વોટ્સએપ ગ્રુપમાં સંભાળીને કરજો મેસેજ, વોટ્સએપ ગ્રુપના એડમિનને મળી આ મોટી સત્તા

વોટ્સએપ (WhatsApp)એ સૌથી વધુ ઉપયોગમાં લેવાતો મેસેજિંગ એપ છે. તે પોતાના યુઝર્સ માટે નવા ફીચર અને અપડેટ લાવતુ રહે છે. વોટ્સએપ પર ઘણા ગ્રુપ પણ હોય છે. જેમ કે મિત્રો, પરિવાર , સ્કૂલ , કોલેજ અને ઓફિસ. જો તમે કોઈ વોટ્સએપ ગ્રુપના (WhatsApp group) એડમિન છો તો તમારા માટે એક ખુશખબર છે. વોટ્સએપ, ગ્રુપ એડમિનને એક વિશેષ સત્તા આપવા જઈ રહ્યુ છે. રિપોર્ટ અનુસાર કંપનીએ હાલમાં એક નવુ ફિચર લોન્ચ કરવામાં કરવામાં આવશે. જેમાં વોટ્સએપ ગ્રુપ એડમિન ગ્રુપના કોઈપણ મેસેજ ડિલીટ ફોર એવરીવન કરી શકે છે. આ ફીચર માત્ર કેટલાક બીટા ટેસ્ટર્સ માટે બહાર પાડવામાં આવ્યુ હતુ. આ નવુ ફીચર તમારા વોટ્સએપમાં ચાલી રહ્યુ છે કે નહીં તે જાણવાની કેટલીક સરળ રીતો છે.

આ છે નવા ફીચરનું નામ

વોટ્સએપનું આ નવા ફીચરનું નામ એડમિન ડિલીટ છે. આ ફીચર WhatsAppના Android 2.222.17.12 બીટા વર્ઝન પર રિલીઝ કરવામાં આવશે.

વોટ્સએપ ગ્રુપ એડમિનને થશે આ ફાયદા

આ ફીચરની મદદથી ગ્રુપ એડમિન પોતાના વોટ્સએપ ગ્રુપને વધારે સારી રીતે ચલાવી શકશે. જો તે કોઈનો મેસેજ ડિલીટ કરશે તો ચેટમાં તેનુ નામ દેખાશે. તેનાથી ગ્રુપમાં જોડાયેલા લોકોને જાણવા મળશે કે આ મેસેજ એડમિને ડિલીટ કર્યો છે. ચાલો જાણીએ કે આ ફીચર કેવી રીતે કામ કરે છે. તેના માટે કેટલાક સ્ટેપ્સ ફોલો કરો.

1. વોટ્સએપ ખોલો અને ચેટ પર જાઓ અને તમે જે મેસેજ ડિલીટ કરવા માંગો છો તેના પર જાઓ.
2. હવે તે મેસેજને પસંદ કરવા માટે થોડીવાર મેસેજ પર ટેપ કરો.
3. જો તમે વધુ મેસેજ ડિલીટ કરવા માંગતા હો તો તે મેસેજને પણ ટેપ કરો અને પસંદ કરો.
4. મેસેજ સિલેક્ટ કર્યા બાદ સૌથી ઉપર ડિલીટ એટલે કે ડસ્ટબીન આઈકોન પર ટેપ કરો.
5. ડિલીટ આઇકન પર ટેપ કર્યા પછી, દરેક માટે ડિલીટ પસંદ કરો. આ પછી વોટ્સએપ મેસેજ ડિલીટ થઈ જશે.