Lottery Fraud: તમને 25 લાખ રૂપિયાની લોટરી લાગી છે ! જો આવો મેસેજ કે કોલ આવે તો રહો સાવધાન, જુઓ Video

છેલ્લા કેટલાક વર્ષોથી સ્માર્ટફોન અને સોશિયલ મીડિયા લોકોના જીવનનો એક મહત્વપૂર્ણ ભાગ બની ગયા છે. બેંકિંગથી લઈને લગભગ બધા જ કામ ઓનલાઈન થઈ રહ્યા છે. તેથી ફ્રોડ કરનારા લોકોએ પણ ઓનલાઈન છેતરપિંડી (Cyber Crime) કરવાનું શરૂ કર્યું છે. લોકો સાથે ઓનલાઈન છેતરપિંડીના ઘણા કિસ્સાઓ સામે આવી રહ્યા છે. તમને લોટરી (Lottery Fraud) લાગી છે તેવા કોલ, મેસેજ અને ઈમેઈલ હાલમાં લોકોને આવી રહ્યા છે અને તેના દ્વારા છેતરેપિંડી કરવામાં આવી રહી છે.

તમારે કંપનીના નિયમોનું પાલન કરવું પડશે

તમને 25 લાખ રૂપિયાની લોટરી લાગી છે આ પ્રકારનો મેસેજ અથવા તો મોબાઈલ પર કોલ આવે છે. તેમાં કહેવામાં આવે છે કે આ રૂપિયા મેળવવા માટે તમારે કંપનીના નિયમોનું પાલન કરવું પડશે. મેસેજમાં કહેવામાં આવે છે કે તમે લોટરી મેનેજરને સામાન્ય કોલ કરી શકતા નથી, તેથી તમારે વોટ્સએપ કોલ દ્વારા તેમનો સંપર્ક કરવો પડશે.

પ્રોસેસિંગ ફી જમા કરાવો

કોલ પર કહેવામાં આવે છે કે તમે લોટરીમાં જીતેલી રકમ મેળવવા માટે પ્રોસેસ કરવાની રહે છે. તેના માટે કેટલીક રકમ પ્રોસેસિંગ ફી તરીકે જમા કરવાનું કહેવામાં આવે છે. આ ઉપરાંત લોટરી ઇનામની સમાપ્તિ તારીખ ટાંકીને વ્યક્તિગત માહિતી અને ડિપોઝિટ ફીની પણ માંગણી કરે છે. આ રકમ રોકડમાં અથવા સ્કેમર્સ દ્વારા નિયંત્રિત બેંક ખાતામાં કરવાની માગ કરવામાં આવે છે અને છેતરપિંડી કરનારાઓ ખોટી રીતે પૈસા પડાવી લે છે.

Web Stories View more

યુદ્ધના ભણકારા વચ્ચે કિમ જોંગે મોકલ્યા સૈનિક, બદલામાં પુતિને આપી ખાસ 70 ભેટ, જુઓ

23 નવેમ્બર, કાલ ભૈરવ જયંતીના દિવસે કરો આ બે કામ, જીવનની નકારાત્મકતા થશે દૂર, ઈચ્છાઓ થશે પૂરી

અદિતિ મિસ્ત્રીની બહેન દિવ્યા મિસ્ત્રી પણ ખુબ હોટ છે, જુઓ ફોટો

Winter Tips : ધાબળામાં આવતી વાસ થશે છૂમંતર, અપનાવો આ ટિપ્સ

જર્મનીમાં ન્યૂઝ9 ગ્લોબલ સમિટની શાનદાર શરૂઆત, જુઓ તસવીરોમાં ત્યાંની ઝલક

જસપ્રીત બુમરાહ કરતા 7 ગણો વધુ અમીર છે ઓસ્ટ્રેલિયન કેપ્ટન

થોડી બેદરકારી તમને કોઈ મોટા નુકસાનમાં ફસાવી શકે

તેથી જો તમને આવી કોઈ લોટરી જીતવા અંગે છેતરપિંડી કરનારાઓ તરફથી ફોન કોલ, ઈમેઈલ, મેસેજ મળે તો તરત જ સાવધાન થઈ જાઓ. તમારી થોડી બેદરકારી તમને કોઈ મોટા નુકસાનમાં ફસાવી શકે છે. જો તમને ફેક મેઈલ મળે છે, તો સૌથી પહેલા તેની ભાષા અને લખવાની રીતને ધ્યાનથી જુઓ, તમને ખબર પડી જશે કે આ મેઈલ નકલી છે.

આ પણ વાંચો : Fake Job Offer Fraud: નોકરી આપવાના નામે તમારી સાથે થઈ શકે છે છેતરપિંડી, જાણો શું ધ્યાન રાખવું, જુઓ Video

આ રીતે રહો સાવચેત

1. બેંક એકાઉન્ટ, ક્રેડિટ કાર્ડ, ફોન અથવા ઈમેઈલ જેવી તમારી અંગત માહિતી જાહેર કરશો નહીં કારણ કે તેનાથી ડેટાની ચોરી થઈ શકે છે.

2. શંકાસ્પદ ઈમેઈલનો જવાબ આપશો નહીં અથવા શંકાસ્પદ લિંક પર ક્લિક કરશો નહીં કારણ કે તેમાં વાયરસ હોઈ શકે છે.

3. છેતરપિંડી કરનાર દ્વારા મોકલવામાં આવેલ ઓનલાઈન ફોર્મ ક્યારેય ભરશો નહીં.

4. લોટરીના રૂપિયા લેવા માટે ક્યારેય કોઈને એડવાન્સ ફી ન આપો.

5. જો તમે લોટરીમાં ભાગ લીધો નથી તો તમે ક્યારેય લોટરી જીતી શકશો નહીં.

6. જો કોઈ તમને તમારી અંગત માહિતી, બેંકની વિગતો અથવા OTP પૂછે તો આપવો નહીં.

7. બેંક કે તેમના અધિકારીઓ ક્યારેય તમારી પાસેથી OTP માંગતા નથી, તેથી જો કોઈ તમારી સાથે આવું કંઈક કરવાનો પ્રયાસ કરે છે, તો તમારે તરત જ સાવધાન થઈ જવું જોઈએ.

8. કોઈપણ પ્રકારના સાયબર ફ્રોડના કિસ્સામાં તમે http://cybercrime.gov.in પર ફરિયાદ નોંધાવી શકો છો.