પ્રો કબડ્ડી લીગ (Pro Kabaddi League) 2022 ની 8મી સિઝનમાં પહેલા એલિમિનેટર મેચમાં યુપી યોદ્ધા (UP Yoddha) ટીમે શાનદાર પ્રદર્શન કરતા પુનેરી પલટન (Puneri Paltan) ટીમને 11 પોઇન્ટના મોટા માર્જીનથી માત આપી છે અને આ જીત સાથે યુપી યુદ્ધા ટીમ સેમિ ફાઇનલમાં પહોંચનારી ત્રીજી ટીમ બની ગઇ છે. યુપી યોદ્ધાના રેડર પ્રદીપ નરવાલે શાનદાર પ્રદર્શન કરતા યુપીની ટીમે શરૂઆતથી જ પુનેરી પલટન ટીમ પર દબદબો રાખ્યો હતો. અંતમાં યુપી યોદ્ધા ટીમે 42-31 થી આ મેચ પોતાના નામે કરી લીધી હતી. પહેલા એલિમિનેટર રાઉન્ડમાં યુપી યોદ્ધાના સ્ટાર રેડર પ્રદીપ નરવાલે સૌથી વધુ 18 પોઇન્ટ મેળવ્યા હતા. પુનેરી પલટન ટીમ માટે અસલમ ઇનામદારે 10 પોઇન્ટ મેળવ્યા હતા. હવે 23ના રોજ પહેલી લીગની પહેલી સેમિ ફાઇનલ મેચમાં યુપી યોદ્ધાનો સામનો ત્રણવારની ચેમ્પિયન ટીમ પટના પાઇરેટ્સ સામે થશે.
યુપી યોદ્ધા ટીમે પહેલા હાફમાં શાનદાર પ્રદર્શન કરતા કુલ 25 પોઇન્ટ બનાવ્યા. જેમાંથી યુપી ટીમના 15 રેડ પોઇન્ટ હતા. જ્યારે પુનેરી પલટન ટીમ માત્ર 10 રેડ પોઇન્ટ જ મેળવવામાં સફળ રહી હતી. બીજા હાફમાં યુવા રેડર અસલમ ઇનામદારે સુપર 10 રેડ બનાવીને પુનેરી પલટનની સેમિ ફાઇનલમાં પહોંચવાની આશા જીવંત રાખી હતી. જોકે પુનેરી ટીમની આ આશા લાંબી ટકી શકી ન હતી અને યુપીના સ્ટાર રેડર પ્રદીપ નરવાલે ફરીથી એકવાર સાબિત કરી દીધું હતું કે તે મોટા મેચ વિનર ખેલાડી છે.
તેણે પણ સુપર 10 રેડ લગાવી કુલ 18 પોઇન્ટ બનાવ્યા હતા. પ્રદીપને સુપર રેડર સુરેન્દર ગીલ અને ડિફેન્ડર સુમિતનો સુંદર સાથ મળ્યો હતો. આ બંનેએ 5-5 પોઇન્ટ મેળવ્યા હતા. હવે લીગની બીજી એલિમિનેટર મેચ બેંગ્લુરુ બુલ્સે શાનદાર પ્રદર્શન કરતા ગુજરાત જાયન્ટની ટીમને હરાવીને બીજી સેમિ ફાઇનલ મેચમાં પ્રવેશ કરી લીધો છે.
બેંગ્લુરુ બુલ્સે 20 પોઇન્ટના મોટા માર્જીનથી માત આપી. બેંગ્લુરુ બુલ્સે 49-29 પોઇન્ટથી આ મેચ પોતાના નામે કરી અને સેમિ ફાઇનલમાં પ્રવેશ કર્યો. બેંગ્લુરુ બુલ્સનો સેમિ ફાઇનલમાં સામનો દબંગ દિલ્હી સામે થશે. આ બંને સેમિ ફાઇનલ મેચ હવે 23 ફેબ્રુઆરી 2022 ના રોજ સાંજે 7:30 વાગે રમાશે.
શું ભારત કોમનવેલ્થ ગેમ્સ 2026માં ભાગ નહીં લે?
