PM MODIએ પેરાલિમ્પિક મેડલ વિજેતાઓ સાથે વાતચીતનો વીડિયો શેર કર્યો, કહ્યું ખેલાડીઓનું મનોબળ વધશે
વડાપ્રધાન નરેન્દ્ર મોદીએ ટોક્યો પેરાલિમ્પિકમાં ભારતને ગૌરવ અપાવનારા પેરા-એથ્લેટ્સ સાથેની તેમની વાતચીતના વીડિયો શેર કર્યો છે.
PM MODI: વડાપ્રધાન નરેન્દ્ર મોદી (PM Narendra Modi)એ રવિવારે એટલે કે આજે પેરા-એથ્લેટ્સ(Para-Athletes) સાથેની તેમની વાતચીતનો વીડિયો શેર કર્યો છે, જેમણે તાજેતરમાં ટોક્યોમાં 2020 પેરાલિમ્પિક્સ (Tokyo Paralympics)માં ભારતનું પ્રતિનિધિત્વ કર્યું હતું.
આમાં આ રમતવીરો તેમજ તેમના કોચ પણ સામેલ હતા. વડાપ્રધાને ગુરુવારે નવી દિલ્હીમાં તેમના નિવાસસ્થાને આનું આયોજન કર્યું હતું. વાતચીતના વીડિયો ફૂટેજમાં મોદી મલ્ટિ-સ્પોર્ટ્સ ઈવેન્ટમાં રેકોર્ડબ્રેક ઐતિહાસિક પ્રદર્શન માટે પેરાલિમ્પિક સ્ટાર્સને અભિનંદન આપતા જોવા મળ્યા હતા.
જોકે ભારતના એથ્લેટ્સ(Para-Athletes) 1984થી પેરાલિમ્પિક્સમાં ભાગ લે છે, આ વર્ષની ઈવેન્ટ દેશ માટે અત્યાર સુધીની સૌથી સફળ પેરાલિમ્પિક સિઝન સાબિત થઈ છે. રમતવીરોએ કુલ 19 મેડલ જીત્યા – પાંચ ગોલ્ડ, આઠ સિલ્વર અને છ બ્રોન્ઝ મેડલ. આ પેરાલિમ્પિક (Paralympics)પહેલા ભારતે અગાઉની તમામ પેરાલિમ્પિક રમતોમાં દરેક રંગના 4 મેડલ સાથે સંયુક્ત 12 મેડલ જીત્યા હતા.
Interacting with our champions… #Paralympics https://t.co/IKVreoh5f3
— Narendra Modi (@narendramodi) September 12, 2021
ખેલાડીઓની સિદ્ધિઓ રમત સમુદાયનું મનોબળ બનશે
પેરાલિમ્પિયન્સના ઉત્કૃષ્ટ પ્રદર્શનની પ્રશંસા કરતા વડાપ્રધાને કહ્યું કે તેમની સિદ્ધિઓ હવે દેશના સમગ્ર રમત સમુદાયના મનોબળને નોંધપાત્ર રીતે વધારશે. તેમણે કહ્યું કે પેરા-એથ્લેટ્સ (Para-athletes) દ્વારા કરવામાં આવેલા પરાક્રમો વધુ ઉભરતા ખેલાડી (Player)ઓને ભારતમાંથી બહાર આવવા અને આંતરરાષ્ટ્રીય મંચ પર પોતાનું નામ બનાવવા માટે પ્રોત્સાહિત કરશે, તેમણે ઉમેર્યું હતું કે દેશનો એક વર્ગ રમતગમતની વિવિધતા વિશે વધારે જાણતો નથી.
ખેલાડીઓએ પીએમ મોદીનો આભાર વ્યક્ત કર્યો
વડાપ્રધાને રમતવીરોને કહ્યું કે આજે તેઓ બધા તેમની મહેનત માટે પ્રખ્યાત છે. તે તમામ લોકોને પ્રેરણા આપી શકે છે, મોટા પરિવર્તન લાવવામાં મદદ કરી શકે છે. તેણે કહ્યું કે તે હંમેશા ખેલાડીઓ સાથે રહેશે. તે જ સમયે પેરા-રમતવીરો (Para-athletes)એ કહ્યું કે, તેઓ દેશના વડાપ્રધાન સાથે એક ટેબલ શેર કરીને સન્માનિત છે અને તેને તેમના પુસ્તકોમાં બીજી સિદ્ધિ ગણાવી છે.
કેટલાક રમતવીરોએ વડાપ્રધાન મોદી (Prime Minister Modi)ને તેમના ઓટોગ્રાફ સાથે રમતના સાધનો પણ ભેટમાં આપ્યા હતા, જેણે તેમને ટોક્યો પેરાલિમ્પિક્સમાં મેડલ જીતાડ્યો હતો. તમામ મેડલ વિજેતાઓ દ્વારા સહી કરેલ સ્ટોલ પણ પ્રધાનમંત્રી સમક્ષ રજૂ કરવામાં આવી હતી. ટોક્યોમાં 2020 પેરાલિમ્પિક્સ આ વર્ષે 24 ઓગસ્ટથી 5 સપ્ટેમ્બર દરમિયાન આયોજન કરવામાં આવ્યું હતુ.
આ પણ વાંચો : Cricket News: 18 વર્ષ પછી પાકિસ્તાન પહોંચી આ ક્રિકેટ ટીમ, આતંકીઓની ગોળીઓનો સામનો કરનાર ખેલાડી પણ પાકિસ્તાન પહોંચ્યો
