ક્યાંક તમારો સ્માર્ટફોન તો સાંભળી નથી રહ્યોને તમારી ‘સીક્રેટ’ વાતો? આ સેટિંગ બંધ કરો અને રહો નિશ્ચિત

આજકાલ સ્માર્ટફોનનો ઉપયોગ ઘણો વધી ગયો છે. સ્માર્ટફોન હંમેશા આપણી સાથે હોય છે. આમાં ઘણી પ્રકારની સેવાઓ અને એપ્સ છે, જે ઘણા પ્રકારની પરમિશન માગે છે. આવી ઘણી એપ્સ છે જે લોકેશન, માઈક્રોફોન અને કેમેરાની પરમિશન લે છે. આવી સ્થિતિમાં આ એપ્સ આપણે ક્યાં જઈ રહ્યા છીએ, કોની સાથે વાત કરી રહ્યા છીએ અને આ બધી બાબતોને ટ્રેક કરી શકે છે.

ઉદાહરણ તરીકે Google Assistant વૉઈસ કમાન્ડ માટે માઈક્રોફોનની પરમિશન લે છે અને તે હંમેશા ચાલુ હોય છે. એ જ રીતે, એપ્સ પણ વૉઈસ-ટુ-સ્પીચ સુવિધાનો ઉપયોગ કરવા માટે માઇક્રોફોનની પરમિશન માંગે છે. આવી સ્થિતિમાં જો તમે નથી ઈચ્છતા કે આ એપ્સ તમારી વાત હંમેશા સાંભળે, તો તમે જ્યારે ઇચ્છો ત્યારે તેમની પાસેથી પરમિશન પાછી લઈ શકો છો.

હંમેશા ઓન ડિવાઈસ સાથે પણ આ સમસ્યા

Amazon Alexa એક લોકપ્રિય વર્ચ્યુઅલ આસિસ્ટન્ટ ડિવાઈસ છે. આ ડિવાઈસ વોઈસ કમાન્ડ પર કામ કરે છે. આવા ગૂગલ આસિસ્ટન્ટની જેમ અહીં પણ માઈક્રોફોન હંમેશા એક્ટિવ રહે છે. આવી સ્થિતિમાં તે હંમેશા તમારી વાતો સાંભળી શકે છે. એમેઝોન એલેક્સાને લઈને અગાઉ પણ આવી ઘણી ઘટનાઓ સામે આવી હતી. જ્યાં ડિવાઈસ યુઝર્સની વાતને રેકોર્ડ કરી રહ્યું હતું. આવી સ્થિતિમાં હવે માઈક બંધ કરવાનો વિકલ્પ છે. જેથી યુઝર્સ જ્યારે ઇચ્છે ત્યારે તેને બંધ કરી શકે છે.

ફેસબુક પણ પરમિશન લે છે

ફેસબુક એક લોકપ્રિય સોશિયલ મીડિયા એપ્લિકેશન છે. જ્યારે તમે તેને ઇન્સ્ટોલ કરો છો, ત્યારે આ એપ્લિકેશન્સ તમારી વિવિધ પરવાનગીઓ માટે પૂછે છે. આમાંથી એક માઇક્રોફોન પણ છે. તેનો એક્સેસ વીડિયો ચેટિંગ જેવા કાર્યો માટે લેવામાં આવે છે. જો તમે તેને બંધ કરવા માંગો છો, તો તમે સીધા સેટિંગ્સમાં જઈને ફેસબુકને સર્ચ કરી શકો છો અને તમે પરમિશનમાં જઈને માઇક્રોફોનને બંધ કરી શકો છો.

Androidમાં માઈક્રોફોન કેવી રીતે બંધ કરવું

જો તમે એન્ડ્રોઈડ યુઝર છો તો તમારે ફક્ત સેટિંગ્સમાં જઈને સિક્યુરિટી એન્ડ પ્રાઈવસીના ઓપ્શનમાં જવાનું રહેશે. આ પછી તમારે પ્રાઈવસી પર ટેપ કરવાનું રહેશે. ત્યારપછી તમને અહીંથી ખબર પડશે કે કઈ એપ પાસે કેમેરા અને માઇક્રોફોનનો એક્સેસ છે. તમે ઇચ્છો તે કોઈપણ એપ્લિકેશનમાંથી ઍક્સેસ દૂર કરી શકો છો. આ સિવાય તમે એક જ વારમાં આખા ફોનમાંથી માઇક્રોફોન અને કેમેરાનો એક્સેસ હટાવી શકો છો.

iOS યુઝર્સ આ રીતે પરવાનગી પાછી લો

iOS યુઝર્સે એપ્સમાંથી પરમિશન પાછી ખેંચવા અથવા દૂર કરવા માટે સેટિંગ્સમાં જવું પડશે. આ પછી, સંબંધિત એપ પર જઈને, માઇક્રોફોનનું ટોગલ બંધ કરવું પડશે. તમે સેટિંગ્સમાં જઈને પ્રાઈવસી અને સિક્યોરિટીમાં પણ જઈ શકો છો. આ પછી, યુઝર્સને અહીં માઇક્રોફોનનું લેબલ મળશે. આની મદદથી તમે ઈચ્છો તે કોઈપણ એપમાંથી પરવાનગી દૂર કરી શકો છો.