું. ગુરુવારે રાત્રે ફરી એકવાર તે ટ્વિટરના પોતાના એકાઉન્ટ અને એમેઝોન, નાઇકી અને કોકા-કોલા સહિત કેટલીક મોટી કંપનીઓના એકાઉન્ટ પર જોવા મળ્યું.
ધ ન્યૂ યોર્ક ટાઈમ્સ, ધ ન્યૂ યોર્કર સહિતની કેટલીક મીડિયા કંપનીઓને સ્થાનિક સમય અનુસાર રાત્રે 9 વાગ્યે આ લેબલ મળ્યું હતું, જ્યારે ‘વોલ સ્ટ્રીટ જર્નલ’ અને ‘ધ લોસ એન્જલસ ટાઈમ્સ’ જેવા કેટલાક મીડિયા હાઉસને આ ચિહ્ન પ્રાપ્ત થયું નથી. આ અઠવાડિયે ટ્વિટર પર મસ્કે બ્લુ ચેક ટિક માર્ક વેરિફિકેશન સિસ્ટમમાં મસ્ક દ્વારા ફેરફાર કર્યા બાદ અમુક સેલિબ્રિટીના પણ ઓફિશિયલ લેબલ મળ્યું નથી.
પીએમ મોદી સહિત અનેક નેતાઓને ઓફિશિયલ લેબલ આપવામાં આવ્યું હતું
ટ્વિટરે બુધવારે વડાપ્રધાન મોદી સહિત અનેક નેતાઓના વેરિફાઈડ હેન્ડલ્સ પર સત્તાવાર લેબલ ઉમેર્યું હતું. જોકે, કંપનીએ થોડા સમય બાદ તેને હટાવી દીધું હતું. આ પછી, કંપનીએ કહ્યું હતું કે આ નવી સુવિધા ઉમેરવામાં આવી છે જેથી બ્લુ એકાઉન્ટ અને વેરિફાઇડ એકાઉન્ટ વચ્ચેનો તફાવત સમજી શકાય.