Breaking News : નીરજ ચોપરા ફાઈનલમાં પહોંચ્યો, ભારતના અન્ય બે એથ્લીટ પણ ક્વોલિફાય

કોમનવેલ્થ ગેમ્સ 2026 ના આઠમા દિવસે પુરુષોના ભાલા ફેંક ક્વોલિફાઇંગ રાઉન્ડમાં ભારતના લાલ નીરજ ચોપરાએ ફાઈનલમાં ક્વોલિફાય કર્યું હતું. નીરજ ચોપરા સાથે ભારતના અન્ય બે એથ્લીટ પણ ફાઈનલમાં ક્વોલિફાય થયા હતા. રોહિત યાદવ અને યશવીર સિંહે ફાઇનલમાં પહોંચવાની સિદ્ધિ હાંસલ કરી છે. રોહિત યાદવ 78.37 મીટરના થ્રો સાથે વેઇટ થ્રોમાં નવમા ક્રમે રહ્યો હતો. જ્યારે યશવીર સિંહ 78.36 મીટરના થ્રો સાથે ભાલા ફેંકમાં દસમા ક્રમે રહ્યો હતો.

નીરજ ચોપરા ભાલા ફેંક ફાઈનલમાં ક્વોલિફાય

14 દેશોના અઢાર ખેલાડીઓએ પુરુષોના ભાલા ફેંક ઇવેન્ટમાં ભાગ લીધો હતો. ભારતનો નીરજ ચોપરા પ્રથમ થ્રો પછી 18 ખેલાડીઓમાં છઠ્ઠા સ્થાને રહ્યો હતો. નીરજ ચોપરાનો ક્વોલિફાઇંગ રાઉન્ડમાં પહેલો થ્રો 76.28 મીટર હતો. ભારતના રોહિત યાદવે 77.04 મીટરના થ્રો સાથે પોતાનો પહેલો થ્રો કર્યો હતો. પાકિસ્તાનના અરશદ નદીમે પોતાનો પહેલો થ્રો 78.63 મીટર ફેંક્યો હતો. શ્રીલંકાના રોમેશ થરંગાએ પોતાનો પહેલો થ્રો 82.84 મીટર ફેંક્યો હતો.

Neeraj Chopra, Rohit Yadav and Yash Vir Singh qualify for the men’s javelin throw final at the Commonwealth Games 2026.#CWG2026 | #Cheer4Bharat | #Glasgow2026 pic.twitter.com/bjpo4rT8Zg

— Rinku Yadav (@yadavrinku2025) July 30, 2026

નીરજ પાકિસ્તાનના અરશદથી આગળ

નીરજ ચોપરાનો બીજો થ્રો 79.61 મીટર હતો, જેનાથી તે ટોપ 5 માં સ્થાન તો ન મેળવી શક્યો પણ પાકિસ્તાનના અરશદ નદીમથી આગળ નીકળી ગયો હતો. અરશદનો શ્રેષ્ઠ થ્રો તેના પહેલા પ્રયાસમાં 78.63 મીટર હતો, જે તેનો સિઝનનો શ્રેષ્ઠ થ્રો પણ હતો.

નીરજ ચોપરાએ 79.61 મીટરનો થ્રો કર્યો

કોમનવેલ્થ ગેમ્સ 2026 માં ભાલા ફેંક ઇવેન્ટના ક્વોલિફાઇંગ રાઉન્ડમાં નીરજ ચોપરાએ 79.61 મીટરનો તેનો બેસ્ટ થ્રો કર્યો હતો અને તે પાંચમા સ્થાને રહ્યો હતો. અ સાથે જ નીરજ ચોપરા ભાલા ફેંકવાની ફાઇનલમાં પહોંચ્યો હતો. તે પાકિસ્તાનના અરશદથી રહ્યો હતો. અરશદ છઠ્ઠા ક્રમે રહ્યો હતો અને તે પણ ફાઈનલમાં ક્વોલિફાય થયો હતો.

કોમનવેલ્થ ગેમ્સ અને ઓલિમ્પિક ગેમ્સ વચ્ચે શું છે તફાવત ? આ 5 મુદ્દા બધી મૂંઝવણ દૂર કરશે