60 અલગ-અલગ પાર્ટસ મળીને તૈયાર થાય છે ફોન, જાણો ફેક્ટરીમાં કેવી રીતે બને છે

આજકાલ સ્માર્ટફોન એક એવું ડિવાઈસ છે જેનો લોકો સવારથી સાંજ સુધી ઉપયોગ કરે છે. ફોનનો ઉપયોગ હવે માત્ર કોલિંગ માટે જ નહીં પરંતુ પ્રોફેશનલ કામ માટે પણ થાય છે. એટલા માટે ફોન વિના કામ કરવું મુશ્કેલ છે, પરંતુ શું તમારા મનમાં ક્યારેય પ્રશ્ન આવ્યો છે કે વર્તમાન સમયે દરેકની સમસ્યાનું નિરાકરણ કરતું આ નાનું ડિવાઈસ કઈ ટેક્નોલોજીનો ઉપયોગ કરીને બનાવવામાં આવ્યું છે. આજે અમે તમને જણાવવા જઈ રહ્યા છીએ કે સ્માર્ટફોન કેટલા પાર્ટ્સ ભેગા કરી બનાવવામાં આવે છે.

મોબાઈલ ફોનની ઘણી કંપનીઓ છે જેમાં સેમસંગ, નોકિયા, સોની, લેનોવો, એલજીનો સમાવેશ થાય છે. દરેક ફોનની અલગ-અલગ વિશેષતા હોય છે, પરંતુ જ્યારે ફોન ફેક્ટરીમાં બને છે, તો શરૂઆતમાં કેટલીક વસ્તુઓ સમાન હોય છે. તો ચાલો જાણીએ કે ફેક્ટરીમાં મોબાઈલ ફોન કેવી રીતે બને છે.

ફેક્ટરીમાં ફોન કેવી રીતે બને છે

મોબાઈલ ફોન બનાવવા માટે 60 થી વધુ ભાગો જોડવામાં આવે છે. 5 ઇંચનો આ ફોન 60 અલગ-અલગ ભાગોથી બનેલો છે. આ ભાગોને કનેક્ટ કર્યા પછી, કૉલ્સ, સંદેશા, ચેટિંગ અને વીડિયો કૉલ્સ સહિત ઘણી વસ્તુઓ પર કામ કરવામાં આવે છે. મોબાઈલ ફોનમાં મશીન દ્વારા આ વસ્તુઓ ઉમેર્યા બાદ તેનું ટેસ્ટિંગ કરવામાં આવે છે. ચકાસવા માટે, નવા ફોનમાં 200 વખત ડ્રોપ કરવામાં આવે છે. આ પછી તેને આગળની પ્રક્રિયા માટે મોકલવામાં આવે છે.

હજારો વખત થાય છે ટચની તપાસ

મોબાઇલ ફોનના ટચ સેંસિટિવિટીને ચેક કરવા માટે, લગભગ 10,000 વખત ટચ કરવામાં આવે છે. ટચની સેંસિટિવિટી તપાસતા પહેલા, તેના નાના એલિમેંટ્સને પ્રોડક્શન લેબમાં કાળજીપૂર્વક તપાસવામાં આવે છે. ત્યારપછી ફોનના પાર્ટ્સની ગુણવત્તા તપાસવામાં આવે છે. જેથી કોઈ પણ મોબાઈલ ફોન યુઝરને કોઈ તકલીફ ન પડે.

આ પ્રક્રિયાઓનું હજારો વખત પરીક્ષણ કર્યા પછી, ખાતરી કરવામાં આવે છે કે હવે ફોન બજારમાં જવા માટે તૈયાર છે, પરંતુ તે પહેલાં ફોન એસેસરીઝ જેમ કે ચાર્જર અને ઇયરફોન સાથે બોક્સમાં પેક કરી માર્કેટમાં ઉતારવામાં આવે છે. ફોન માર્કેટમાં આવ્યા બાદ ઘણી કંપનીઓ 1 વર્ષની મેન્યુફેક્ચરિંગ વોરંટી પણ આપે છે.