Shardul thakur : માન્ચેસ્ટર ટેસ્ટ પહેલા ટીમ ઇન્ડિયામાં શું ચાલી રહ્યું હતું, શાર્દુલ ઠાકુરે કહી સમગ્ર વાત
ઇંગ્લેન્ડ સામે માન્ચેસ્ટર ખાતે 5 મી ટેસ્ટ રદ થયા બાદથી જ ભારતીય ક્રિકેટ ટીમની ઘણી ટીકા થઈ રહી છે. જોકે, શાર્દુલ ઠાકુરે ખુલાસો કર્યો છે કે, ખેલાડીઓ ખરેખર ડરી ગયા હતા.
Shardul Thakur : કોવિડ -19 વાયરસના વધુ ફેલાવાના જોખમ સાથે, ટીમ ઇન્ડિયા (Team India)એ ઇંગ્લેન્ડ સામે માન્ચેસ્ટરમાં 5 મી અને અંતિમ ટેસ્ટમાં ફિલ્ડિંગ કરવાનો ઇનકાર કર્યો હતો, હવે શાર્દુલ ઠાકુરે (Shardul Thakur)આ બાબતે મૌન તોડ્યું છે.
ટીમ ઇન્ડિયા (Team India)માં કોવિડના કેસના કારણે માન્ચેસ્ટરમાં રમાનારી ભારત અને ઇંગ્લેન્ડ વચ્ચેની પાંચમી અને છેલ્લી ટેસ્ટ મેચ રદ કરવામાં આવી હતી. કારણ કે ટીમ ઈન્ડિયાએ કોવિડના ડરને કારણે ટીમે મેદાનમાં ઉતરવાની ના પાડી હતી. સૌ પ્રથમ, ભારતીય ટીમના મુખ્ય કોચ રવિ શાસ્ત્રી કોવિડ પોઝિટિવ હોવાનું જાણવા મળ્યું હતું. આ પછી ટીમના બોલિંગ કોચ (Bowling coach)ભરત અરુણ અને પછી ફિલ્ડિંગ કોચ આર. શ્રીધર પણ આ વાયરસની ચપેટમાં આવી ગયો હતો. ટીમ ફિઝિયો નીતિન પટેલ પણ ક્વોરન્ટાઈન હતા.
પરંતુ જ્યારે ટીમના બીજા ફિઝિયો યોગેશ પરમાર (Yogesh Parmar)નો કોવિડ ટેસ્ટ પોઝિટિવ (Covid test positive) આવ્યો, ત્યારે સમગ્ર ટીમની ચિંતા વધી ગઈ. આ પછી ટીમના ખેલાડીઓએ મેદાન પર ન જવાનો નિર્ણય કર્યો હતો.
ભારતીય ટીમના આ નિર્ણય બાદ તેને ટીકાનો શિકાર પણ બનવું પડ્યું હતું. ટીમના સભ્ય શાર્દુલ ઠાકુરે હવે કહ્યું કે, જ્યારે ટીમમાં કોવિડના કેસ આવ્યા ત્યારે વાતાવરણ કેવું હતું. ત્રીજી મેચની ચોથી મેચના છેલ્લા દિવસે શાસ્ત્રી કોવિડ પોઝિટિવ (Covid positive) હોવાનું જાણવા મળ્યું હતું. આ પછી ભરત, શ્રીધર, પટેલને અલગ રાખવામાં આવ્યા હતા. ઠાકુરે (Shardul Thakur)એક ન્યુઝ એજન્સી સાથે વાત કરતા આ મામલે વાત કહી હતી. જ્યારે ઠાકુરને પૂછવામાં આવ્યું કે, શાસ્ત્રી પોઝિટિવ આવ્યા ત્યારે તેમની પ્રતિક્રિયા શું હતી?
તે સમયે મેચ ચાલી રહી હતી, તેથી દરેકનું ધ્યાન મેચ પર હતું. આ પ્રથમ વખત હતું જ્યારે અમે અમારા સપોર્ટ સ્ટાફ (Support staff)વગર હતા.
યોગેશ પરમાર પોઝિટિવ આવ્યા બાદ ડર વધ્યો
યોગેશ પરમાર (Yogesh Parmar)કોવિડથી સંક્રમિત થયા બાદ ટીમના વાતાવરણનું વર્ણન કરતા ઠાકુરે કહ્યું, “અમે ચિંતિત હતા કે, આગળ શું થશે અમને ખબર નહોતી કે વસ્તુઓ કેવી રીતે બહાર આવશે કારણ કે, વાયરસને ટ્રેક કરવું અશક્ય છે. આગામી ચાર-પાંચ દિવસ અમારા માટે ખતરનાક હતા કારણ કે, ડર હતો કે તે મારા અથવા બીજા કોઈ સાથે પણ થઈ શકે છે. દરેક વ્યક્તિને પોતાના અને તેમના પરિવારના સ્વાસ્થ્યની ચિંતા હતી. ”
ઈંગ્લેન્ડ પ્રવાસ વિશે કહ્યું
ઠાકુરે ઇંગ્લેન્ડનો સારો પ્રવાસ કર્યો હતો. તેને પ્રથમ ટેસ્ટ મેચમાં અને પછી ચોથી ટેસ્ટ મેચમાં રમવાની તક મળી. ઓવલ ખાતે રમાયેલી ચોથી ટેસ્ટ મેચમાં તેણે બેટિંગ સાથે બંને ઇનિંગમાં અડધી સદી ફટકારી હતી. કમનસીબે, હું આઇસીસી વર્લ્ડ ટેસ્ટ ચેમ્પિયનશિપ (ICC World Test Championship)ની ફાઇનલમાં રમ્યો ન હતો, પરંતુ ત્યારથી હું ઇંગ્લેન્ડ સામે રમવાની તૈયારી કરી રહ્યો હતો.
હું ટ્રેન્ટ બ્રિજ ખાતે પ્રથમ ટેસ્ટ મેચ રમ્યો હતો. મેં બોલ સાથે સારો દેખાવ કર્યો પરંતુ હું બેટિંગમાં વહેલો આઉટ થયો. હું નેટ્સમાં બેટિંગ કરતો હતો અને બેટ અને બોલ બંનેથી પ્રયત્ન કરતો હતો. તે પછી મને ઈજા થઈ અને મને ખબર પડી કે હું હવે પછીની મેચ રમી શકીશ નહીં. એકંદરે તે મારા માટે સારો પ્રવાસ હતો. ”
આ પણ વાંચો : IPL 2021: હોંશે હોંશે વિરાટ કોહલીની ટીમ RCB એ આ ખેલાડીને સમાવી લીધો, પરંતુ IPL ડેબ્યૂ પહેલા જ ફોર્મ ફ્લોપ શો થઇ ગયુ!
Latest News Updates
