Tech Tips : Google Pay એ લોન્ચ કર્યું Tap to Pay ફિચર, ઓટોમેટિક થઈ જશે પેમેન્ટ, જાણો સંપૂર્ણ પ્રોસેસ

Tech Tips : Google Pay એ લોન્ચ કર્યું Tap to Pay ફિચર, ઓટોમેટિક થઈ જશે પેમેન્ટ, જાણો સંપૂર્ણ પ્રોસેસ
Symbolic Image

આપને જણાવી દઈએ કે અત્યાર સુધી ટેપ ટુ પે ફીચર ફક્ત કાર્ડ માટે જ ઉપલબ્ધ હતું. બધા વપરાશકર્તાઓએ ટેપ ટુ પે સુવિધા દ્વારા ચુકવણી પૂર્ણ કરવા માટે પોઈન્ટ ઓફ સેલ્સ (POS) ટર્મિનલ પર ફોનને ટેપ કરવાની જરૂર છે.

TV9 GUJARATI

| Edited By: Pankaj Tamboliya

Mar 30, 2022 | 2:41 PM

ગૂગલ પે (Google Pay)એ ટેપ ટુ પે (Tap to Pay) ફીચર લોન્ચ કર્યું છે. આ ફીચર પાઈન લેબ્સ (Pine Labs) ની ભાગીદારીમાં લોન્ચ કરવામાં આવ્યું છે. તે UPI આધારિત પ્રક્રિયા છે. આ ફીચરની મદદથી UPI પેમેન્ટ કરવાનું પહેલા કરતા વધુ સરળ બની જશે. આપને જણાવી દઈએ કે અત્યાર સુધી ટેપ ટુ પે ફીચર ફક્ત કાર્ડ માટે જ ઉપલબ્ધ હતું. બધા વપરાશકર્તાઓએ ટેપ ટુ પે સુવિધા દ્વારા ચુકવણી પૂર્ણ કરવા માટે પોઈન્ટ ઓફ સેલ્સ (POS) ટર્મિનલ પર ફોનને ટેપ કરવાની જરૂર છે. આ પછી પેમેન્ટને ફોનથી ઓથેન્ટિકેશન કરાવવાનું રહેશે.

આ માટે યુઝરે UPI પિન નાખવો પડશે. આ રીતે ગૂગલ પે યુઝર્સ વર્ચ્યુઅલ પેમેન્ટ કરી શકશે. કંપની દાવો કરે છે કે ટૅપ ટુ પે સુવિધા QR કોડ સ્કેન કરવા અને UPE-લિંક્ડ મોબાઇલ નંબર દાખલ કરવા કરતાં વધુ અનુકૂળ રહેશે.

ટેપ ટુ પે સુવિધા ફક્ત UPI વપરાશકર્તાઓ માટે જ ઉપલબ્ધ હશે, જેઓ Pine લેબ્સ એન્ડ્રોઇડ POS ટર્મિનલ પર દેશભરમાં ગમે ત્યાં તેમના NFC- ઈનેબલ્ડ સ્માર્ટફોનનો ઉપયોગ કરીને ચૂકવણી કરી શકશે. આ સુવિધા રિલાયન્સ રિટેલ અને ફ્યુચર રિટેલ અને સ્ટારબક્સ મર્ચન્ટ્સ પર ઉપલબ્ધ છે.

Tap to Pay ફીચરનો ઉપયોગ કેવી રીતે કરવો

  1. ટેપ ટુ પે ફીચર માટે ફોનમાં NFC ફીચર હોવું જરૂરી છે. તેનો ઉપયોગ કરવા માટે તમારે તમારા ફોનમાં NFC વિકલ્પ ચાલુ કરવો આવશ્યક છે.
  2. ત્યાર બાદ તમારે તમારો ફોન અનલોક કરવાનો રહેશે. ત્યારબાદ તમારે POS ટર્મિનલની નજીક પહોંચીને ફોન પર ટેપ કરવાનું રહેશે.
  3. પછી Google Pay આપમેળે ખુલશે.
  4. બાદ પેમેન્ટ કન્ફર્મ કરવું પડશે. ત્યાર બાદ UPI પિન નાખવો પડશે.
  5. તે પછી તમારું પેમેન્ટ પૂર્ણ થઈ જશે.

આ પણ વાંચો: The Kashmir Files BO Collection: શું ‘ધ કાશ્મીર ફાઇલ્સ’નું બોક્સ ઓફિસ કલેક્શન ઓછું થઈ ગયું? જાણો અત્યાર સુધીમાં કેટલા કરોડની કરી કમાણી

આ પણ વાંચો: Himachal Pradesh Assembly Election 2022: હિમાચલની આ 16 વિધાનસભા સીટ પર જીત-હારમાં મહિલાઓની નિર્ણાયક ભૂમિકા, વોટ માટે રણનીતિ બનાવી રહી છે પાર્ટીઓ


Follow us on

Related Stories

Most Read Stories

Click on your DTH Provider to Add TV9 Gujarati