Cyber Crime : ઓનલાઈન થયું છે સ્કૈમ? અહીં ઘરે બેસીને કરો ફરિયાદ
Cyber fraud : જો તમે ઓનલાઈન શોપિંગ કરો છો તો આ માહિતી તમારા માટે ઉપયોગી છે. આ પછી જો તમે ક્યારેય ઓનલાઈન ફ્રોડનો શિકાર થશો, તો તમે ઘરે બેસીને ફરિયાદ કરી શકશો. આ માટે તમારે ક્યાંય જવાની જરૂર નહીં પડે, તમારી સુનાવણી ઘરે બેસીને થશે.
આ દિવસોમાં સાયબર ક્રાઈમના અનેક કિસ્સાઓ સામે આવી રહ્યા છે. દર વખતે સ્કેમર્સ લોકોને છેતરવા માટે નવી રીત સાથે આવે છે. એવું નથી કે લોકો કૌભાંડો વિશે જાણતા નથી, એટલું જ છે કે તેઓ ક્યારે છેતરપિંડી કરનારાઓની જાળમાં ફસાઈ જાય છે તેનો ખ્યાલ નથી આવતો.
બમણા પૈસાની લાલચ હોય કે ડિસ્કાઉન્ટ, સ્કેમર્સ કોઈપણ નબળાઈનો લાભ લઈને સરળતાથી છેતરપિંડી કરે છે. આવી સ્થિતિમાં શું કરવું તે અમે તમને જણાવીશું. તમે ઘરે બેઠા ફરિયાદ કરી શકો છો અને તમને સાંભળવામાં આવશે. તમારે અહીં માત્ર ઓનલાઈન ફરિયાદ કરવાની રહેશે.
ઓનલાઈન સ્કેમ અંગેની અહીં કરો ફરિયાદ
- જો તમારી સાથે ઓનલાઈન છેતરપિંડી થઈ હોય, તો તમે આ સરકારી વેબસાઈટ પર તેની ફરિયાદ કરી શકો છો. આ માટે તમારે સૌથી પહેલા https://cybercrime.gov.in/ આ લિંક પર જવું પડશે. તમે તમારું નામ જાહેર કર્યા વિના પણ આ વેબસાઇટ પર ફરિયાદ કરી શકો છો.
- વેબસાઈટ પર ગયા પછી, File a complaint ના ઓપ્શન પર ક્લિક કરો. આ પછી અહીં આપેલા તમામ ટર્મ્સ અને કન્ડિશન સ્વીકારો. આ પછી તમે આગલા પેજ પર જશો. અહીં Report other cybercrime ના વિકલ્પ પર ક્લિક કરો.
- આ કર્યા પછી citizen login વિકલ્પ પર ક્લિક કરો. તમારું નામ, ઈમેલ આઈડી અને મોબાઈલ નંબર વગેરે જેવી વિગતો અહીં ભરો. તમારા રજિસ્ટર નંબર પર OTP આવશે, OTP ભરો અને કેપ્ચા દાખલ કરો, પછી સબમિટ કરો.
- અહીં તમને ચાર વિભાગો બતાવવામાં આવશે. General Information, Cybercrime Information, Victim Information અને Preview, આ વિભાગોમાં તમામ જરૂરી વિગતો ભરો.
- બધી વિગતો યોગ્ય રીતે ભરાઈ છે કે નહીં તે તપાસ્યા પછી સબમિટ કરો. હવે કેસ સાથે સંબંધિત સ્ક્રીનશોટ અને ફાઇલો અહીં શેર કરો. આ બધી વિગતો દાખલ કર્યા પછી, સેવ અને નેક્સ્ટના વિકલ્પ પર ક્લિક કરો.
જો તમને કોઈ પર શંકા હોય તો માહિતી આપો
જો તમને કોઈ વ્યક્તિ ઉપર શંકા હોય તો કૃપા કરીને તેના વિશે પણ જાણ કરો. માહિતીને યોગ્ય રીતે ચકાસ્યા પછી સબમિટ કરો. ફરિયાદ નોંધાયા બાદ તમને મેસેજ અને ઈમેલ બંને પ્રાપ્ત થશે.
Cyber Crime Helpline Number
જો તમે ઓનલાઈન ફરિયાદ કરવા માંગતા ન હોવ તો તમારી પાસે ફરિયાદ કરવા માટે અન્ય વિકલ્પો ઉપલબ્ધ છે. જો તમે ઈચ્છો તો સાયબર ક્રાઈમ હેલ્પલાઈન નંબર પર કોલ કરીને પણ ફરિયાદ કરી શકો છો. આ માટે તમારે 1930 પર કોલ કરવાનો રહેશે. આ નેશનલ સાયબર ક્રાઈમ હેલ્પલાઈન નંબર છે.
જો તમારી સાથે નાણાંકીય છેતરપિંડી થઈ હોય તો તમે આ નંબર પર કૉલ કરી શકો છો અને નામ, કોન્ટેક્ટ ડિટેલ, તમારા ખાતાની વિગતો અને જે ખાતામાં પૈસા ટ્રાન્સફર કરવામાં આવ્યા હતા. તેની વિગતો જેવી કેટલીક મહત્વપૂર્ણ માહિતી આપીને ફરિયાદ નોંધાવી શકો છો.
