Wrestlers Protest: જંતર-મંતર પર ફરી રેસલર્સના ધરણા, બ્રિજ ભૂષણ સિંહ વિરુદ્ધ ફરી અવાજ ઉઠાવ્યો
બજરંગ પૂનિયા, વિનેશ ફોગાટ અને સાક્ષી મલિક જેવા દિગ્ગજ ખેલાડીઓ સહિતના રેસલર્સે દિલ્હીના જંતર-મંતર પર ધરણા શરુ કર્યા છે. આ પહેલા તમામ રેસલર્સે વર્ષ 2023ના જાન્યુઆરી મહિનામાં બ્રિજભૂષણ વિરુદ્ધ ધરણા કર્યા હતા.
ભારતીય કુશ્તી મહાસંઘના અધ્યક્ષ બ્રિજ ભૂષણ સિંહ વિરુદ્ધ ફરી એકવાર દેશના દિગ્ગજ રેસલર્સે અવાજ ઉઠાવ્યો છે. બજરંગ પૂનિયા, વિનેશ ફોગાટ અને સાક્ષી મલિક જેવા દિગ્ગજ ખેલાડીઓ સહિતના રેસલર્સે દિલ્હીના જંતર-મંતર પર ધરણા શરુ કર્યા છે. આ પહેલા તમામ રેસલર્સે વર્ષ 2023ના જાન્યુઆરી મહિનામાં બ્રિજભૂષણ વિરુદ્ધ ધરણા કર્યા હતા.
બ્રિજ ભૂષણ સિંહ પર ખેલાડીઓનો આરોપ છે કે તે મનમાની રીતે સંઘ ચલાવી રહ્યા હતા. રેસલર્સ સાથે તેમના કોચને મોકલવામાં આવતા નથી અને જો તેઓ વિરોધ કરશે તો તેમને ધમકી આપવામાં આવતી હતી. વિનેશ ફોગાટે તેના પર ઘણી છોકરીઓ અને મહિલા કોચના યૌન શોષણનો આરોપ પણ લગાવ્યો હતો.
રેસલર્સ સાથેની બેઠક બાદ ભારતીય ઓલિંપિક સંઘ અને રમતગમત મંત્રાયલે તપાસ સમિતિઓ બનાવી હતી. બોક્સર મેરીકોમની અધ્યક્ષતામાં આ સમિતિ બનાવવામાં આવી હતી. જે મહાસંઘનું રોજનું કામકાજ સંભાળે છે. આ સમિતિઓ દ્ધારા કોઈપણ નિર્ણય કે કાર્યવાહી ન કરાતા રેસલર્સ ફરી વિરોધ કરવા માટે ઉતર્યા છે.
આ પણ વાંચો : Arshdeep Singh, IPL 2023: સ્ટંપ તોડવાને લઈ અર્શદીપ સિંહ સામે થઈ શકે કાર્યવાહી? પંજાબ કિંગ્સને મુંબઈ પોલીસે આપ્યો જવાબ
We will hold press conference at 4 pm at Jantar Mantar on dispute with WFI: India wrestler Bajrang Punia
Read @ANI Story | https://t.co/cAwvAlSxmN#BajrangPunia #WFI #wrestling pic.twitter.com/1Dvw8n7TCY
— ANI Digital (@ani_digital) April 23, 2023
#WATCH |Seven girls including a minor gave a complaint at CP PS against Brijbhushan Singh regarding sexual harassment but yet to be filed.There must be POCSO case. We’ve been waiting for 2.5 months…:Wrestlers protest against then WFI chief & BJP strongman Brij Bhushan Singh pic.twitter.com/SvAvSk9hNz
— ANI (@ANI) April 23, 2023
આ પણ વાંચો : RCB in Green Jersey, IPL 2023: રોયલ ચેલેન્જર્સ બેંગ્લોરની ટીમ રાજસ્થાન સામે ગ્રીન જર્સી કેમ પહેરશે? જાણો
આ કારણે બ્રિજભૂષણનો થઈ રહ્યો છે વિરોધ
વર્ચસ્વ માટે લડાઈ
રેસલર્સે પહેલા પણ યુનિયન પર મનમાનીનો આરોપ લગાવ્યો છે, પરંતુ આ વખતે વિનેશ ફોગાટ, સાક્ષી મલિક અને બજરંગ પુનિયા જેવા ઓલિમ્પિયન અને આંતરરાષ્ટ્રીય ખેલાડીઓ સંઘ અને પ્રમુખ સામે વિરોધ કરી રહ્યા છે. ખેલાડીઓ સંઘ પ્રમુખ પર મનમાનીનો આરોપ લગાવી રહ્યા છે, પરંતુ સિંહનું કહેવું છે કે ખેલાડીઓ જે ઈચ્છે છે તે ઈચ્છે છે. એટલે કે લડાઈ સર્વોપરિતા માટે છે. બંને પક્ષો ઈચ્છે છે કે તેમણે સંઘ ચલાવવો જોઈએ એટલે કે નિયમો તેમની અનુકૂળતા મુજબ હોવા જોઈએ.
સ્પોન્સરશિપનો નિર્ણય
વિવિધ કંપનીઓ તરફથી ખેલાડીઓને સ્પોન્સરશિપ નવી વાત નથી. પરંતુ સંઘર્ષ ત્યાં થાય છે, જ્યારે કંપનીઓ તેમના પોતાની મરજી મુજબ ખેલાડીઓનો ઉપયોગ કરવાનું શરૂ કરે છે. જો આના કારણે ખેલાડીઓને કોઈ મુશ્કેલીનો સામનો ન કરવો પડે તો પણ સંઘને વાંધો છે. રેસલિંગ એસોસિએશને નવા નિયમોમાં કહ્યું છે કે, જો કોઈ ખેલાડી સ્પોન્સરશિપ કરશે તો એસોસિએશન પણ તેમાં ભાગ લેશે. ખેલાડીઓ આ નિયમની વિરુદ્ધ છે.
રાષ્ટ્રીય સ્પર્ધામાં ભાગ લેવો જરૂરી છે
એસોસિએશનના નવા નિયમો અનુસાર ખેલાડીઓ માટે સિનિયર નેશનલ કોમ્પિટિશનમાં ભાગ લેવો ફરજિયાત કરવામાં આવ્યો છે. નિયમો મુજબ કેમ્પમાં એક વજન વર્ગમાં 4 ખેલાડીઓની પસંદગી થઈ શકે છે. જેના કારણે ઘણા ખેલાડીઓ સામેલ થઈ શક્યા નથી. આ પણ વિવાદનું એક કારણ છે.
રાજ્યો વચ્ચે સંઘર્ષ
સંઘ ઈચ્છે છે કે, નબળા રાજ્યોના કુસ્તીબાજોને પણ પ્રમોટ કરવામાં આવે. આ માટે સંઘ દ્વારા કેટલાક પગલા પણ લેવામાં આવ્યા છે. આના કારણે હરિયાણાના ખેલાડીઓ નારાજ છે, કારણ કે મોટાભાગના કુસ્તીબાજો આ રાજ્યમાંથી જ આગળ આવે છે. આ પણ નારાજગીનું કારણ છે.
ઓલિમ્પિકમાં ક્વોટા: એથ્લેટ્સ v/s ફેડરેશન
ઓલિમ્પિકમાં ક્વોટાને લઈને યુનિયન અને ખેલાડીઓ વચ્ચે તકરાર ચાલી રહી છે. નિયમ એવો છે કે ઓલિમ્પિકમાં ક્વોલિફાય થયા બાદ ક્વોટા ખેલાડીનો વ્યક્તિગત નહીં, પરંતુ દેશનો રહેશે. ખેલાડીને ઓલિમ્પિકમાં મોકલતા પહેલા તેની ટ્રાયલ થશે અને જે જીતશે તે ક્વોટા ખેલાડી સાથે સ્પર્ધા કરશે. જો ક્વોટાનો ખેલાડી હારશે તો તેને 15 દિવસમાં બીજી તક આપવામાં આવશે. એટલે કે ક્વોટા લાવવાનો અર્થ એ નથી કે સ્થળ કન્ફર્મ થઈ ગયું. બબાલનું એક કારણ આ પણ કહેવાય છે.
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો
