Cyber Attack: PF ની વેબસાઇટ પર મોટો સાયબર હુમલો, 28 કરોડ ખાતાધારકોની અંગત માહિતી હેકર સુધી પહોંચી

પ્રથમ IPમાંથી 280,472,941 ડેટા લીક અને બીજા IPમાંથી 8,390,524 ડેટા લીક થયા છે. હજુ સુધી હેકરની ઓળખ થઈ શકી નથી, જેના પછી આ ડેટા પહોંચ્યો છે. આ સિવાય હજુ સુધી DNS સર્વરની માહિતી મળી નથી.

UANImage Credit source: Google

TV9 Gujarati | Edited By: Pankaj Tamboliya | Updated on: Aug 09, 2022 | 1:40 PM

પ્રોવિડન્ટ ફંડ (PF)ના 28 કરોડથી વધુ ખાતાધારકોના ખાતાની માહિતી લીક થઈ ગઈ છે. રિપોર્ટ અનુસાર, PF વેબસાઈટનું આ હેકિંગ આ મહિનાની શરૂઆતમાં થયું હતું. યુક્રેનના સાયબર સુરક્ષા સંશોધક બોબ ડિયાચેન્કો (Bob Diachenko)આ માહિતી આપી છે. બોબે આ હેકિંગ વિશે 1 ઓગસ્ટ, 2022ના રોજ એક LinkedIn પોસ્ટ દ્વારા માહિતી આપી હતી. આ ડેટા લીકમાં UAN નંબર, નામ, વૈવાહિક સ્થિતિ, આધાર કાર્ડની સંપૂર્ણ વિગતો, લિંગ અને બેંક ખાતાની સંપૂર્ણ વિગતો શામેલ છે. ડિયાચેન્કોના જણાવ્યા અનુસાર, આ ડેટા બે અલગ-અલગ IP એડ્રેસ પરથી લીક થયો છે. આ બંને IP Microsoft’s Azure cloud સાથે જોડાયેલા હતા.

પ્રથમ IPમાંથી 280,472,941 ડેટા લીક અને બીજા IPમાંથી 8,390,524 ડેટા લીક થયા છે. હજુ સુધી હેકરની ઓળખ થઈ શકી નથી, જેના પછી આ ડેટા પહોંચ્યો છે. આ સિવાય હજુ સુધી DNS સર્વરની માહિતી મળી નથી. અત્યાર સુધી આ અંગે કોઈ માહિતી મળી નથી કે 28 કરોડ યુઝર્સનો ડેટા ઓનલાઈન ક્યારથી ઉપલબ્ધ છે. હેકર્સ આ ડેટાનો ખોટો ઉપયોગ પણ કરી શકે છે. લીક થયેલી માહિતીના આધારે લોકોની નકલી પ્રોફાઇલ પણ બનાવી શકાય છે.

બોબ ડિયાચેન્કોએ ઈન્ડિયન કોમ્પ્યુટર ઈમરજન્સી રિસ્પોન્સ ટીમ (CERT-In)ને પણ આ ડેટા લીક અંગે જાણ કરી છે. રિપોર્ટ મળ્યા પછી, CERT-IN એ સંશોધકને ઈ-મેલ દ્વારા અપડેટ આપ્યું છે. CERT-IN એ કહ્યું છે કે બંને IP એડ્રેસ 12 કલાકની અંદર બ્લોક કરી દેવામાં આવ્યા છે. હજુ સુધી કોઈ એજન્સી કે હેકરે આ હેકિંગની જવાબદારી લીધી નથી.

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

EPFO વેબસાઇટ

તમે EPFO વેબસાઈટ પર જઈને PF બેલેન્સ ચેક કરી શકો છો. વેબસાઇટ પર, ‘મેમ્બર પાસબુક’ પર જાઓ જે કર્મચારી વિભાગમાં ઉપલબ્ધ છે. અહીં UAN અને પાસવર્ડ નાખીને લોગિન કરો અને PF પાસબુક જુઓ. અહીં તમે તમારા પોતાના પૈસા અને કંપની દ્વારા જમા કરાયેલા પૈસા અલગથી જોશો. PFનું ઓપનિંગ અને ક્લોઝિંગ બેલેન્સ પણ બતાવવામાં આવશે. પીએફ પર મળતું વ્યાજ પણ દેખાશે. જો તમારા UAN સાથે એક કરતાં વધુ PF એકાઉન્ટ લિંક છે તો તમામ એકાઉન્ટનું બેલેન્સ બતાવવામાં આવશે.

EPFO સબ્સ્ક્રાઇબર પોર્ટલ પર લોગ ઈન કરીને પણ પોતાનું PF બેલેન્સ ચેક કરી શકે છે. તમારે આ લિંક પર જવું પડશે- epfindia.gov.in/site_en/index.php સરળ સ્ટેપ્સ દ્વારા તમે બેલેન્સ ચેક કરી શકો છો

TV9 ગુજરાતી ચેનલ ફોલો કરો