Driving License : હવે RTO ગયા વગર ઘરે બેઠા મેળવો લર્નિંગ ડ્રાઇવિંગ લાયસન્સ, આ રીતે કરો ઓનલાઈન અરજી

જો તમે ડ્રાઇવિંગ લાઇસન્સ બનાવવાનું વિચારી રહ્યાં છો તમારે સૌથી પહેલા લર્નિંગ ડ્રાઈવિંગ લાઈસન્સ બનાવવું પડશે. તેના એક કે બે મહિના બાદ તમે પરમેનન્ટ ડ્રાઈવિંગ લાઈસન્સ માટે અરજી કરી શકશો. સૌથી પહેલા તમારે લર્નિંગ ડ્રાઈવિંગ લાઈસન્સ માટે અરજી કરવી પડશે. કારણ કે હવે સરકારે ડ્રાઈવિંગ લાઈસન્સ સહિત ઘણી સેવાઓ ઓનલાઈન કરી દીધી છે. એટલા માટે ડ્રાઈવિંગ લાઈસેન્સ બનાવવા માટે ઓનલાઈન એપ્લાય કરવું પડશે.

ડ્રાઇવિંગ લાયસન્સની ઓનલાઈન અરજી માટે, તમારે તમારા જિલ્લાના રોડ ટ્રાન્સપોર્ટ અને હાઇવે મંત્રાલયની સત્તાવાર વેબસાઇટની મુલાકાત લેવાની રહેશે. ડ્રાઈવિંગ લાઈસન્સની તમામ પ્રક્રિયા ઓનલાઈન થઈ ગયા બાદ હવે તમારે વારંવાર અધિકારીઓની ઓફિસમાં જવાની જરૂર નથી. આ માટે ઓનલાઈન સુવિધા પણ ઉપલબ્ધ છે. જો તમે હજુ સુધી તમારું ડ્રાઇવિંગ લાયસન્સ નથી બનાવ્યું તો બનાવી લો. કારણ કે ડ્રાઇવિંગ લાયસન્સ વગર વાહન ચલાવવા માટે તમારે ભારે દંડ ભરવો પડી શકે છે. સરકારે ડ્રાઇવિંગ લાયસન્સ સંબંધિત તમામ સેવાઓ ઓનલાઈન કરીને લોકોનું કામ સરળ બનાવ્યું છે, જેના કારણે લોકોને હવે વધુ ચિંતા કરવાની જરૂર નથી.

હવે તમે ડ્રાઇવિંગ લાયસન્સ માટે ઓનલાઇન અરજી સરળતાથી કરી શકો છો. આ માટે તમારે રોડ ટ્રાન્સપોર્ટ અને હાઈવે મંત્રાલયની વેબસાઈટ પર જવું પડશે. ત્યાંથી તમે ડ્રાઇવિંગ લાયસન્સ માટે ઓનલાઈન અરજી કરી શકો છો.

વેબસાઈટની મુલાકાત લઈને ઓનલાઈન અરજી કરો

16-18 વર્ષના લોકો પણ રોડ ટ્રાન્સપોર્ટ અને હાઇવે મંત્રાલયની વેબસાઇટ પરથી ડ્રાઇવિંગ લાયસન્સ માટે ઇન્ટરનેટ દ્વારા ઓનલાઇન અરજી કરી શકે છે. વેબસાઈટ પર ઓનલાઈન સેવાઓના વિકલ્પ પર જઈને ડ્રાઈવિંગ લાઈસન્સ સંબંધિત સેવાઓનો વિકલ્પ પસંદ કરવાનો રહેશે.તે પછી તમારે ડ્રોપડાઉન મેનૂમાંથી એપ્લાય ફોર લર્નર લાઈસન્સ પર ક્લિક કરવાનું રહેશે.

લર્નિંગ લાઇસન્સ ટેસ્ટ

જો તમે આધાર સાથે eKYC કરો છો, તો તમારે RTO ઑફિસમાં જઈને ટેસ્ટ આપવાની જરૂર નથી. લર્નર લાયસન્સ ટેસ્ટ તમે ઘરે બેઠા જ આપી શકો છો. જો તમે અહીં નોન-આધાર eKYC પસંદ કરો છો, તો તમારે RTO ઑફિસમાં જઈને ટેસ્ટ આપવો પડશે. ત્યારબાદ તમારે આધાર ઓથેન્ટિકેશન પસંદ કરીને તમારો આધાર નંબર આપવો પડશે. તમારા રજિસ્ટર્ડ મોબાઈલ નંબર પર OTP આવશે. તેની ચકાસણી કરો. તમને તમારા રજિસ્ટર્ડ મોબાઈલ નંબર પર SMS દ્વારા ઓનલાઈન ટેસ્ટ માટે લોગિન વિગતો મળશે. ઑફલાઇન ટેસ્ટ માટે તમારે RTO ઑફિસમાં જઈને ટેસ્ટ આપવો પડશે.

આ રીતે તમે ડ્રાઇવિંગ લાયસન્સ માટે ઓનલાઈન અરજી કરી શકો છો

• સૌ પ્રથમ તમારી વિગતો ભરો.
• પછી પૂછેલા તમામ દસ્તાવેજો અપલોડ કરો.
• જો જરૂરી હોય તો ફોટો અને સહી અપલોડ કરો (ફક્ત અમુક રાજ્યો માટે જ લાગુ).
• DL ટેસ્ટ સ્લોટ બુકિંગ (માત્ર અમુક રાજ્યો માટે જ લાગુ).
• ફી ચૂકવો.
• ચુકવણી સ્થિતિ ચકાસો.
• રસીદ પ્રિંટ કરો.

ડ્રાઇવિંગ લાયસન્સ માટે ટેસ્ટ જરૂરી છે

ડ્રાઇવિંગ લાઇસન્સ મેળવવા માટે, એમવી એક્ટ હેઠળ ડ્રાઇવિંગ ટેસ્ટ આપવી ખૂબ જ મહત્વપૂર્ણ છે. તમારી ઉંમર 18 વર્ષથી વધુ થાય પછી જ તમે ડ્રાઇવિંગ લાયસન્સ માટે અરજી કરી શકો છો. રાજધાની દિલ્હીમાં ડ્રાઇવિંગ લાઇસન્સ પોસ્ટ ઓફિસથી ઘરે મોકલવામાં આવે છે. જ્યારે, ઘણા રાજ્યોમાં તમે તેને આરટીઓ પાસેથી મેળવી શકો છો.