Technology News: અહીં બનશે 5G ટેસ્ટ બેડ, ભારતીય સેનાને તેના ઓપરેશનલ ઉપયોગ માટે 5G ટેકનોલોજીનો ઉપયોગ કરવાની આપશે મંજૂરી

મધ્યપ્રદેશમાં મહુ (ડૉ. આંબેડકર નગર)માં એક લશ્કરી એન્જિનિયરિંગ કૉલેજમાં ભારતીય 5G ટેસ્ટ બેડની સ્થાપના કરવામાં આવશે અને તે ભારતીય સેનાને તેના ઓપરેશનલ ઉપયોગ માટે 5G ટેક્નોલોજીનો ઉપયોગ કરવાની સુવિધા આપશે. સંરક્ષણ મંત્રાલયના જણાવ્યા અનુસાર, 5G ટેસ્ટ બેડની સ્થાપના મિલિટરી કોલેજ ઑફ ટેલિકોમ્યુનિકેશન એન્જિનિયરિંગ (MCTE) દ્વારા ઈન્ડિયન ઈન્સ્ટિટ્યૂટ ઑફ ટેક્નોલોજી, મદ્રાસના સહયોગથી કરવામાં આવશે. મંત્રાલયે કહ્યું કે ટેસ્ટ બેડ (5G Test Bed)ભારતીય સેનાને તેના ઓપરેશનલ ઉપયોગ માટે 5G ટેકનોલોજી (5G Technology)નો ઉપયોગ કરવાની મંજૂરી આપશે, જેમાં લશ્કરી સરહદો પણ સામેલ હશે.

સોમવારે ચેન્નાઈમાં એક સમારોહમાં આની સુવિધા માટે MCTE અને IIT-M વચ્ચે એક એમઓયુ પર હસ્તાક્ષર કરવામાં આવ્યા હતા. એમઓયુ જણાવે છે કે તે ચોક્કસ ટેક્નોલોજીનો ઉપયોગ કરીને સિસ્ટમ્સ, ડિવાઈસ અને ઉપકરણોને સામેલ કરવા અને આપણા સશસ્ત્ર દળોની ક્ષમતાઓને વધારવા માટે AI-આધારિત અલ્ગોરિધમ્સનો ઉપયોગને પ્રોત્સાહન આપશે. મંત્રાલયે વધુમાં જણાવ્યું હતું કે તે સહયોગી અને સહકારી સંશોધનને પણ પ્રોત્સાહન આપશે અને નવી ટેકનોલોજીના વિકાસ માટે વિચારોના આદાન-પ્રદાનની સુવિધા આપશે.

કેન્દ્રના જણાવ્યા અનુસાર, 2014માં 10 કરોડ ગ્રાહકોની સરખામણીમાં આજે 80 કરોડ ગ્રાહકો પાસે બ્રોડબેન્ડની ઍક્સેસ છે. દેશમાં બનાવેલ 4G ઇકોસિસ્ટમ હવે 5G સ્વદેશી વિકાસ તરફ આગળ વધી રહી છે. ભારતની 8 ટોચની ટેક્નોલોજી સંસ્થાઓમાં 5G ટેસ્ટ બેડ સેટઅપ ભારતમાં 5G ટેક્નોલોજીનો ઇન-હાઉસ લોન્ચ કરે છે. કેન્દ્રીય કેબિનેટે દરખાસ્તને મંજૂરી આપ્યા બાદ DoTએ નોટિસ જાહેર કરી હતી.

સંચાર મંત્રાલયના એક નિવેદન અનુસાર, એવી અપેક્ષા રાખવામાં આવે છે કે ટેલિકોમ સેવા પ્રદાતાઓ દ્વારા મિડ અને હાઇ બેન્ડ સ્પેક્ટ્રમનો ઉપયોગ ઝડપ અને ક્ષમતા સાથે આગામી 5G ટેક્નોલોજી-આધારિત સેવાઓને રોલ-આઉટ કરવા માટે કરવામાં આવશે. જે હાલની 4G સેવાઓથી લગભગ 10 ગણી વધારે હશે.

સ્પેક્ટ્રમ એ સમગ્ર 5G ઇકો-સિસ્ટમનો અભિન્ન અને આવશ્યક ભાગ છે. કેબિનેટની બેઠક બાદ જાહેર કરાયેલા એક સત્તાવાર નિવેદન અનુસાર, આગામી 5G સેવાઓ નવા યુગના વ્યવસાયો બનાવવાની, ઉદ્યોગ માટે વધારાની આવક પેદા કરવાની અને નવી તકનીકો અને નવીનતાઓથી ઉદ્ભવતી નોકરીઓનું સર્જન કરવાની ક્ષમતા ધરાવે છે. સૂચના મુજબ, 600 MHz, 700 MHz, 800 MHz, 900 MHz, 1800 MHz, 2100 MHz, 2300 MHz, 2500 MHz, 3300 MHz અને 26 GHz બૅન્ડ ઑક્શનમાં ઉપલબ્ધ તમામ સ્પેક્ટ્રમ છે.