iPhoneની આ ખામી માટે Apple આપશે વળતર, શું તમે પણ કરો છો આ મોડલનો ઉપયોગ ?
એપલ ઈમેલ દ્વારા તે યુઝર્સની જાણકારી આપશે કે જેમને આ વળતર આપવામાં આવશે. જેના પછી જ યુઝર્સના ખાતામાં વળતરની રકમ જમા થશે. જો તમે પણ iPhone યુઝર છો તો તમારા માટે આ સમાચાર જાણવું ખૂબ જ જરૂરી છે.
જો તમે iPhone યુઝર છો તો તમારા માટે ખૂબ જ મહત્વપૂર્ણ સમાચાર છે. કોર્ટે એપલને આદેશ આપ્યો છે કે તેણે તેના યુઝર્સને 35 મિલિયન ડોલરનું વળતર ચૂકવવું પડશે. જો આ વળતરને યુઝર્સમાં વહેંચવામાં આવે તો દરેક યુઝરને લગભગ 29 હજાર રૂપિયા મળશે.
તમને જણાવી દઈએ કે એપલ ઈમેલ દ્વારા તે યુઝર્સની જાણકારી આપશે કે જેમને આ વળતર આપવામાં આવશે. જેના પછી જ યુઝર્સના ખાતામાં વળતરની રકમ જમા થશે. જો તમે પણ iPhone યુઝર છો, તો તમારા માટે આ સમાચાર જાણવું ખૂબ જ જરૂરી છે.
કોને મળશે વળતર ?
એપલના ઘણા ગ્રાહકોને કંપની તરફથી વળતર મળી શકે છે. આ તે ગ્રાહકો માટે હશે જેમની પાસે iPhone 7 અથવા 7 Plus છે. ગ્રાહકોને આ સ્માર્ટફોન્સમાં ઓડિયો સમસ્યાઓનો સામનો કરવો પડ્યો હતો. 2019માં કેલિફોર્નિયાની ઉત્તરી જિલ્લા અદાલતમાં એપલ વિરુદ્ધ કેસ દાખલ કરવામાં આવ્યો હતો. તેમાં દાવો કરવામાં આવ્યો હતો કે iPhone 7 અને 7 Plusમાં ‘ઑડિયો IC’ ચિપ સંબંધિત ઓડિયો સમસ્યાઓ હતી.
કેસ જીત્યા બાદ વળતર આપવામાં આવશે
હાલમાં આ કેસ વિચારણા હેઠળ છે અને તેની સુનાવણીમાં થોડો સમય લાગશે. જો એપલ પોતાની ભૂલ સ્વીકારે છે અથવા તે દોષી સાબિત થાય છે, તો એપલને 35 મિલિયન ડોલરનું વળતર ચૂકવવું પડશે. આ વળતર ફક્ત અમેરિકન આઇફોન યુઝર્સને જ મળશે.
જે યુઝર્સ પાસે 16 સપ્ટેમ્બર, 2016 થી 3 જાન્યુઆરી, 2023 વચ્ચે iPhone 7 અથવા 7 Plus હતો. તે પણ જરૂરી છે કે આ યુઝર્સે ઓડિયો સમસ્યાની જાણ કરી હોય અથવા એપલને રિપેર માટે પૈસા ચૂકવ્યા હોય. આવા લોકો જ સેટલમેન્ટના ભાગ માટે પાત્ર છે. સેટલમેન્ટમાં ભાગ લેવા માંગતા ગ્રાહકોએ 3 જૂન, 2024 સુધીમાં ઓનલાઈન ફોર્મ સબમિટ કરવાનું રહેશે.
ભારતીય યુઝર્સને લાભ નહીં મળે
જો કોઈ ભારતીય યુઝર iPhone 7 અથવા 7 Plus નો ઉપયોગ કરે છે અને તેને પણ ઓડિયો સંબંધિત કોઈ સમસ્યાનો સામનો કરવો પડ્યો છે. તો પણ તે આ વળતરનો હકદાર રહેશે નહીં. આ કેસ માત્ર અમેરિકન આઇફોન યુઝર્સના હિતને ધ્યાનમાં રાખીને કરવામાં આવ્યો છે.
