T-20 લીગ: બેંગ્લોરે રાજસ્થાન સામે 7 વિકેટે રોમાંચક વિજય મેળવ્યો, ડીવીલીયર્સના 22 બોલમાં 55 રન
ટી-20 લીગની રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે મેચ યોજાઈ. રાજસ્થાન રોયલ્સે ટોસ જીતીને પ્રથમ બેટીંગ કરવાનો નિર્ણય કર્યો હતો. દુબઈ આંતરરાષ્ટ્રીય સ્ટેડીયમ પર રમાઈ રહેલી મેચમાં રાજસ્થાને એક સારી શરુઆત કરી હતી. પ્રથમ ઈનીંગ દરમ્યાન કેપ્ટન સ્ટિવ સ્મિથે ઝડપી રમત રમીને અડધીસદી ફટકારી. રાજસ્થાને પ્રથમ બેટીંગની 20 ઓવરના અંતે છ વિકેટ ગુમાવીને 177 […]
ટી-20 લીગની રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે મેચ યોજાઈ. રાજસ્થાન રોયલ્સે ટોસ જીતીને પ્રથમ બેટીંગ કરવાનો નિર્ણય કર્યો હતો. દુબઈ આંતરરાષ્ટ્રીય સ્ટેડીયમ પર રમાઈ રહેલી મેચમાં રાજસ્થાને એક સારી શરુઆત કરી હતી. પ્રથમ ઈનીંગ દરમ્યાન કેપ્ટન સ્ટિવ સ્મિથે ઝડપી રમત રમીને અડધીસદી ફટકારી. રાજસ્થાને પ્રથમ બેટીંગની 20 ઓવરના અંતે છ વિકેટ ગુમાવીને 177 રન કર્યા હતા. ક્રિસ મોરીસે ચાર વિકેટ ઝડપી ઝડપી હતી. બેંગ્લોરે વળતા જવાબમાં 177 રનના સ્કોરનો પીછો કરતા 179 રન કરીને ત્રણ વિકેટ ગુમાવીને બેંગ્લોરે રોમાંચક મેચમાં જીત મેળવી હતી. ડીવીલીયર્સે જીતના હીરો સમાન 22 બોલમાં 55 રન કર્યા હતા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોયલ ચેલેન્જર્સ ની બેટીંગ
વળતા જવાબમાં બેંગેલોરે રક્ષણાત્મક બેટીંગ રમીને શરુઆત કરી હતી. જો કે 23 રનના સ્કોર પર જ પ્રથમ વિકેટ એરોન ફીંચના રુપમાં ગુમાવી હતી. દેવદત્ત પડીક્કલે 35 રન કર્યા હતા. જ્યારે ફીંચ 14 રન કર્યા હતા. વિરાટ કોહલીએ 43 રન કર્યા હતા. આમ બેંગ્લોરે વિકટ ઝડપથી ગુમાવ્યા વિના સ્કોર બોર્ડને ફેરવ્યુ હતુ. અંતમાં જો કે એબી ડીવિલીયર્સે ઝડપથી બેટ ગુમાવતા બેંગ્લોર મેચ પર પકડ બનાવી હતી. એક સમયે બેંગ્લોરની રક્ષણાત્મક રમત ભારે પડવાની સ્થિતી લાગી રહ્યી હતી. પરંતુ ડીવીલીયર્સની રમતે જાણે ચમત્કારીક લાગવા લાગી હતી. તેણે 22 બોલમાં જ 55 રન કરીને 250ની સ્ટ્રાઇક રેટથી રમત રમ્યો હતો. વિજયી સિક્સર લગાવીને તેણે બેંગ્લોરને જીત અપાવી અણનમ રહ્યો હતો.
રાજસ્થાનની બોલીંગ
શ્રેયસ ગોપાલ, કાર્તિક ત્યાગી અને રાહુલ તેવટીયાએ એક એક વિકેટ ઝડપી હતી. ઉનડકટ ચાર ઓવરમાં 46 રન આપ્યા હતા. જ્યારે જોફ્રા આર્ચરે પણ 10 રનની ઈકોનોમીથી રન આપ્યા હતા. જો કે તેવટીયાએ ચાર ઓવરમાં 30 રન આપ્યા હતા.
રાજસ્થાનની બેટીંગ
રાજસ્થાન રોયલ્સે આજે એક મકક્મતા સભર રમત રમ્યુ હતુ, પાછળની કેટલીક મેચોમાં રાજસ્થાને જે પ્રમાણે ઉતાવળ કરીને વિકેટો ઝડપથી ગુમાવીને મેચમાંથી બહાર ફેંકાતુ રહ્યુ હતુ, તેની સામે એક સારી રમત જોવા મળી હતી. કેપ્ટન સ્મિથે અડધીસદી ફટકારી હતી. તેણે ઝડપથી રમત મધ્યમક્રમમાં આવીને રમી હતી. ક્રિઝ મોરીસના બોલ પર કેચ આઉટ થયેલા સ્મિથે 36 બોલમાં 57 રન કર્યા હતા. રોબિન ઉથપ્પાએ ઓપનીંગ બેટીંગ કરવા દરમ્યાન આજે ક્રિઝ પર ટકીને 22 બોલમાં 41 રન કર્યા હતા. બેન સ્ટોક્સે 19 બોલમાં 15 રન કર્યા હતા. સંજુ સૈમસન વધુ એક વાર નિષ્ફળ રહ્યો હતો, તેણે માત્ર 09 રન કર્યા હતા. જોસ બટલરે 24 રન કર્યા હતા. રાહુલ તેવટીયા 19 રન કરી અણનમ રહ્યો હતો.
બેંગ્લોરની બોલીંગ
ક્રિસ મોરીસે આજે રાજસ્થાનની ચાર વિકેટ ઝડપી હતી. આફ્રીકી બોલર આજે રાજસ્થાન પર જાણે કે આફતની જેમ તુટ્યો હતો. પરંતુ અન્ય બોલરે ખાસ પ્રદર્શન નહીં કરી શકતા રાજસ્થાન જો કે મોરીસના આક્રમણ વચ્ચે પણ સ્કોર ખડકી શક્યુ હતુ. મોરીસે ચાર ઓવરમાં 26 રન આપ્યા હતા. યુઝવેન્દ્રસિંહ ચહલે ચાર ઓવરમાં 34 રન આપીને બે વિકેટ ઝડપી હતી. ઇસુરુ ઉડાનાએ ફરી એકવાર રનમાં ખર્ચાળ રહ્યો હતો અને તેણે ત્રણ ઓવરમાં જ 43 રન લુટાવ્યા હતા.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો