દેશભરમાં નવરાત્રીની ઉજવણી કરવામાં આવે છે. લોકો માતા દુર્ગાની ભક્તિમાં મગ્ન છે. પરંતુ શું તમે ક્યારેય વિચાર્યું છે કે પાડોશી દેશ પાકિસ્તાનમાં હિન્દુઓ આ તહેવાર કેવી રીતે ઉજવે છે?
પાકિસ્તાનના કરાચી શહેરમાંથી એક વીડિયો વાયરલ થયો છે, જેમાં હિન્દુ સમુદાય દ્વારા ઉજવાતા આ તહેવારની સુંદર ઝલક બતાવવામાં આવી છે.
કરાચીના ધીરજ મંધને આ વાત ઈન્સ્ટા પર શેર કરી છે. તેણે કહ્યું કે, મેં પહેલીવાર નવરાત્રિનો મંત્રમુગ્ધ કરી દેનારો ઉત્સાહ અનુભવ્યો.
ધીરજે આગળ લખ્યું છે કે, દરેક ચહેરા ખૂબ ખુશ હતા. દરેક જણ નાચતા હતા, હસતા હતા અને ઉત્સવનો ઉત્સાહ માણી રહ્યા હતા.
તેમણે કહ્યું કે આ વિસ્તારને 'મિની ઈન્ડિયા' પણ કહેવામાં આવે છે, કારણ કે અહીંથી થોડા અંતરે મંદિર, મસ્જિદ, ગુરુદ્વારા અને ચર્ચ જોઈ શકાય છે.
પોસ્ટને 1.5 લાખથી વધુ વ્યૂઝ મળ્યા છે, જ્યારે ભારતીયો કોમેન્ટ સેક્શનમાં પોતાનો પ્રેમ વરસાવી રહ્યા છે. લોકોએ લખ્યું, હેપ્પી નવરાત્રી.
નોંધ: અહીં આપવામાં આવેલો વીડિયો સોશિયલ મીડિયામાં વાયરલ થયો છે. Tv9 ગુજરાતી આ વીડિયોની પુષ્ટિ કરતું નથી.