T-20: સંજય માંજરેકરે જસપ્રિત બુમરાહને મેન ઓફ ધ મેચ તરીકે પસંદ કરવાને લઇને ઉઠાવ્યા સવાલ

Web Stories View more

IPL 2024માં સુનિલ નારાયણની બેટિંગનો જાદુ, જુઓ ક્યારે શું કર્યું

રસોડાના ફ્લોર પર પડેલા સિલિન્ડરના ડાઘ આ રીતે કરો સાફ

SBI પાસેથી 5 વર્ષ માટે રૂપિયા 25 લાખની હોમ લોન પર EMI કેટલી ચૂકવવી પડશે?

ગરમીમાં કોલ્ડ ડ્રિંક પીતા લોકો સાવધાન ! સ્વાસ્થ્ય પર થશે તેની ગંભીર અસરો

કરીના કપૂરને મળી મોટી જવાબદારી, જુઓ ફોટો

ઘરમાં એકથી વધુ તુલસીના છોડ રાખવા જોઈએ કે નહીં? જાણી લો

ટી-20 લીગની 13 મી સિઝનમાં પ્રથમ ક્વોલીફાયર મેચમાં મુંબઇ ઇન્ડિયન્સ અને દિલ્હી કેપીટલ્સ વચ્ચે મેચ રમાઇ. જેમાં દિલ્હી સામે મુંબઇની ટીમે એક પક્ષીય જીત હાંસલ કરી હતી. આ જીત બાદ મુંબઇની ટીમ છઠ્ઠી વાર ટી-20 લીગની ફાઇનલમાં પ્રવેશ મેળવી છે. આ મેચમાં ઇશાન કિશન અને હાર્દીક પંડ્યા તોફાની રમત રમીને ટીમનો સ્કોર 200 રન સુધી પહોંચાડ્યો હતો.

પ્રથમ બેટીંગ કરતા મુંબઇની બેટીંગ કંઇ અંશે સારી રહી નહોતી. પરંતુ કેપ્ટન રોહીત શર્માના આઉટ થવા બાદ ક્વિંન્ટન ડિકોકે ઇનીંગને સંભાળી. 3 સતત ઝટકા વાગવાને લઇને મુંબઇની રમત પણ ધીમી બની  હતી. પરંતુ ઇશાન કિશન અને હાર્દીક પંડ્યાએ સ્કોરને આગળ વધાર્યો હતો.

ઇશાને 30 બોલમાં 55 અને હાર્દિકે 14 બોલમાં 37 રનની પારી રમી હતી. આમ ટીમને 200 રન સુધી પહોંચાડી દીધી. દિલ્હીની ટીમને ટ્રેન્ટ બોલ્ટ અને જસપ્રિત બુમરાહે શરુઆતી ઓવરોમાં જ 4 ઝટકા આપીને દિલ્હીને બેકફુટ પર ધકેલી દીધી હતી.

બુમરાહે 14 રન આપીને ચાર વિકેટ ઝડપી હતી. જ્યારે બોલ્ટે બે ઓવરમાં 09 રન આપીને બે વિકેટ ઝડપી હતી. બુમરાહને તેની બોલીંગ પ્રદર્શનને લઇને મેન ઓફ ધ મેચ તરીકે પસંદ કરવામાં આવ્યો હતો.

પુર્વ ભારતીય ક્રિકેટર સંજય માંજરેકરે કહ્યુ છે કે, ભલે બુમરાહે શાનદાર બોલીંગ કરી હોય પરંતુ મેચને તો બેટસમેનોએ બનાવી હતી. તેણે ટ્વીટ કરીને લખ્યુ છે કે, જ્યારે તમે મેન ઓફ ધ મેચ તરીકે એવોર્ડને પસંદ કરો છો, ત્યારે એ ચોક્કસ જોવુ જોઇએ કે અડધા સમય સુધી મેચ કેવી ચાલી હતી. મુંબઇ ની ટીમે બેટીંગ કરીને જ મેચને પોતાના પક્ષે કરી લીધી હતી. આ કારણે મને લાગે છે કે, જીતનો પ્રભાવ બેટ્સમેનો દ્રારા બનાવવામાં આવ્યો હતો. બોલ્ટ અને બુમરાહનુ હું પુરપુરુ સન્માન કરુ છુ. પરંતુ માનુ છુ કે મેન ઓફ ધ મેચ તો બેટ્સમેનોને જ આપવો જોઇએ.

When adjudicating the MOM award one must look at how the game was placed at the half way stage, MI had almost sealed the game with their batting. So the match winning impact was made by batsmen. With due respect to Boult & Bumrah, MOM should have been a batsman. #MIvDC

— Sanjay Manjrekar (@sanjaymanjrekar) November 6, 2020