Cricket News: Team Indiaનો સાથ છોડ્યા બાદ રવિ શાસ્ત્રી નવી જવાબદારી સંભાળશે, આ લીગના કમિશનર બનાવાયા
રવિ શાસ્ત્રીએ ICC T20 વર્લ્ડ કપ-2021 પછી ટીમ ઈન્ડિયાના મુખ્ય કોચનું પદ છોડી દીધું હતું અને હવે તે પછી તેઓ નવી જવાબદારીમાં જોવા મળશે.
રવિ શાસ્ત્રીએ ICC T20 વર્લ્ડ કપ-2021 બાદ ટીમ ઈન્ડિયા (Team India)ના મુખ્ય કોચનું પદ છોડી દીધું છે. શાસ્ત્રીએ પહેલા જ કહી દીધું હતું કે, તેઓ વર્લ્ડ કપ પછી તેમનો કાર્યકાળ નહીં લંબાવશે. શાસ્ત્રીને આશા હતી કે, ટીમ ઈન્ડિયા ટી20 વર્લ્ડ કપ (T20 World Cup)માં જોરદાર રમત બતાવશે પરંતુ એવું થયું નહીં.
ટીમને ટાઇટલની દાવેદાર ગણવામાં આવી રહી હતી પરંતુ તે સેમિફાઇનલમાં જગ્યા બનાવી શકી ન હતી. શાસ્ત્રીને જે વિદાયની ઈચ્છા હતી તે ન મળી. જ્યારથી શાસ્ત્રી (ravi shastri)એ કોચ પદેથી રાજીનામું આપ્યું ત્યારથી તે હવે શું કરશે તેની અટકળો ચાલી રહી છે. કોચ બનતા પહેલા તે એક મહાન કોમેન્ટેટર હતા. જોકે હવે શાસ્ત્રીને નવી જવાબદારી મળી છે. રવિ શાસ્ત્રી (ravi shastri)ને આવતા વર્ષે જાન્યુઆરીમાં શરૂ થનારી લિજેન્ડ્સ લીગ ક્રિકેટ (LLC)માં નિવૃત્ત ખેલાડીઓ માટે કમિશનર તરીકે સામેલ કરવામાં આવ્યા છે.
એલએલસીનું પ્રથમ સત્ર આવતા વર્ષે જાન્યુઆરીમાં ગલ્ફ દેશમાં યોજાવાનું છે. ભારતીય ક્રિકેટ ટીમ સાથે કોચ તરીકેનો કાર્યકાળ પૂર્ણ કરનાર શાસ્ત્રીએ એક નિવેદનમાં જણાવ્યું હતું કે, “ક્રિકેટ (Cricket)સાથે સંકળાયેલું હોવું ખૂબ જ સારું લાગે છે, ખાસ કરીને રમતના દિગ્ગજ ખેલાડીઓ સાથે જેઓ તેમના ચેમ્પિયન રહ્યા છે. તે ગંભીર ક્રિકેટની સાથે સાથે ખૂબ જ મજા આવશે. આ દિગ્ગજ નેતાઓએ ફરીથી કંઈ સાબિત કરવાની જરૂર નથી પરંતુ તેમની પ્રતિષ્ઠા દાવ પર લાગી જશે. હું તમને ખાતરી આપી શકું છું કે તેઓ તેની સાથે કેવી રીતે ન્યાય કરે છે તે જોવું રસપ્રદ રહેશે.”
આ દેશોના ખેલાડીઓ ભાગ લેશે
જોકે, જાહેર કરાયેલા નિવેદનમાં કમિશનર તરીકેની તેમની ભૂમિકાનો ઉલ્લેખ કરવામાં આવ્યો નથી. 59 વર્ષીય ભૂતપૂર્વ ખેલાડીએ કહ્યું, “હું લિજેન્ડ્સ લીગ ક્રિકેટનો ભાગ બનીને ખૂબ જ રોમાંચિત છું. આ એક અનોખી પહેલ છે અને અમે તેના માટે ખૂબ જ ઉજ્જવળ ભવિષ્ય જોઈ રહ્યા છીએ.”
આ લીગમાં ભારત, પાકિસ્તાન, શ્રીલંકા, ઓસ્ટ્રેલિયા, ઈંગ્લેન્ડના ભૂતપૂર્વ ક્રિકેટરો ભારત, એશિયા અને બાકીના વિશ્વની ટીમોનું પ્રતિનિધિત્વ કરશે. ભારતીય ટીમના ભૂતપૂર્વ ફિઝિયોથેરાપિસ્ટ એન્ડ્રુ લીપસ તેની સાથે ડિરેક્ટર (સ્પોર્ટ્સ સાયન્સ) તરીકે જોડાયેલા છે. તે લીગ સાથે જોડાયેલા ખેલાડીઓની ફિટનેસનું ધ્યાન રાખશે.
IPL ટીમના કોચ બનવાની અટકળો
શાસ્ત્રી વિશે એવા અહેવાલો પણ હતા કે, નવી ઇન્ડિયન પ્રીમિયર લીગ ફ્રેન્ચાઇઝી અમદાવાદ તેમને તેમની સાથે કોચ તરીકે સામેલ કરવા માંગે છે. આ સિવાય તેણે એ પણ સંકેત આપ્યો કે તે કોમેન્ટ્રીમાં પરત ફરી શકે છે.
આ પણ વાંચો : મહારાષ્ટ્રની ધરા ધ્રુજી ! આ જિલ્લામાં એક મહિનામાં બીજી વખત ભુકંપ આવતા લોકોમાં ભયનો માહોલ
Latest News Updates
