Cyber Fraud: બદલી ગયો છે સાઈબર ક્રાઈમનો હેલ્પલાઈન નંબર, હવે આ નંબર પર કરી શકાશે ફરિયાદ
Cyber Dost: જો તમે કોઈ સામાન લઈ રહ્યા છો, તો માત્ર કેશ ઓન ડિલિવરીનો વિકલ્પ પસંદ કરો. આ સાથે, તમારી બેંક વિગતો સાયબર ગુનેગારો સુધી પહોંચી શકશે નહીં.
સાયબર ક્રાઈમ (Cyber crime)સંબંધિત ફરિયાદો નોંધવા માટેનો હેલ્પલાઈન નંબર બદલાઈ ગયો છે. ઓનલાઈન છેતરપિંડી સંબંધિત કોઈપણ ઘટનાની ફરિયાદ નોંધાવવા માટે હવે તમારે હેલ્પલાઈન નંબર 155260ને બદલે 1930 ડાયલ કરવો પડશે. આ માહિતી ગૃહ મંત્રાલયના ટ્વિટર હેન્ડલ સાયબર દોસ્તે (Cyber Dost)આપી છે. જેમ જેમ ઈન્ટરનેટનો ઉપયોગ વધી રહ્યો છે, સાયબર ફ્રોડ (Cyber Fraud)ના કિસ્સાઓ પણ એ જ ઝડપે વધી રહ્યા છે. સાયબર ઠગ લોકો અવનવા યુક્તિઓ અપનાવીને છેતરપિંડી કરી રહ્યા છે. બેંકોથી લઈને તમામ નાણાકીય સેવા પ્રદાતાઓ અને સરકાર સુધી, સમયાંતરે, લોકો ઑનલાઇન છેતરપિંડી વિશે ચેતવણી આપતા રહે છે.
સરકારે સાયબર ફ્રોડ સંબંધિત કેસ માટે હેલ્પલાઈન નંબર પણ જાહેર કર્યા છે. દિલ્હી પોલીસે ઓનલાઈન છેતરપિંડી સંબંધિત ફરિયાદો માટે એક નવો હેલ્પલાઈન નંબર 1900 પણ શેર કર્યો છે. જો તમારી સાથે ઈન્ટરનેટ સંબંધિત કોઈ ગુનો થયો હોય તો તમે આ નંબર પર કોલ કરીને તમારી ફરિયાદ નોંધાવી શકો છો. આ સિવાય તમે સાયબર ક્રાઈમની વેબસાઈટ www.cybercrime.gov.in પર પણ તમારી ફરિયાદ નોંધાવી શકો છો.
વધી રહી છે ઘટનાઓ
ડિજિટાઈઝેશનના યુગમાં સાયબર ગુનાઓની સંખ્યામાં જબરદસ્ત વધારો થઈ રહ્યો છે. લોકોને છેતરવા માટે છેતરપિંડી કરનારાઓ અવનવી યુક્તિઓ અપનાવતા રહે છે. આવી સ્થિતિમાં, તમારે ખૂબ કાળજી લેવાની જરૂર છે. લોકોને છેતરવા માટે, છેતરપિંડી કરનારાઓ સોશિયલ મીડિયા પ્લેટફોર્મનો ઉપયોગ કરે છે. કારણ કે, લોકો તેમનો મોટાભાગનો સમય સોશિયલ મીડિયા સાઇટ્સ પર જ વિતાવે છે. સાયબર ગુનેગારો સોશિયલ મીડિયા સાઈટ પર વિવિધ પ્રકારના ડિસ્કાઉન્ટનો લોભ બતાવીને લોકોને લૂંટે છે.
આ બાબતો ધ્યાનમાં રાખો
બમ્પર ડિસ્કાઉન્ટ, લોટરી જીતવા અથવા ઇનામો જીતવા માટે સોશિયલ મીડિયા પર જાહેરાતોનો શિકાર ન થાઓ. જો તમે પણ ડિસ્કાઉન્ટ એડવર્ટાઈઝમેન્ટ જોઈને કોઈ શોપિંગ કરવાનું વિચારી રહ્યા છો, તો સૌથી પહેલા તે વેબસાઈટ વિશે સારી રીતે જાણી લો. નોંધ કરો કે વેબસાઇટની રિર્ટન પોલિસી શું છે. જો કંઈપણ શંકાસ્પદ લાગતું હોય, તો ખરીદી કરશો નહીં.
જો તમે કોઈ સામાન લઈ રહ્યા છો, તો માત્ર કેશ ઓન ડિલિવરીનો વિકલ્પ પસંદ કરો. આ સાથે, તમારી બેંક વિગતો સાયબર ગુનેગારો સુધી પહોંચી શકશે નહીં.
આ પણ વાંચો: Viral: ચાલતા-ચાલતા અચાનક પાણીમાં પણી ગયો સિંહ, લોકોએ કહ્યું નજર હટી દુર્ધટના ઘટી
