મીડિયા રેગ્યુલેશનમાં ડિજિટલ મીડિયાનો કરવામાં આવશે સમાવેશ, ઉલ્લંઘન બદલ નોંધણી રદ અથવા થશે દંડ !
સૂચના અને પ્રસારણ મંત્રાલયે (Ministry of Information and Broadcasting) પ્રેસ અને સામયિક બિલની નોંધણીમાં સુધારા અંગે પ્રક્રિયા શરૂ કરી દીધી છે.
આવતા અઠવાડિયે શરૂ થનારા સંસદ સત્રમાં સરકાર મીડિયા નોંધણી માટેના નવા કાયદામાં ડિજિટલ મીડિયા(Digital Media)નો પણ સમાવેશ કરી રહી છે. અગાઉ ક્યારેય સરકારી નિયમનમાં ડિજિટલ મીડિયાનો સમાવેશ કરવામાં આવ્યો નથી. આ બિલની મંજૂરી બાદ જો ન્યૂઝ સાઇટ્સ નિયમોનું ઉલ્લંઘન કરશે તો તેમને કડક કાર્યવાહીનો સામનો કરવો પડશે. આ અંતર્ગત ન માત્ર તેમનું રજીસ્ટ્રેશન રદ કરી શકાય છે પરંતુ તેમને દંડ પણ થઈ શકે છે. સૂચના અને પ્રસારણ મંત્રાલયે (Ministry of Information and Broadcasting) પ્રેસ અને સામયિક બિલની નોંધણીમાં સુધારા અંગે પ્રક્રિયા શરૂ કરી દીધી છે.
આ અંતર્ગત પહેલીવાર ડિજિટલ મીડિયાનો સમાવેશ કરવામાં આવી રહ્યો છે. હવે તેના કાર્યક્ષેત્રમાં કોઈપણ ઈલેક્ટ્રોનિક ઉપકરણ દ્વારા પ્રસિદ્ધ થયેલા સમાચારનો સમાવેશ થશે. આ બિલ લાગુ થયા બાદ હવે ડિજિટલ ન્યૂઝ પબ્લિશર્સે રજિસ્ટ્રેશન માટે અરજી કરવાની રહેશે અને આ કામ કાયદો અમલમાં આવ્યાના 90 દિવસની અંદર કરવાનું રહેશે.
પ્રેસ રજિસ્ટ્રાર જનરલને અરજી કરવાની રહેશે
આ કાયદાના અમલ પછી, ડિજિટલ સમાચાર પબ્લિશર્સએ પ્રેસ રજિસ્ટ્રાર જનરલ પાસે નોંધણી માટે અરજી કરવી પડશે. આ સિવાય જો કોઈ ડિજિટલ પબ્લિશર્સ સરકાર દ્વારા બનાવેલા નિયમોનું ઉલ્લંઘન કરતા જોવા મળશે તો તેમની સામે કાર્યવાહી કરવામાં આવશે. પ્રેસ રજિસ્ટ્રાર જનરલને આ કાર્યવાહી કરવાનો અધિકાર હશે. જો દોષી સાબિત થશે તો પ્રકાશકોની નોંધણી ન માત્ર સસ્પેન્ડ કરવામાં આવશે પરંતુ તે રદ પણ થઈ શકે છે. આ સિવાય તેના પર દંડ પણ થઈ શકે છે.
ડિજિટલ મીડિયા કોઈ કાયદાને આધીન ન હતું
આ કાયદો લાગુ થયા પહેલા, અત્યાર સુધી ડિજિટલ મીડિયા કોઈ કાયદા કે નિયમન હેઠળ નહોતું. હવે આ સુધારા પછી ડીજીટલ મીડિયા સીધા જ માહિતી અને પ્રસારણ મંત્રાલયના નિયંત્રણ હેઠળ આવશે. મીડિયા રિપોર્ટ્સ અનુસાર, પ્રેસ કાઉન્સિલ ઓફ ઈન્ડિયાના પ્રમુખ સાથે અપીલ બોર્ડની પણ યોજના કરવામાં આવી રહી છે. અત્યાર સુધી પીએમઓ અને અન્ય સ્ટેકહોલ્ડર્સ આ બિલને મંજૂરી આપી નથી.
Latest News Updates
