Breaking News: કેનેડામાં રીંછના હુમલામાં ભારતીય મૂળના ખેલાડીનું મોત, UFC ફાઈટર બનવાનું હતું સપનું

પોતાના સપનાઓને પૂરા કરવા માટે ભારત છોડીને કેનેડા ગયેલા ભારતીય મૂળના ખેલાડીનું દુઃખદ અવસાન થયું છે. કેરળના વતની ઋષિકેશ કોલોથનું કેનેડાના નોર્થ સાસ્કાચેવાનમાં રીંછના હુમલામાં મોત થયું હતું. આ ખેલાડી યુએફસી ફાઇટર બનવા માટે તૈયાર હતો પણ સાથે-સાથે સાઈડ જોબ પણ કરતો હતો. ઋષિકેશ નોર્ડબી ઝીલ નજીકયુરેનિયમ એક્સપ્લોરેશન સાઈટ પર કામ કરી રહ્યો હતો ત્યારે એક રીંછે તેના પર હુમલો કર્યો અને તેનું મોત થયું.

ઋષિકેશ કોલોથનું રીંછના હુમલામાં મોત

ઋષિકેશ તેના મોટા ભાઈ અર્જુન કોલાથ સાથે બ્રિટિશ કોલંબિયાના પેન્ટિકટનમાં રહેતો હતો. ઋષિકેશ ત્રણ વર્ષ પહેલાં UFCમાં પ્રોફેશનલ ફાઈટર બનવાના સ્વપ્ન સાથે કેનેડા ગયો હતો. તેણે ભારત અને કેનેડામાં MMA માં તાલીમ લીધી હતી. ઋષિકેશના ભાઈએ કહ્યું કે તે વાનકુવરમાં બોક્સિંગ કોચ તરીકે કામ શરૂ કરવાનો હતો ત્યારે આ દુર્ઘટના બની.

Indian MMA fighter Hrishikesh Koloth killed in bear attack in Canada

He was working at a uranium exploration site when he was attacked.

He had trained in MMA for over a decade, first in India and then in Canada after moving here three years ago.

“He wanted to fight in the… pic.twitter.com/PTRYDsibrb

— Dovy (@DovySimuMMA) May 27, 2026

રીંછ પણ મરી ગયું

ઋષિકેશ પર કાળા રીંછ દ્વારા હુમલો કરવામાં આવ્યો હતો, જે ખૂબ જ આઘાતજનક છે. આવા હુમલા ત્યાં થતા નથી. જ્યારે રીંછે ઋષિકેશ પર હુમલો કર્યો, ત્યારે એક માણસે તેને બચાવવાનો પ્રયાસ કર્યો. તેણે રીંછને ગોળી મારી દીધી, જેનાથી રીંછનું મોત થયું. અર્જુન કોલાથે તેના ભાઈ ઋષિકેશને એક ફાઇટર ગણાવ્યો.

ઋષિકેશ કોઈથી ડરતો ન હતો

અર્જુન કોલાથે કહ્યું, “ઋષિકેશ કોઈથી ડરતો ન હતો. તેને ફક્ત લડવાનું ખૂબ ગમતું હતું. આજે વહેલી સવારે, અધિકારીઓ મારી પાસે આવ્યા અને મને કહ્યું કે તમારા ભાઈને સાસ્કાચેવાનમાં માર્યો ગયો છે.” નોંધનીય છે કે રીંછે સાસ્કાચેવાનમાં ફક્ત ચાર વખત લોકો પર હુમલો કર્યો છે. છેલ્લો હુમલો છ વર્ષ પહેલા 2020 માં થયો હતો, પરંતુ હવે આ હુમલામાં ભારતીય મૂળના એક ખેલાડીએ પોતાનો જીવ ગુમાવ્યો છે.

Breaking News: ભુવનેશ્વર કુમારે વિરાટ કોહલીને ‘બુઢ્ઢો’ કહ્યો, IPL 2026 ફાઈનલ પહેલા વીડિયો વાયરલ