મોબાઈલ ફોનમાં આ એક સેટિંગ સંકટ સમયે બચાવી શકે છે તમારો જીવ, જાણો સ્ટેપ બાય સ્ટેપ પ્રોસેસ
Tech Tips: લોકો પોતાની અંગત બાબતો કોઈની સાથે શેર કરવા માંગતા નથી, ઘરે પણ તેઓ પોતાના મોબાઈલ ફોનનો પાસવર્ડ કોઈને જણાવતા નથી. જેના કારણે ઘણી વખત તમારો ફોન જરૂરી પ્રસંગે અનલોક થતો નથી.
ધારો કે તમે ક્યાંક જઈ રહ્યા છો, કમનસીબે તમારો અકસ્માત (Accident)થયો છે અને તમે એવી પરિસ્થિતિમાં છો કે તમે બોલી શકતા નથી, હવે મદદ કરવાવાળું કોઈ નથી, તમારા ઘરે કેવી રીતે જાણ કરવી. જો તમે ઇચ્છતા નથી કે તમારી સાથે આવું ક્યારેય થાય, તો તમારા મોબાઇલની લૉક સ્ક્રીન (Mobile Lock Screen)પર ચોક્કસ ઇમરજન્સી નંબર (Emergency Contact)સેટ કરો, જેમ કે તમારા પિતા, ભાઈ અથવા કોઈ નજીકના વ્યક્તિ, જેથી મદદગાર તેમને સરળતાથી કૉલ કરી શકે.
મોબાઇલ ફોનના તમામ વપરાશકર્તાઓમાંથી લગભગ 80% લોકો તેમના મોબાઇલને પાસવર્ડ વડે લોક રાખે છે. લોકો પોતાની અંગત બાબતો કોઈની સાથે શેર કરવા માંગતા નથી, ઘરે પણ તેઓ પોતાના મોબાઈલ ફોનનો પાસવર્ડ કોઈને જણાવતા નથી. જેના કારણે ઘણી વખત તમારો ફોન જરૂરી સમયે અનલોક થતો નથી.
ઘણા યુઝર્સ આ વાતને ગંભીરતાથી નથી લેતા કે તેમના સ્માર્ટફોનની લૉક સ્ક્રીન પર ઇમરજન્સી નંબર પ્રદર્શિત કરવું કેટલું મહત્વપૂર્ણ છે. કારણ કે જો તમે તમારા ફોન પર ઈમરજન્સી કોન્ટેક્ટ નંબર સેટ નહીં કરો તો કોઈ પણ ઈમરજન્સીની સ્થિતિમાં તમારા પરિવારના સભ્યોનો સંપર્ક કરી શકશે નહીં.
મોબાઈલ લોક સ્ક્રીન પર ઈમરજન્સી કોન્ટેક્ટ નંબર કેવી રીતે સેટ કરવો?
તમે મોબાઈલની લોક સ્ક્રીન પર સરળતાથી ઈમરજન્સી કોન્ટેક્ટ ઈન્ફોર્મેશન મૂકી શકો છો, જેથી કોઈને તમારો મોબાઈલ મળે અથવા ઈમરજન્સીની સ્થિતિમાં તે નંબર પર કોલ કરી શકે. તમારા મોબાઈલની લોક સ્ક્રીન પર ઈમરજન્સી કોન્ટેક્ટ ઈન્ફોર્મેશન બતાવવા માટે નીચેના સ્ટેપ્સને અનુસરો. આમ તો દરેક મોબાઈલના સેટિંગ લગભગ સરખા જ હોય છે.
- તમારા મોબાઇલ પર જાઓ અને મોબાઇલ સેટિંગ ખોલો.
- મોબાઈલના સેટિંગમાં જઈને ઓપન લોક સ્ક્રીન અને પાસવર્ડ પર જાઓ.
- હવે તમને નીચે એડવાન્સ્ડ સેટિંગ્સ લખેલું દેખાશે, તેના પર ક્લિક કરો.
- હવે તમારે Lock Screen Owner Info પર ક્લિક કરવું પડશે અને ફોન લોક સ્ક્રીન પર તમે કોનો નંબર દેખાડવા માંગો છો તેનો નંબર અહીં લખો અને સેટિંગ્સને સેવ કરો.