ભારતીય પુરુષ હોકી ટીમે એશિયન ચેમ્પિયન્સ ટ્રોફી પર કબજો કર્યો. ભારતે ફાઇનલમાં જાપાનને 4-1થી હરાવીને રેકોર્ડ છઠ્ઠો ખિતાબ જીત્યો. મોહાલીના ઓલિમ્પિયન બલબીર સિંહ સિનિયર ઇન્ટરનેશનલ હોકી સ્ટેડિયમ ખાતે રમાયેલી આ મેચમાં, ડિફેન્ડિંગ ચેમ્પિયન ભારતે શાનદાર પ્રદર્શન કરીને સતત ત્રીજી વખત ટ્રોફી જીતી. બીજા ક્વાર્ટરમાં જાપાને મોટાભાગે 1-0થી આગળ રહ્યું. ત્રીજી મિનિટમાં કાઝુમાસા માત્સુમોટોના ગોલથી જાપાનને 1-0ની લીડ મળી, પરંતુ ત્રીજા ક્વાર્ટરમાં ભારતે મેચનું પરિણામ પલટી નાખ્યું.

ભારતે જાપાનને 4-1થી હરાવ્યું

ત્રીજા ક્વાર્ટરમાં શિલાનંદ લાકરાએ બરાબરી કરી અને સ્કોર 1-1 કર્યો હતો. જોકે ચોથા ક્વાર્ટરમાં ભારતે મેચનું પરિણામ ફેરવી દીધું. 48મી મિનિટે દિલપ્રીત સિંહે શાનદાર ગોલ કરીને ટીમને 2-1ની લીડ અપાવી. થોડીવાર પછી જુગરેજ સિંહે પેનલ્ટી કોર્નરથી ત્રીજો ગોલ કર્યો અને પછી વિવેક સાગર પ્રસાદે એક શક્તિશાળી ગોલથી સ્કોર 4-1 કરી દીધો. અંતિમ વ્હિસલ સુધી સ્કોર 4-1 રહ્યો, જેના કારણે ભારત એક પણ મેચ હાર્યા વિના ટુર્નામેન્ટ જીતી ગયું.

BACK-TO-BACK CHAMPIONS! INDIA DEFEND THEIR CROWN!

Team India are crowned champions of the Hero Asian Champions Trophy Punjab 2026 after a commanding 4-1 victory over Japan in the Final! The defending champions deliver when it matters most to retain their title on home soil! Their record-extending 6th ACT title!

#HockeyIsBack #HACT2026 #SatSriAkalAsia #IndiaKaGame

— Hockey India (@TheHockeyIndia) November 5, 2026

ભારતીય ટીમ અપરાજિત રહી

ભારતે એશિયન ચેમ્પિયન્સ ટ્રોફીના લીગ રાઉન્ડમાં પાંચેય મેચ જીતી હતી. ત્યારબાદ ભારતે સેમિફાઇનલમાં દક્ષિણ કોરિયાને 8-1થી હરાવીને ફાઇનલમાં પ્રવેશ કર્યો હતો. જાપાને ફાઇનલમાં ભારતને પડકાર ફેંક્યો હતો, પરંતુ ટીમ ઇન્ડિયાને રોકી શક્યું ન હતું. આ જીત સાથે ભારતે એશિયન ચેમ્પિયન્સ ટ્રોફીમાં પોતાનું વર્ચસ્વ જાળવી રાખ્યું હતું. ભારતે 2011, 2016, 2018, 2023 અને 2024માં આ ટુર્નામેન્ટ જીતી હતી. હવે 2026માં ભારત ફરીથી ચેમ્પિયન બન્યું છે.

શિલાનંદ પ્લેયર ઓફ ધ મેચ

શિલાનંદ લાકરા ફાઇનલ મેચમાં જીતનો હીરો રહ્યો હતો અને પ્લેયર ઓફ ધ મેચ જાહેર કરવામાં આવ્યો હતો. ઓડિશાના આ ખેલાડીએ પોતાની કારકિર્દીમાં અસાધારણ રીતે સારું પ્રદર્શન કર્યું છે. તેણે 2018 માં સુલતાન અઝલાન શાહ કપમાં ટીમ ઈન્ડિયા માટે ડેબ્યૂ કર્યું હતું. તેને ઘૂંટણની ગંભીર ઈજા પણ થઈ હતી, જેમાંથી તે સ્વસ્થ થઈને પાછો ફર્યો હતો. તે 2025 એશિયા કપ વિજેતા ટીમ અને આ વર્ષે એશિયન ગેમ્સની ગોલ્ડ મેડલ વિજેતા ટીમનો ભાગ હતો.

IND vs BAN: જાન્યુઆરીમાં બાંગ્લાદેશ જશે ટીમ ઈન્ડિયા? 3 વનડે અને 3 T20ની શ્રેણી અંગે મોટું અપડેટ